Little Frog

https://www.youtube.com/watch?v=_AgN8u42-y0

قمة

رائعة القصة وفي الصميم

لايوجد اكثر من المتشائمين والحسودين حولنا وكان نجاح الغير ينعكس سلبا عليهم

دعو الخلق للخالق واهتمو بفشلكم انتم

بوركتي سحابة صيف وشكرا للانتقاء المميز

فعلا لازم الواحد مايكترث لحكي الناس
لان بعضهم لايتمنى النجاح لغيره

اختيار جدا رائع وموفق سحابة
اسعدك الله وابعد عنك الشر يارب ..~

بالوقت الحالي هالناس صايره ع كيف وصول لهيك ونحنا ليش ما اجانا متلون ومبعرف شو مابيعرفو يقولو الله يبارك لهم فيما رزقو فيه ..كتران ديقه العين الله يهدي ..افرح لجارك لاخاك واكثر لبقول بماشاء الله والله يبارك لهم ويبارك لنا ويرزقنا من فضله وكرمه ...
عدم الاكتراث والتوكل ع الرازق اهم شي للوصول للهدف والكتمااان ( واقضوا حواىءجكم بالكتمان)

يعطيكي العافيه سحوبه ..زكرني بشي الفيديو يسلمون يا قلبي

كلامكن صحيح 100 %
والعين غير الحسد تماما وكل وحدة مصيبة اكتر من التانية
وكلمة ماشاء الله باتت ثقيلة على لسان الكثيرين

...

اسمعو هالقصة ولو اطلت عليكن

في شخص من فترة لاحقني بموضوع شغل وانا رافض الشغل معو
لعدة اسباب عميقة اخفها انو عقلو وظيفي وليس تجاري

بعد ضغوط كبيرة كان القرار نشتغل معو لكن بفرع وليس بالعمل الرئيسي وقدمت العروض الي عندي وكانت مسهلة جدا جدا

يعني بالعربي الفصيح مابيحلم بهيك عروض وكان في شخص عندو خبرة عشر سنوات على استعداد ليقدملنا خبرتو

ووقت صار الموضوع جدي تماما وبكرة لازم نستأجر الموقع المطلوب
واخدنا موعد من صاحب العقار اختفى الرجال وماحضر

بالنسبة النا مستمرين مو فارقة معنا وفينا نستبدلو بعشرين واحد
لكن اتضح انو متردد وبالتجارة يسمى هيك شخص (رأس مال جبان)

وراس المال الجبان في علم الاقتصاد يرافق الفشل الفوري
والحمد لله على ماكان .....

القصة لهون عادية جدا

اللي موعادي اتضح بان نفس هذا الشخص يسال ويتابع كل شي عم نشتغلو من بعيد لبعيد

وكنا حاطين ضمن الخطة موقعين للاجار وفجأة راحو
واتضح لاحقا انو هوة دافع لصاحب العقار ومطمعو انو بدو كل شي من عندو

فقط لبين ما نصرف نظرنا نحنا عن الموقع
وطبعا مارح يلتزم مع الرجال كمان وقطع برزقتو

طيب العقارات ملييييانة وشيئ لا ينضب وشغل كتير وعمال عنا كتير والنظام واضح والقوانين واضحة وامورنا كلها بالسليم

يعني مهما فعل مارح يستفاد اي شي ولارح يقدر يعطل علينا واحد بالمليون

اليوم بالذات اكتشفت انو شغال مع شخص نفس مجال عملنا يعني سرق الفكرة ونفذها مع غيرنا

طيب خبرةماعندن!! وعمال ماعندن !! وجداد عالمصلحة!!
وانا رح كون الموزع الرئيسي لهي الشغلة!! يعني رح يرجعو لعندي اجباري


شوفيني قول لهيك انسان غبي

ومبين بعد ما تراجع وهرب انو حاقد على شخص معنا ومابيتمنالو اي خير!!
ياسبحان الله ........هاد حقد ولا حسد ولا شوفينا نسمي

هي قصة صارت معي اليوم

وللمعلومة هاد الشخص رتبة عالية جدا بالمجتمع والله عاطي من نعيمو

ونحنا من جيل احفادو عمرو اكتر من 60 سنة يعني مو ولد

عئولة عادل كرم آآآه يا هبيله

واللي يتجهوا (للنفاثات في العقد) ...فهدول متل هيك ناس مبعرف شو بدنا نسميهن ولا شو بس مابنقول غير عليك اتكالي يارب والله يهدي هيك بشر نسيانين انو عيي دنيا ومو اخذين معنا غير صالح الاعمال ونسييانين الرقيب الاعلى والحمدلله ع كل حال وع ماقدره...والله يوفقك ويرزقك ويبعد عنك كل ازىء ومكروة وكل من اراد اك ذالك ..وبالتوفيق لالك بتمناه اخي ويبعد هيك ناس حوليك

اعوذ بالله اعوذ بالله

كلو كوووووم والنفاثات بالعقد هدول كوووم

يالطيف النساء اكثر من يستخدم هذا الموضوع وسبحان الله (النفاثات في العقد مؤنث)

تنتشر هذه القصة في اغلب الدول العربية اكثرها المغرب وباعتقادي بان كل شخص فينا او اهله تعرض لموقف من هذا

.................

في اعصار شابالا مؤخرا شاهدت صور مرعبة عن اعمال السحر التي رماها البحر الى الشاطي واغلبها باسماء فتياة

لاحول ولاقوة الا بالله





اعوذ بالله اعوذ بالله

اقتباس   المشاركة الأصلية كتبت بواسطة lord قمة رائعة القصة وفي الصميم لايوجد اكثر من المتشائمين والحسودين حولنا وكان نجاح الغير ينعكس سلبا عليهم دعو الخلق للخالق واهتمو بفشلكم انتم بوركتي سحابة صيف وشكرا للانتقاء المميز

نعم كلامك صحيح مدير والعياذ بالله من عيون الحاسدين

ادام الله علينا وعليكم نعمه وابعد عنا شر الحاسدين

اقتباس   المشاركة الأصلية كتبت بواسطة innocence rose فعلا لازم الواحد مايكترث لحكي الناس لان بعضهم لايتمنى النجاح لغيره اختيار جدا رائع وموفق سحابة اسعدك الله وابعد عنك الشر يارب ..~

حبيبة ئلبي بتشكر حضورك الجميل

ودي لك