طريقة عمل الخبز

يسعد اوقاتكم بكل خير يارب

رح قدملكن اليوم طريقة عمل الخبز .. طريقة سهلة كتير ومابتاخد كتير وقت

المقادير :

3 كاسات طحين
ملعقة صغيرة ملح
ملعقتان كبار حليب باودر
ملعقة كبيرة وربع خميرة
فنجان صغير زيت
ملعقة كبيرة سكر
كاسة ونصف ماء دافيء

الطريقة :

نخلط جميع المقادير السابقة مع بعضا واخر شي نضع نصف المي ونزيد كل شوي اثناء العجن
يُعجن جيدا حتى تصير عنا عجينة متماسكة وطرية
نأخذ العجين ونقسمو الى اقسام بالحجم يلي بدنا ياه و نكوّرو يعني نعملو متل الطابات
نخليها ترتاح 7 او 8 دقايق
ثم نفرد كل حبة بسطح مرشوش فيو طحين ونغطيهم لمدة نصف ساعة
بعد ذلك نضع مقلاة ع النار بدرجة حرارة متوسطة ونخبز مع التقليب المستمر
ورح يصير بهالطريقة وهوي ع النار



وهاي الشكل النهائي بتكون طرية كتير وطيبة




ملاحظة:

فيكن تعملوه بحجم صغير وتحشوه اي شي بتحبوه مثلا تونة مع السلطة
او شاورما ... الخ

وصحة وهنا

شي بيشهي والله

يعطيكي العافية انين

خلص لازم نسلمك مطبخ تيرا

شي حلوو خطيرره يا بنت

يعطيكي العافيه يارب

هو كتييير طيب
بس لانو بتضلي كل شوي تقلبي فيه ما بعملو كتير هههه
يعطيكي العافية أنينو

ماشاء الله اللهم ادمها نعمة

شو طباخة ماهرة انتي عمي انين حتى بالخبز

اذا تركتي التدريس منلاقيلك شي وظيفة بشي فرن ولايهمك ههه


في متل بقول (أقدم من الخبز) سمعانين في شي او حدى بيعرف معناه ؟؟؟

حلوه دي الطريقهوسهله
ربي يعطيك العافيه

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة سحابة صيف شي بيشهي والله يعطيكي العافية انين خلص لازم نسلمك مطبخ تيرا

ههه
اسعدني تواجدك حبيبتي
ودي و وردي ..~

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة quiet rose شي حلوو خطيرره يا بنت يعطيكي العافيه يارب

يعافي البك حياتو

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة dream rose هو كتييير طيب بس لانو بتضلي كل شوي تقلبي فيه ما بعملو كتير هههه يعطيكي العافية أنينو

ع اساس بياخد وقت لما تقلبي فيه هههه
نورتي يا عسل ..~

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة LORD ماشاء الله اللهم ادمها نعمة شو طباخة ماهرة انتي عمي انين حتى بالخبز اذا تركتي التدريس منلاقيلك شي وظيفة بشي فرن ولايهمك ههه في متل بقول (أقدم من الخبز) سمعانين في شي او حدى بيعرف معناه ؟؟؟

منيح ضمنتلي وظيفة بحارة تيرا بس بدي الفرن يكون احلى من فرن ابو بشير ههه
يسلمو ع مرورك اخي لورد ..~

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة واثقة الخطى حلوه دي الطريقهوسهله ربي يعطيك العافيه

ويعافيكي يا البي

جميل اووي شكله بيفتح النفس بجربه