وصية ام

يأمي شايف عيونك حزينة
شولي مزعلك ياتقبريني
ياريت الناس بتبيع السعادة
تجبلك كل فرحة وكل زينة
حرام الحزن يغمر هل الايادي
الي كنت فوق منهم تحمليني
وصباكي يلبس التوب الرمادي
وقلبك متل زهر الياسميني
مين الي عوكرك يابحر هادي
وطفا الشمعة الي ضوت على مدينة
رفعت راسها بحزم وارادة
ومسحة جمرة الدمعة الحزيني
كنتي كل مازحف ودادي
تشوفيني رجل وتعلميني
يابني ارضك عبدها عبادة
الدهب شو قيمتو لولا الخزينة
يابني القدس اغلى من ولادي
وانت والقدس من فرد طيني
برضاي عليك يافلذة فؤادي
حررها ولاتتركها سجينة
يامي واجبي تابع جهادي
بوصيكي قبل ماتودعيني
اذا نلت الشهادة باعتقادي
بزلغوطة وببسمة استقبليني
مابدي تلبس التوب الحدادي
ولاتبكي علي بتحرقيني
رفاقي بيحملوني على الايادي
عريس بدلتو البيضة التمينة
نعشي زعفران وزهر نادي
وقبري بين زيتونة وتينة
وحتى تريحيني ونام هادي
وبقبري تخيم علي السكينة
تحت راسي وضعي المصحف وسادة
وعقبري صورة المسجد الاقصى
وامانة يضل رشاشي بيميني[

وصية حزينة

تدمع العين

يعطيك العافية أخي شموخ

موضوع رائع ومؤثر

تقبل تحياتي ومرووري

وصيه موجعه وتحمل معاني تضحيه وكرامه عظيمه
اذا النفس لم ترخص لوطن لما سترخص
كلمات رغم بساطتها إلا إنو تأثيرها ع النفس عظيم
يعطيك العافيه أخي شموخ ويسلمو إيديك
على هاي القصيده يلي بغايه الروعه
تحيآتي إلك

حتى تريحيني ونام هادي وبقبري تخيم علي السكينة تحت راسي وضعي المصحف وسادة وعصدري صورة المسجد الاقصى وامانة يضل رشاشي بيمين
سلمت يدك جاري الغالي
بكلمات تنبع من صدر وطنيي حر تتنهد بروح الصمود والبطولة استطعت ان تجعل دماءنا تغلي بعروقنا
اشكرك يا جاري الغالي وكلام كتيير حلو ومعبر

شكرا اخوتي على الكلام الحلو وبتمنى مواضيعي تعجبكون

مشكور خيو ملك تشرفت فيك
والك احترامي
واختي ليليان نورتيني واكيد
مافي اغلى من الوطن ومافي اغلى من الام
الي بضحي للوطن
وجاري كالعادة بسعدك كتير بكلامك مشكورين

طرح رائع
ووصايا اروع
لك كل الشكر اخي رامز
احترامي لك

الك كل التقدير سوزي
اسعدك ربي بحياتك تمنالك الخير
مشكورة