اسلوبك = مكانتك

اقتباس   المشاركة الأصلية كتبت بواسطة أمير الاحساس وهلئ اجيت انا اسمعي مني الكلام المفيد ولا حدا يضحك عليكي عبير انا رح احكي الجريدة المفيدة رح نبلش بسم الله الله اكبر بداية انا معرفتي فيكي متل اي شخص يعني مين انتي ماحدا بيعرفك مزبوط لاننا ببساطة كلنا وهم واسامي وكتابة ع فكره انا ما بختلف عن الواقع كثير الا بشي بكثره كلامي هنا وسيطرتي يعني انا عبير وبالواقع اسمي عبير وواثقه اسم اتفائل بيه وبيشجعني لا اكثر بس من خلال الكتابة تبين معي انك بنت كتير عفوية حنونة على البنات وبنفس الوقت قاسية مابتحبي حدا من الشباب ينتصر عليكي وهي شغلة حلوة كتير عندك قوة شخصية كتير يعني الله يعينه صاحب النصيب قلبك ابيض هي الي شفته انا من خلال عشرتنا ومو مجاملة لاني مابعرف جامل بس في شغلة مو حلوة فيكي بتحقدي اسف بس عم نحكي بصراحة سلام خيتو موفقة يارب

:cipollinomuhahavp1:

اي اي ما بحب حد يغلبني
ولما يجي صاحب النصيب راح اوريه نجوم الظهر
ههههههههههه
بجد ضحكتني اوكي ما راح ادافع عن نفسي هنا

مسأله الحقد هذي اول مره بسمعها ومنكم نستفيد
اول مره بعرف اني حقوده
بس لو كنت اثبتلي ياها بموقف عشان افهم لي قلت كذا او ايش الي اوحالك بهالشي
عشان اتفاداها مره ثانيه
واشكر لك صراحتك

اقتباس   المشاركة الأصلية كتبت بواسطة lord عبير .....عبير ...ممممم اهلين عمي اهلين،/اهلين اهلين جدو الشباب ماقصرو فيكي بالمدح بس الذم لسة ما كفو ووفو اي اي وانا ما زلت انتظر الهجوم كنت بمنتدى ثاني نزلت هالموضوع نزلو علي بعشر صفخات تقريبا من اول يومين ما بعرف لي مقصرين فيا عبير انسانة بنظري اد المسؤولية وبجدارة عندها ليونة بالتعامل غريبة جدا ذكرتني بالحربايه الي بتتلون عمو هههههههههه ممكن تتأقلم مع اي جوّ حتى لو مو جوها الحقيقي جريئة جدا بتخطي مراحل الجرئة عن اي بنت برايك لازم اخفف منها لانه مره في بنت خبرتني كنت اظنك رجال من خلال كلامك احيانا بحس حالي عم احكي مع رفيقي بتناقش بواقعية وبعيدة عن التصنع مثقفة وتوجهك الديني احيانا مو دائما بيعجبني بحس عقلك ترس ومقفول ومابتعودي تقتنعي بشي يعني بتأجري الفوقاني احيانا مدري شو بصرلك واذا حابة ذكرك عن شغلة من هالشغلات هية قصة صديقتك الي هية كانت ومازالت اخت النا ووقتها انتي مو بس عقلك حسيت الدنية سكرت بوجهك وكلنا كنا زعلانين منها بس عليكي اكتر ممممممممممممممممممممممم ذكرتني بالذي مضى وشوف لورد ما زلت احبها لاخر يوم بعمري ولو رجعت راح افتح لها قلبي لاخره وعقلي ووالله لو قالتلي تعالي معي لمنتدى ثاني كنت رحت وراها بس هيا ما عاد حبت بس كان نفسي اسألها سؤال قبل لتنقطع كرهتيني او لا واذا كنت غلطت بيوم بحقها اتمنى تسامحني بس انتي زدتي الموضوع عن حدو كتير وهالشي ماعجبني فيكي بنوب مو تقولي اخلاص للرفقة هاد شي تاني غلبتي وقتها شعورك على ناس كمان هنن رفقاتك مخ مافي صديق احبها مهما قلت كمان عبير خانم عندها علة كبيرة ماعندها استعداد تفتح قلبها لشي ربنا شرعو هو الحب بلا حب بلا بطيخ بحسك ابعد انسانة عن هالشي من ايدك انتي يعني لو الحب واحد كنتي انتي القاتلة تبعو اي واخذ وسام عليه اي انسان عندو ظروفو وصحتو ووضعو بس هالشي مابيمنع تفتحي قلبك ومتأكد وواثق يا واثقة انو وبدون اذنك او اذنو رح توئعي على راسك شك وتبلشي قصائد غزل وحب وتؤبر قلبي ومابعرف شو متل باقي الربع (لعمة هاد فلم خيال علمي تحقق اذا صار) ههههههههههههههههههه راح تكون من عجائب الدنيا العشره اخاف تنصدمو وقتها وتوقعوا من طولكم :cipollinomuhahavp1:ال عبير تحب ال ما يليق خالو عندك شي كمان انو ما لازم شب ينتصر عليكي وهالشي راح من ايدك لاني هزمتك هع هع ونضال كمان ورامز ومان يييييييييي فشلتي بهالنقطة معنا عمو ههههههههههههههههههه انا اعطيتكم الفرصه تكرما وتعطفا مني عشان لا تقولوا عني قاسيه وكمان اخاف من العين من كثر انتصاراتي ومع البنات اذا وحدة طلعت من قلبك خلص مابقا تفوتو مو متل ماقال رامز حقد والله حيرتموني من الي طلع وما عاد دخل فهموني بلاقيكي بعيدة جدا عن هالكلمة واذا وحدة فاتت ما بقا تطلع بسهودلة شكلو ماعندي حلول وسط يا علاج كامل او بتر في شغلات كتير بس هدول على عجالة لنا عودة خالتي عراسي اخت الرجال صحي هي شغلة فيكي مهمة انك اقوى من كتير شباب بعرفن انتبه الشباب يغتالوك بسبب هالكلمه

اشكرك
واكيد راح انتظر باقي انتقاداتك

اقتباس   المشاركة الأصلية كتبت بواسطة القلب الجريح مابعرف رامز شو بدي قلك بس بالنسبة للحقد اظنك غلطان كتير لان عبير ما بتعرف الحقد ممكن انت وجهت نظرك هيك او غلط فهمت انها بتحقد لكن لو نظرت لعبير صح رح تعرف انها ما عندها حقد بنوب والي بيحكي بوشك او بخانئك بوشك هاد انسان لايحمل في قلبه عليك شيئ بالعكس بكون واضح وصريح قدامك افضل مايحكي عليك بظهرك ومن ناحية الحقد ياريت تتاكد اخي لان انا متل مابقلك ماعندها حقد ومشكورين لردكم كلكم واولكم انا ههههههه دمتم بخير جميعا

ههههههههههههههههه
بجد ضحكتني
محسسني اني بمحكمه
وانت المحامي تبعي

تعرف خليه يقول الي يريده يمكن انا غلطت معه بشي
وواخذ مني موقف
انا حابه اعرف
وبشكرك نضال لدافعك
وبشكر كل الي انتقدوني من قلبي
هاذا الشي انا بحبه
وبحب الي يتكلم قدامي بالي بقلبه ناحيتي

حكي رفقاتك عنك وردك ألون كتير حلوو
وتعرفت عليكي كوناكتررررر من خلال ما قريتو عنك
وانتي بتستاهلي كل خير
واسمك لابق عليكي واثقة الخطى
وبتمنى هالمحبة تدوم بينات

أول شي مشكووورة على الموضوووع

وبصراحة أنا ما بعرفك كتيرر

بس ما شفت منك إلا كل خير

وباين عليكي بنت طيوووبة وحبابة

إنشاء الله منتعرف على بعض

وبعرفك أكتر

تحيآتي إلك

اهليين عبورة فت لقيت انو الي تنبيه فرحت كثير قلت يمكن حدا من احبابي مستفقدني
فت لقيت رابط هاد الموضوع .........:cipollinocoolp:
راح قول فيك راي بكل صراحة تعجبني شخصيتك ويا ريتني مثلك
صدقيني بحسدك على طباعك
خليكي هيك ولا تفكري تغيري من حالك شو ما صار ....
هيك راي فيك بجد وبدون مراوغة
تحياتي

[align=center]السلام عليكم ورحمة الله وبركاته
انا اول شي بتشكرك اختي عبير لطرح هالموضوع الي برايي مهم جدا لتزيد روابط الاخوة والصداقة بين اعضاء منتدانا الغالي
اما بالنسبة لان اعطي راي بالاخت عبير
فلا يسعني الا ان اقول انكي من البنات المميزات بالمنتدى من حيث نشاطك وردود افعالك وطريقة معالجتك لاي امر من امور المنتدى
وجدت فيكي الاخت الكبيرة التي تلم اخوانها الشباب والبنات لتجمعهم على سفرة الاخوة
مرحة وقوية
ضعيفة وشقية
شخصية قوية بقلب الفتاة الضعيف
شقية باثارة النعرات العنصرية بين الشباب والبنات ههههههههه ودائما خسرانين معنا
لكي شخصية الادارة وخاصة في قيادتكي لثورة تيرا ههههههههههه
وبصراحة اكتر : انتي ثاني شخص ومن وقت دخولي للشات والمنتدى اتجنب الكلام معه ليس تعاليا وانما خوفا ورهبة
اي خوف ورهبة ولي عقامتي شو بخاف منك ومن نضال هههههههههه
ولتاريخ اليوم كل ما بشوف نضال بحكيلو انت وعبير اكتر شي بخاف منكم وبحسب حساب لاي حرف معكم
نضال شفتو وعرفتو اديش حنون وطيب واصيل
يمكن خفت درجة الخوف شوي
اما انتي لساتني للحين ما بعتبرك الا بمثابة خالتي
مو شرط بالعمر وانما بالقدر
وبجميع الحالات نكن لكي اسمى درجات الاحترام والتقدير
ونسال الله تعالى ان ينير دربكي ويوفقكي بحياتك
وان تصلي الى جميع غاياتك الدينية والدنيوية
لكي مني تحياتي [/align]

[align=center]
مممممممممممممممم

احـــــم احــــــــــــــم

اجا الدور عليه

يمسيكو بالخير يا بني ادمين وين ما كنتو وشو ما كنتو بتعملووووو

الاستازة واثقه الخطي

ع فكرة اسمك حلوو كتير كتير عجبني لله وبقدرو كتير هالاسم

بس يا ريت تكوني قد حملو للاسم لانو بيحمل معنى كبير

يا واثقه باشا انا ما بعرفك ممممم

ولا بعرف حدن هوووون سواء انتي او امير او ابتسامه او اي فرد هون انا ما بعرف غير حالي

وطبعا ما حدا بيعرفني منكو

يعني هون اسمي محمد علي وبالشات اسمي رامي

وربك بيعلم شو بكون اسمي في بيتي او في مكان شغلي

المنتديات بحبها كتير بحب فوتها اكتر من الشات يمكن ما اللي مشاركات كتيرة

لكن هالشي بيرجع لسبب انو اغلبيه الاعضائ هون حساسين

ما بحبو الصراحه لانهم بعتقدو انها رح تجرحهم

يمكن انتي جميله ابتسامه هدول اللي اختلطت فيهم ويلي عرفت انهم بتحملو غير هيك ما بعرف

انا من اشد المعجبين بكتاباتك

سواء منك او منقوله

لكن مواضيعك كتير كتير عجبتني

اازا ما كان هادف بكون معبر ما كان معبر بكون مشوق لكن بالنهايه بكون في شي حلوو

ما بخلي للقارئ مجال انو ينط عنه او ما يقرا او يرد وبس

ممممممممممم

فيكي البساطه العفويه فيكي رجاحه راسك الكبيره ههههه

فيكي كل شي حلوو

اكيد في الك سلبيات لكن انا ما حكيت معك لحتى اعرف سلبياتك

ما بعرف ازا انتي بتتحملي الحكي هاد او حكي غيري

لانو اكيد هالحكي باثر فيكي كتير كتير

واكيد ما بتتمنى تشوفي عيوبك

لكن كل انسان فيه عيوب

انا متلاا طماع طماع كتير كتير

طماع في اني اكون شي كبير بمجتمعي ههههه

بالنسبه للحقد وانك بتحقدي ع الشباب

يمكن تكوني مريتي بحكايه او قصه مع شي شب وفشلت

ممكن يكون صديقه لالك فشلت بحكايه حب وهالشي اثر عليكي

يمكن اخوكي بالبيت قاسي عليكي

يمكن ابوكي حدا من قرايبك ما بعرف

انا من وجه نظري هاد ما بتسمى حقد

ممممم

ما بعرف شو بيحكو عنه بتقدري تسميها نزوة

نزوة رح تاخد وقتها وبعد هيك تروح

انتي طماعه وبخيله طماعه لكل شي احسن منك

وبخيله ع اي حدا

ما بتدي لاي حدا اي شي

اي شي بخليه يقرب منك او انو يكون متلك

بتحبي الشهرة بتحبي تكوني نجمه بكل مقعد وبكل مكان

بتحبي الثقافه العلم الاطلاع وهاد شي حلوو بس بحدود

لانو كتر العلم رح يخليكي تصيري هبله بازن الله

خلص بكفي حكي فاضي

سي يووو بتمنى كلامي ما يكون غبي
[/align]

[align=center]
يا حبيبي

صدى الروح بيحكي وهوي خايف

كانها بدها تجي تنتف حواجبه

هاد يلي ما بخليني شارك بالمنتدى

كل كلامه مجاملات

ما في منه نوع من الصدق كل شي مجاملات بمجاملات
[/align]

الى العضو الجديد محمد علي

اذا هيك شايف فيك ما تشارك ابدا ولا تفوت

مو تقرر من عندك انو الاعضاء حساسين وما بيقبلو النقد
وانك انت الفمهمان والصادق


من بين كل المشاركات الي مرو
الكل حكى الي بقلبو وبصدق وبدون مجاملة
وبالاخص صدى الروح
وانو شب يعترف انو خايف فهي قمة الجرئة
وهو قلي هالشي قبل بمرة وجه لوجه


اما مشاركتك الوحيدة الي هية ابعد شي عن الواقع
وفية حكي فوء الاساطيح

مو انت تجي اخر الناس وتحكم على الاعضاء انن بجاملو

وتجي حضرتك وتقيم شغلات مالها اي علاقة بالواقع

وصاحب العلاقة والشهرة برد عليك


انا لاحظت عليك باكتر من محل عم ترمي الاعضاء بهيك كلام
وانو انت الوحيد الي بتحكي الصراحة
وباقي الاعضاء هون لاء بس مجاملات
وموعاجبك شي


هي اخر مرة بتحكي فية عن حدا
واذا بيتكرر هالشي منك
ولو تلميح

رح تلاقي حالك بواقعية منفردة فيك
وتلاقي مكان غير هون

اول واخر انذار

[align=center]مشكور اخي وسام
بس للتوضيح للاخ محمد علي
انا ان حكيت اي شي عن اختي عبير
مش مجاملة ولا انتقاص من شخصها الكريم
وان قلت اني بخاف منها فهي الدليل عن شدة احترامي الها
ومو غلط الواحد يحترم اختو الكبيرة ويوقرها
واكيد هاد ما بينقص من مكانتي
ولا بيعيبني
ويا اخ محمد علي اتمنا انك تشوف الرد والكلام اللي بتكتبو قبل ما تعطيه اعتماد المشاركة
[/align]

اقتباس   المشاركة الأصلية كتبت بواسطة زهرة البنفسج حكي رفقاتك عنك وردك ألون كتير حلوو وتعرفت عليكي كوناكتررررر من خلال ما قريتو عنك وانتي بتستاهلي كل خير واسمك لابق عليكي واثقة الخطى وبتمنى هالمحبة تدوم بينات

1. تسلميلي يا عسل
3. وانا اتمنى اتعرف عليك يا خانوم
4. ونكون رفقه هنا