مواصفات الفتاة السورية - و العربية نفس الحال كمان

مواصفات الفتاة السورية - و العربية نفس الحال كمان

أولاً: فيسبوكياً: ( هي اذا كان عندا بروفايل )

1-اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.

2-أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.

3-و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انتطبعا ما بتفهم شي من هالفاين.



ثانياً- مسنجرياً:

1-اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو(مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقيالحكي.

2-اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمانبس ما بعرف مين انت.. و يا ويلك اذا ما بتجاوبها..

3-طبعا بتكون حاطة صورة الشطرنج تبع المسنجر, أو الوردة... أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقتبتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.

4-دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشرأسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليهاكتير.



ثالثا: في الشارع:

1-بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو منتحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

2-اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض وبيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.

3-تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعابتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


رابعا: في المحلات التجارية:

1-اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتاكور من كوالالامبور....

2-اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دمالحاضرين أجلكن.

3-اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

على كل حال :الله لايحرمنا ياهوووووووون

ههههههههههههههههههه


تقبلو تحياتي

ســــ ربيــــع ــوريا

بتشكرك علي موضوعك الاكثر من رائع

لاتحرمنا جديدك وتميزك

كل الاحترام والتقدير لموضوعك الرائع

تحياتي ومودتي

ربيع شو خف على الصبايا
ما كنت بدي احكيلك يسلمو ولا شي
بس يلا بدي ضل احسن منك يعطيك العافيه

تقبل مروري سلمى

اى شكلو مو عاجبينو

اى لكان تقبل من هاى الدعوة الهى يحطك تحت ضرس حوا احكى امين

اخخخخخخ دمت

ههههههههههههههههههههههههههههههههههههههههههه
ربيع بتشكرك حبيبي على موضوعك اللطيف بس دب كل شي ولا تجيب سيرة بنات سوريا ها اليوم حسابك انا بارجيك عمتحوص من ورا ضهري مو يا دب ماشي ماشي تقبلي مروري وتحياتي
دمت بخير وصحة بتمنالك دوام السعادة
ورد الشام

ههههههههههههههههههههههه
وربى عثل مشكووور صاحب اخف ظل
الك تحياتى
دمت

مشكور كتير ياغالي على المواضفات القياسية للبنات
ودمت بخير وتقبل مروري

يعطيك العافية ربيع تقبل مروري

هههههههههههههههههههههه

الله عليك ربيع

مواصفات اغلبها صح

الله لا يحرمك ياهن ولا يحرمنا شوفه الحال

هههههههههههههه

يسلمووووو كتير