أصناف الرجال ....

الســــــــــــــلام عليـــــــــــــكم

قرأتها فعجبتني ...... تمعنت بها فأجبرتني أنقلها لكم .....


(( أصناف الرجال ))

انا بـادي ومبدايـه بذكـر الواحـد المعبـود

جميع الخلق سبحانـه يدبرهـم علـى مـا راد

اباصبر بالذي يجري عليّـه واحمـد المحمـود

عليمٍ واعد العامـل بمـا يعمـل إلـى الميعـاد

سرى ليلي وانا ساهر وكـل العالميـن رقـود

سرى ليلي سرى كله وعيني ماهتنـت برقـاد

اهوجس وافتكر في الوقت والدنيا واشوف الرود

مع اهل السمت والمعروف واهل الطيب والعبّاد

ردي السمـت والنمـام والكـذاب والحـسـود

ولو كانوا قريشيه فلا يسمـون مـن الاجـواد

ترى ما الجود ورث جدود غير الجود بالموجود

بعض لاجواد مايسوى على التثمين قدح زنـاد

وترى من حاش جد وجود حوّش غاية المقصود

ورث جوده من جدوده وهو شبره عليهـم زاد

وترى بعض العرب ينقد وهو في كوكب المنقود

ذليل ابخيل لادنيـا ولا ديـن وفضيـخ افـواد

وترى بعض العرب مايعرف السودا من البارود

ولا يعرف ولو تنشده شالصـادر مـن الـوراد

وترى بعض العرب ينشي ولا ناشد ولا منشود

ولا عازم ولا يعزم ولا يفزع في يـوم اطـراد

وترى بعض العرب لشفت زوله تقل نسل افهود

تغرك شيفته لكـن الـى هديـت بـه ماصـاد

وترى قلوب الأوادم وقتناذا ما تحفـظ اسـدود

مـن العشريـن لخاويـت رجـلٍ طيـبٍ وداد

إلى من رحت من عنده بعلـمٍ ثابـتٍ وعهـود

يخونك وانت ماتدري تحسبه لك على المعتـاد

وانا ماقلت كلّه ثابـتٍ عنـدي عليـه اشهـود

ولا به شي خافي من الأمـور اقرابهـم وبعـاد

الا ياللي تبون الطيب فيّا الطيب مرقى اسنـود

ولا يرقاه كود اللي علـى مرقـاه لـه معتـاد

أحب الله من حبـه كـلامٍ مـا يبـي لـه زود

وعلى الطاغين في الأيه الا ان الله بالمرصـاد

وسلامتكم وبقاكم

الله عليك
تحياتي من القلب اليك حبيبي ليش لاء
كلمات رائعة وفي الصميم
والاصناف كثيرة جدا واسوءها اكثرها للاسف


وهالكام بيت الك مني ياريت يعجبوك











الطيب رغم كل شي موجود
بمحبة ورضا من الله المعبود


اخلاق محمد والسلف فينا
رغم عنهم وعن كل طاغوت


انت خويي وللقلب فرحة
ووقت الشدايد اسد يزئر رعود


كون يمي هنا فمنتدانا
واكثر من هالهرج وهالردود