مشاكل اليوم ما بدها حل امبارح

يعني حبيبتي كلامك فيني ئول
انو صحيح نوعا ما
بس الامر مابيخلى
هلئ في كتير اشياء بنحكيها وبينا وبين حالنا
يمكن بنتقاعس فيها شوي
وهاد بيعود باعتقادي لعدم اقتناعنا فيها
فمثلا حدا بيحكي انو انا بدي ئص شعري
لما بيعود يئعد مع حالو بيتردد لانو مامقتنع اساسا
بفكرتو طبعاً هاد مثال بسيط
اما بالنسبة للحرية يعني المطالبة فيها مو خطأ
ومابتوقع انو لازم يكون مراقب على الناس
كرمال ما تخطأ باستعمال الحرية
لانو لما بتكون الحرية متوفرة
نحنا حنكون مراقبين ع حالنا
ونحنا جيل واعي
وبنعرف الصح من الغلط
وعنا وعي كبير وفهم للحياة
لهاد السبب زادت مطالبتنا للحرية
لانو زمن الاستبداد والاستعباد ولى
ومعدنا جاهلين بينضحك علينا بكم كلما
صارت اللعبة مكشوفة ئدامنا
والحياة المستقبلية والحرية الشخصية
نحنا منرسمها لحالنا
ليش لنمشي على خطوط
انرسمت من غيرنا
وعم يحاولوا يجبرونا فيها
اسفة للاطالة
بس زبدة الحكي
انو نحنا لما منستعمل الحرية بشكل صحيح
ويكون كل شخص منا حاكم على حالو
مافي داعي لرقابة الغير
وادعاء رعايتنا

بتشكرك يائمررر
الموضوع حلو
ودي ومحبتي لك