مابين قلبي وقلمي

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة سحابة صيف بمتل هاد اليوم من .... خلئت بيناتن حكاية كلماته رنت بادنها متل صوت الجرس بعثرتها .... فرحتها .... وماسدئت اللي عم تسمعو خبيت وجها بايديها وسكتت دمعت عيونا ومن دون ماتحكي عرف اللي عم يدور جواتا رجع عاد كلماته بطريقة ونغمة جديدة اي بحبك ومن زمان بحبك عئلها عم يئول لك ليش حبيتني مابتعرف اني سكرت ئلبي من زمان ورميت المفتاح للريح خليك هيك متل ما انتي رفيئي نط ئلبا وخرس صوت العئل المجنون وانتي لي عم تكذبي ع حالك مو انتي بتحبيه مو انتي ماعرفتي نوم الليل من بعد ماعرفتيه مو صار هوة شغلك الشاغل تفرحي لفرحه وتزعلي لزعله وتطيري من الفرح من كلمة حلوة تمرء بالصدفة بيناتكن قطع عليها تفكيرا وئلها بدي شوف عيونك ليش مخبيتين يالله متل السحر كانو عيونا عم يشعو فرح ولهفة وحب وخدودا حمر متل وردة جورية مفتحة جديد طلعت بعيونو وهي عم تدور بقواميس اللغات عن شي كلمة تكسر هالصمت اللي صار هوة كان اشطر منا بكتير حطم كووووول جدران الصمت وخلا صوتو يدوي وهو عم يقول بحبك بحبك ومن زمان وهل مرة من دون تفكير ردت وقالتلو اي وانا بحبك واجت لتدور على مكان تهرب عليه منه مسكا من ايدا وقلا وين بدك تروحي ما أنا ماسدئت لقيتك انا موبس بحبك انا بدي الياكي اميرة لحياتي اللي جاي وهلأ بدي جوابك ماكان طالع معا ولا عبالها شئ الا تغمرو وتحس بدفاه وجاوبتو وقالتلو وانتي اللي رح تكون ملك ايامي وحياتي ومن يومها ايدو بايدا وقلبو على قلبا مافارقو بعض ولا ثانية صارو مو بس حبيبين صارو كلشي بحياة بعضن الماضي والحاضر والمستقبل وهيك مكملي حكايتن وياريت كل الحكاية تكون هيك نهايتا

ومنرجع لنكمل الحكاية

هيي كتبت هالورقة وحطتها بزاوية تنيناتن بحبوها كتير من بيتن

شافها هوة ومتل كل مرة بتكتب فيها هالحبيبة متل هيك قصص

قرأها بصمت وهي عم تراقب تصرفه بكل حواسها

رفع حاجب وابتسم وتطلع نظرة اعجاب بهالكا م كلمة ومشي على شغله

هيي احتارت شو فهم ياترى وصلتو المسج اللي كان بدا الياها توصل من

خلال هالورقة اولا

احتارت بأمر حالا اكتر ماكانت حابي تحيرو وتثير فضول براسو

انتظرت وانتظرت ليخلص شغلو ويرجع عالبيت ويقعدو سوى متل كل يوم

ما سأل ما حكى ...... ما علق ......

طنشت هيي القصة كمان

وتاني يوم

ئالتلو حبيبي نسيت خبرك انو في يوم وذكرى مهمة بحياتنا

وحابي عايدك وئلك كل سنة وانتي حبيبي

استغرب واستفسر شو المناسبة ؟؟؟؟؟

ئالتلو مو المهم المناسبة شوهيي المهم انو يوم حلو كتير وانا مارح انساه بعمري

هوة يمكن زعل ... يمكن ما اهتم ....يمكن ويمكن ويمكن ....

بس الاهم انو نهى الحديث واختصرو

ومع هيك هيي مازعلت واصرت تعبرلو عن حبها لالو

بس كمان هالمرة تركت شئ مخبا بقلبا وما فعلت تخبرو عنه

ورح تتركو مفاجأة لألو

وهيك ما انتهت الحكاية لسة في الها كمالة وتكفاية ......

بس رح ننطر معهم ليرجع من شغلو

وتقلو يعطيك العافية والحمد لله عالسلامة


وياترى شو ئولكم بتنتهي متل مو هيي حابي ولا .......