|
#1
02-06-2018, 02:07 PM
|
||||||||||||
|
||||||||||||
ليفة وصابونة
قصة الحمام السوري
  بتعرفو ليش كنا نكره الحمام نحنا وصغار   رح بحكيلكن ليش...هاد ياسيدي بزمانتو بالعيلة كانت الأم هية الراعي الرسمي لحمام ولادها  وكانت تعزبنا مو تحمنناوالمرحلة الأولى من العذاب كانت بتشليح الأواعي  وخصوصاً إذا كنت لابس كنزة صوف لإنها عادةً بتكون ضب عند الرقبة ومابتنشلح إلا بصعوبة   بتمسك إمك الكنزة من تحت وبترفعا لفوق بطير راسك وأدنيك بنمسحو وإنفك بنكسر المهم تشلحا بتجيك المرحلة التانية بتقعدك عالأرض قرفسة وكأنها بدا تعدمك وبتقلك ثبت حالك  إنت هون بتخريط وبتبلع ريقك وبتعرف إنها رح تحارب فيك بتجي مرحلة الجد..✋..وبتكون حرارة المي تحت درجة الغليان   بنتفةبتكب فوقك طاسة مي نار بتنط بأربعتك وبتولول بتخرطك كف بتلف بأرضك متل الصياح وبتخرس   بتحط فوق راسك لوح الصابون وبتبلش مابتحس غير راسك طاير يمين وشمال وشرق وغرب منوصل للمرحلة الأصعب(( التلييف ))  بتلبس بإيديها كيس تفريك هاد الأسود وعلى زماننا كان خشششششن وكأنو ورق قزيز أو ديسك صاروخ للجلي  بتمسكك منيح وبتبلش فرك وكأنو إنت قداما المصباح وبدها تطالع المارد منك وبسيخ كل جسمك وبيقلب لونك متل الشوندرة ولما تخلص بترجع بتعطيك تمين تلاتة بالصابون.. بعدا بتلفك بالبشكير وبتقلك مع وجهك إلزاق بالصوبية وبترفسك لبرا وبتصيح يلي بعدوووو  شو رأيكن بهالحكي صح والا شو..؟  ذكريات الطفولة 
إبَتَسمـي ، فَُـ فُي عٍيّنيڪ لُِمعٍآنِ قٌِبَة آلُِصخـرٍة
إبَتَسمـي ، لُِعٍلُِ آلُِحٍرٍبَ تخـجٍلَُِ ، لُِعٍلُِهـآ من جٍمآلُِ إبَتسمآتڪِ ترٍحٍلُِ ! أمـ♥̨̥̬̩ي  
آخر تعديل همس الحب يوم
02-06-2018 في 02:11 PM.
|
|
02-06-2018, 02:28 PM
|
#2 | ||||||||||||||
عدد الترشيحات : 4
عدد المواضيع المرشحة : 2  عدد مرات الفوز : 2شكراً: 879
تم شكره 1,143 مرة في 633 مشاركة
|
رد: ليفة وصابونة
هههههههههه
يسعدك هموس والله متعتينا بذكريات الطفولة كلامك صحيح بس شو بدنا بالحكي صارت حمامتنا حكاية متوراثة عبر الاجيال ههههه صحي شو كان دورك انا كان قدامي تين ههههه بس مابحكيلك عن كمية الرعب الي بعيشو ساعتها هههه اوعك تحاولي تجربي هالتجربة مع اولادك ههههه يسلم ايديكي ياقمري دمتي بتميز |
||||||||||||||
|
LORD
🌷🌷🌷🌷
|
|
02-06-2018, 02:53 PM
|
#3 | |||||||||||||
عدد الترشيحات : 30
عدد المواضيع المرشحة : 15 عدد مرات الفوز : 6شكراً: 4,324
تم شكره 4,177 مرة في 2,391 مشاركة
|
رد: ليفة وصابونة
هههه اويلي كنا نطلع حمر ممعوطين من تحت ديات الوالدة الله يرحما
وكلو اسهل من تمشيط الشعر بعد الحمام كتر مايكون مدعوك يتشربك ببعضو ويبلش التنتيف وياويلو الي بيئول اي هههه لذيذ موضوعك همس يعطيكي العافية ياقمر |
|||||||||||||
|
|
|
02-06-2018, 03:16 PM
|
#4 | |
 
|
رد: ليفة وصابونة
هههه نعيماا ريتوو
مافي احلا من ايام الطفوله وذكرياتها جميله حكايتك كمان مرئنا فيها ههه يسلمون يا عسل 3> |
|
|
`.. đяeαм - life ..~
Dream𝑅𝑜𝓈𝑒 هدوء 💗 Innocence Rose منوريين التوقيع 
|
|
02-06-2018, 07:29 PM
|
#5 | ||||||||||||||||||||||||
|
رد: ليفة وصابونة
انا لصغير يعني لما كانت ماما تحممني كانو اخواتي نفدو من هالعذاب ههههه وصفيت لحالي ربي يسعدك سوووز أسعدني مروورك وديري بالك تتزحلقي 
|
||||||||||||||||||||||||
|
|
|
02-06-2018, 07:33 PM
|
#6 | ||||||||||||||||||||||||
|
رد: ليفة وصابونة
الله يرحمها الوالدة ويطول عمرك سحوبة أكيد شموسة نفدت وصار دور ملووكة  اسعدني مرورك سحابة صيف تحياتي |
||||||||||||||||||||||||
|
|
|
02-06-2018, 07:35 PM
|
#7 | ||||||||||||||||||||||||
|
رد: ليفة وصابونة
مافي احلى من ايام الطفولة يا ريتها ترجع أسعدني مرورك العطر تحياتي |
||||||||||||||||||||||||
|
|
|
02-06-2018, 07:48 PM
|
#8 | |
|
رد: ليفة وصابونة
هههههه ضحّكتيني هموووس
يسلمووو ع الموضوع اللطيف م ننحرم ي رب،،،،كل الحب إلك ❤❤ |
|
|
LORD
|
|
02-06-2018, 07:58 PM
|
#9 | ||||||||||||||||||||||||
|
رد: ليفة وصابونة
حبيبتي هبووش ربي يسعدك على طوول محبتي وقبلاتي لك تحياتي |
||||||||||||||||||||||||
|
|
 |
| مواقع النشر (المفضلة) |
|
|
العضو الأكثر نشاطاً هذا اليوم 
العرض العادي
