تجربة اخطاء المنتدى

هاد الموضوع تجربة قبل الحذف وبنفس الوقت للتاكد من الاشياء الجديدة الي رح تنضاف للمنتدى

اللي عندو افكار يتفضل ينورنا

والي بشوف اي اخطاء يخبرنا

الكل يعطي رايو هون مو طناش متل كل مرة نسال ونحاول نطور

يا هاملين يا آل تيرا

اولكن الادارة

عشان حكيت ما تطنشو
ولكن لسة بسمي هي فوتتي
ما بعرف شو في أخطاء شو بدو إضافات لسة بسم الله
اسفين عالقطعة سامحونااا
ولكن إنشغااالات كثيرةةةةةةة
يعطيكم العافية

ممممم
مبدئيا في أقسام ميتة ممكن تنحذف
مثل قسم برامج ماسنجر
و البلاك البيري و الجوالات مثلا
نفكر بدالها بأقسام تجذب الزوار لحتى يسجلوا معنا

رح نفكر و نشوف شو فينا نقترح
سلمت ع مجهوداتك أخي

ممكن نضيف في قسم صحتك ورشاقتك

قسم الطبخ الصحي لان هلئ اكثر الناس متجهة لهي الشغلات

وفي قسم جمالك واناقتك نضيف

روتين العناية بالبشرة وخلطات طبيعية وهيك

لان صار في هوس بهالمواضيع ... هاد حاليا يلي طلع معي

اما بالنسبة لجذب الزوار

ممكن ينعمل ترحيب للزوار يعني تظهرلن عبارة ترحيبية

وكمان نتركن يشوفو الاقسام المغلقة متل ابداعات الاعضاء

وملفات الاعضاء .. لان عم نشوف عدد الزوار كتير كبير ماشاءالله

ف أكيد عندن الفضول ليشوفو كل شي بالمنتدى

يعني ينعمل تجربة لاسبوع او اسبوعين نشوف اذا في تطور او لا

والرأي رأيكن أكيد

يعطيك العافية ادارة

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة هبة عشان حكيت ما تطنشو ولكن لسة بسمي هي فوتتي ما بعرف شو في أخطاء شو بدو إضافات لسة بسم الله اسفين عالقطعة سامحونااا ولكن إنشغااالات كثيرةةةةةةة يعطيكم العافية

الله الله خالتي ام حسين هنا

ويينك انتي ياعمي اختفيتي ان شاء الله تكونوا بخير وعافية

عطينا من أفكارك للتطوير

لاترجعي تختفي اختي بيتك ومطرحك هون

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة dream rose ممممم مبدئيا في أقسام ميتة ممكن تنحذف مثل قسم برامج ماسنجر و البلاك البيري و الجوالات مثلا نفكر بدالها بأقسام تجذب الزوار لحتى يسجلوا معنا رح نفكر و نشوف شو فينا نقترح سلمت ع مجهوداتك أخي

ايوااا وبهذا نواكب التطور

فعلا في اقسام صارت قديمة يا نحذفها اذا مافي اي فائدة او نطورها بمواضيع جديدة

وشوفي مثلا اقسام تجذب الزوار ؟؟ هاد الحكي الصحيح


فكري فكري وتعالي بالزبدة


شكرااااا خالتو دريم

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة Innocence Rose ممكن نضيف في قسم صحتك ورشاقتك قسم الطبخ الصحي لان هلئ اكثر الناس متجهة لهي الشغلات وفي قسم جمالك واناقتك نضيف روتين العناية بالبشرة وخلطات طبيعية وهيك لان صار في هوس بهالمواضيع ... هاد حاليا يلي طلع معي اما بالنسبة لجذب الزوار ممكن ينعمل ترحيب للزوار يعني تظهرلن عبارة ترحيبية وكمان نتركن يشوفو الاقسام المغلقة متل ابداعات الاعضاء وملفات الاعضاء .. لان عم نشوف عدد الزوار كتير كبير ماشاءالله ف أكيد عندن الفضول ليشوفو كل شي بالمنتدى يعني ينعمل تجربة لاسبوع او اسبوعين نشوف اذا في تطور او لا والرأي رأيكن أكيد يعطيك العافية ادارة

ايوااا وهنا ايضا نواكب التطور

اهلين مشرفتنا الادبية الله حيو

نبلش وحدة وحدة

قسم الاكل الصحي ممتازة الفكرة بس اهم شي لاحدى يقول نظام الطيبات

روتين العناية بالبشرة وهي الشغلات الي مابعرفها اي قررو قسم واسمو ونضيفو كمان فكرة ممتازة

الترحيب بالزوار . كمان نقطة رائعة بالاول كان في رسالة ترحيبية بس صار تقل ونحذفت الميزة من ضمن الميزات التانية منها مواضيع الرابحة الاسبوعية والاوسمة توقفت فيها خلل

هدول كلن لازم نرجع نساوين .. حيو خالتي انين


ايواااا جينا انو نفتح ملفات الزوار هي وقفناها لسبب نسيت شو كان بس ممكن تتفعل

بس الزائر شو بدو بملف الاعضاء ورسائلن بين بعض مع ندرة هي الرسائل هون اصلا

كمان نحطها على القائمة

اما ابداعاات الاعضاء كان قرار جماعي باقفال القسم لانو في حفاظ على حقوق بعض الاعضاء طلبو هالشي ولساتنا محافظين على الوعد وانا بالنسبة ئلي مع اقفال القسم عن الزوار لان في مواضيع ممكن تنسخ بسهولة وتنتشر ونكون نحنا تعبنا عليها

مثلا عندي موضوعين نثر او شعر مابدي شوفن منسوبين لناس تسرق من برة هي الفكرة

حاليا منخلي مغلق ونتناقش فيه جميعا مرى تانية كمان نحطو على القائمة

بالنسبة للزوار الكتار هدول اوغاد سبام اغلبن قليل جدا زوار حقيقيين الا اعضاء المنتدى الي بتابعو من برة

الباقي حرب يومية معن السبام الى ان نقضي عليهم او يقصفونا

افكار ممتازة صار لازم نجهز قائمة بالمطلوب والي نشوفو مناسب


بوركتي وننتظر أراء اضافية ومتابعة لنطور فعلا

1- جرد للاقسام الغير مهمة

2 - اضافة قسم الاكل الصحي

3 - اضافة قسم للعناية بالبشرة

4 - رسالة ترحيب بالزوار

5 - اصلاح هاك الاوسمة او استبداله

6 - مراجعة موضوع الاسبوع والشهر ميزة رائعة كانت

7 - فتح ملف الأعضاء للزوار

...........................


هي القائمة يتم تحديثها وشطب المنجز منها

.....

اقترحت مرة تطوير المنتدى لاجيال حديثة بس رح يختلف تماما عن روح المنتديات هي

رح يصير اخف واسرع بس قريب مثلا لشكل موقع قناة الجزيرة او اكتبو منتديات الجيل الخامس

.......

حتى ستايل صعب نلاقي حدى يصمم بقول انتم مغبر عليكم الدهر وقديمين جدا

رح نبذل جهد للتطوير لنوصل لافضل الحلول المقدور عليها

فكرو خارج الافكار التقليدية وهاتو لنخلي القائمة طويلة وفعلا تعمل فرق مو بس حشو

دمتم

يعطيك العافية أخي
وكل عام وأنتم بخير جميعًا

المكان محتاج بعض الأشياء صحيح
ومتل ما حكوا البنات فوق
في أقسام كتيرة بنقدر نحذف منهم

لو في ببالي اشي لمصلحة المنتدى وتطويره
أكيد برجع فيهاا

يعطيكم العافية.

وعليكم السلام والاكرام اهلين اختي

اي ضروري الكل يشارك ويشوف شو الافضل والمناسب

.............


اخوتي الاعضاء

الكل مسجل بمنتديات تانية ومتعددة الي بشوفو مناسب بغير مكان وناقص عنا ممكن يقترح

او مثلا ميزة بحب تكون متوفرة منحاول نوفرها اذا في امكانية للبرمجة لانو منتدانا قديم بس المحاولة مابتضر

chatgpt نعمة فعلا

راسلت وحكيت عدة شركات للبرمجة مشان المنتدى فبيعطونا باقات كل باقة بسعر والاسعار نوعا ما عالية للشي الي طالبينو

ومالئيت شركة تفش الخلق

المهم في جلسة صفاء مع ابن خالتي chatgpt وأخذ ورد وصد وشرحتلو معاناة مجتمع تيرا الحب

فالزلمة تأثر تأثرا شديدا , ودمعت عينو ونزلت اكواد علينا وعلى حالتنا المشحرة

انتفض ابن خالتي وخالتكن الحجي ابو محمد chatgpt ودق صدرو وقال عندي

وفعلا رفعتلو الملفات الي طلبها وشمطناه اشتراك plus مشان ما يقطعنا بنص الطريق

وبعد بحث وثبر أغوار وغوص في غياهب تيرا قال : يخربيتكن من حالكن هاد منتدى ولا خرابة

انو قاعدين على كم هائل من الاخطاء البرمجية والهاكات المعفنة والعقليات الرجعية كالادارة

لازمكن عزيل ونفض سجاد وجلي وشطف وتعقيم و آخر شي تبخير المنتدى

وانبحت علينا الحيوان بحت متل الآباوة


............

طلع عنا اخطاء من 2010 وتتكرر كل سنة وملفات متبقية من هاكات محذوفة

وهاكات (ميزات) عاملة تقل على المنتدى

مثل ميزة الاحصائيات اخر المنتدى تحت

وميزة صندوق المحادثات والاوسمة ..

الاوسمة خربان وقديم وعامل تقل دم كتير وزعلانة منو ميزات تانية وكل ماقربوا على بعض بيعملو تنافر وحرب البسوس

المهم طلع شغلات واخطاء مابسويها ولا شركة برمجة اطلااااقا لانو بتاخد وقت علين ومارح يتبرعوا مشاننا

وتعلمت شغلات ولا كنت اتخيل اني اقدر سويها

(فعلا صدقت امي وقت تقلي ليش ماتطلع فهمان متل ابن خالتك)


مالكن بالطويلة ولاد خالتي اهل تيرا الحب

حاليا لساتنا شغالين

انتو عليكن تبلشو تعزيل وشطف من اول المنتدى لتحت

واذا تيس فجأة وسكر المنتدى بكون السبب ابن خالتي وتقل دمو على قاعدة البيانات

عم يطبق فيها من اول مابلشنا وهية عاملة تقيلة و ياأرض اشتدي

ماخلى كود مابعتلها ويقلها شبك تقلانة علينا وهي تقلو لونك مهتم كنت عرفت لحالك

حاصلنه كتبت هي المشاركة وانا سكران من السهر .

اشطفوا وسامحونا

اممم

هلاء مبعرف في مشكله عندي بس مبعرف اذا من المنتدى ولا

هالايام صار مابيفتح بيعطيني مسج غريب ..

اليوم منيح اموره طيبه