حكــــــــــــــي>_

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة dream rose دائرتك المقربة اجعلها لمن لا شر منهم لمن تأمن أنهم لا يفجرون في الخصومة لمن يمتلكون مخزونا أخلاقيا يمنعهم من إلحاق أي أذى بك ساعة الخلاف

كلامك خالتو دريم هون خلاني اصفن كتييير

هاد الكلام يستحق يكون في موضوع نفاش لاني حاليا واقع في ودائما نوقع فيه

(الدائرة المقربة)

كيف فينا نختصرها ومانكون ضمن دائرة ونجبر عليها

عندي ناس حاليا حواليي بعرف تماما فاجرين في الخصومة

والخصومة قريبة

ومجبر على التعامل اليومي معن بحكم طبيعة العمل

وايضا في ناس ضرتني انا شخصيا ولكن من ضمن دائرة صلة الدم

انا من طبعي قاسي ومابجامل وبحكي بالوجه لكن بضل حياء القربى والزمالة مجبرين عليه

عشان الحياة تسير والعمل يستمر

صدقا امواج متلاطمة بالمشاعر

وان جيتي للصداقات الزمان غربلها نعم

لكن بعد صدمات عنيفة

بتمنى انتو جميعا تصحوا بكير وماتتعرضو لبشاعة طعنة صديق اصعب من العدو أقلها العدو بالوجه

في حكي كتييير بالبال واللي عندو بال وطولتو يشاركنا الحكي

ومنتظر جوابك خيتي خالتو دريم

هلأ بما أنو الموضوع انفتح بحكي
رح رد عليك هون احسن عمو لورد
للأسف الشديد الدائرة المقربة ليست دائماً اختيارا
أحياناً تفرضها الحياة علينا
هاد الموضوع بالذات أغلبنا عايشو
في ناس الظروف أو الزمالة أو حتى صلة الرحم تفرضهم علينا
و نجد أنفسنا مجبرين على التعامل معهم كأنوا مو صاير شي
بس مع الوقت الواحد يتعلم أنو مو أي حدا قريب للقلب
و مو كل ضحكة ولا معاملة منيحة معناها نية صافية
في فرق كبير بين ناس نحترمهم بحكم الأصل و التربية
و بين من نعطيهم الأمان و الثقة
لأنو أصعب شي فعلا أنو تجيك الطعنة من شخص
كنت مفكرو سندك
العدو ما يوجع مثل شخص داخل دائرتنا
الواحد فينا لازم يعرف منيح وين يحط قلبو و مع مين
لهذا أنا شخصيا أؤمن أن راحة البال
لا تأتي من كثرة الناس حولنا
بل من معرفة مكانة كل شخص في حياتنا
دون مبالغة أو اندفاع
لهيك دائرتي المقربة صغيييرة جداً فوق ما بتتخيلو

الله يبعد علينا و عليكم الناس
اللي وجوههم معنا
و قلوبهم ضدنا

هاد باختصار شديد لأنو ما حدا
عندو طولة بال بهالأيام عمو

قرأت اليوم
أن الفراشات تتوقف عن الطيران
عندما تُمطر
لأن المطر قد يُتلف أجنحتها
و هذا تذكير لطيف:
من الطبيعي أن ترتاح
أثناء عواصف الحياة
الراحة ليست استسلاماً بل حماية
ستطير من جديد عندما تمرّ العاصفة

كان قلبي بيتا مشرع الابواب

يتقد بحياة من فيه ..

بأخوتي ، وبأمان أبي وأمي

كنا روحا واحدة تتوزع في أجسادٍ عدة ..

أما اليوم وبعد رحيل أمي ..

هُدمت أسوار ذلك الأمان

وتجمد كل ذلك الدفء

غدا قلبي مغتربا

تائها بين أقطاب الصقيع

ولم يعد لأي اتجاه معنى .....

حتى لو كان التلميح كوضوح الشمس
إلا أني دائماً أختار ألا أفهم
حتى ينطقها المعنى بصريح العبارة
أحب كل شعور
_ شجاع _
و كل شيء ينطقه اللسان ألذ