من روائع الشاعر علي الفريداوي

ادور على اليشبهك واحجي وياه واغمض واحس روحي كمت احاجيك ساعه اغلط بإسمك واسميه واحلف بعد ما اغلط واسميه اليشبهك يبتلي بلوة اني ابليه مثل ماجنت بلوة اني باليك اضل من قلبي اطلعله مواضيع واقراله مثل ماجنت اقريك واخلي روحي كوه تنجبر بيه وانا شما كلبتني منجبر بيك انومه بحضني الوليله واغفيه بنفس الحضن ذاك الجنت اغفيك وانت هناك اقول يجوز بردان واغطي صورتك كل عقلي ادفيك وانت هناك اقول يجوز جوعان واغص بالزاد لم يمر طاريك شحجيلك ولك شمسوي الفراك الحجي ميفيد من ترجعلي اراويك افوت بكل درب ماشي انا وياك واضل اتخيلك وياي احس بيك كل خطوة احسك تمشي وياي واحس ايدك بدي وياي امشيك واسولفلك واضحكك وارد اعتب عليك ودوم ابجيك واكلك سولف انت شصار ماصار واكلك سولف انت شصار وياك والجمهن جروحي ما اوصيك واخاف ما اسألك انت مشتاك حبيبي براحتك راح اني اخليك اخاف تقول ما مشتاك وشلون اموتن من فشلتي وانتحر بيك وما اسألك عرفت فلان وفلان هاي اسئلة تخوف ليش اخجيك وافتحلك جروحي وشوف الجروح واذكرك قبل من جنت اداويك واشوفك دمع عيني شرط بس شوف ممنوع اللمس لا دمعي يجويك ونرجع ليورة ونذكر الفات وارجع ذكرياتك حتى أذيك تذكر من كتبنا نبقى للموت على الحايط وذا تيهت ادليك اني شاهدي حايط وبقى وياي شجاك انت وعفتني شمالك شبيك انا نطيتك جروحي وكتلك اختار فلبك من عفتني شلون ينطيك شو جازيتني بأيام الفراق وقبل كتلي اموت وما اجازيك ما اريدن انفجر واحجيلك شضام وعلى دمعة عيونك ليش اوازيك المهم مات احنة حبنا وانتهى وراح وكل السالفة جاي اني اعازيك ادور على اليشبهك واحجي وياه واغمض واحس روحي كمت احاجيك:6545: