يحكى انا

يحكى ان

كان فى ولد غلبان
وبيحب بنت السلطان
كان بيحبها كتير
ومن الهوا عليها بيغير
وعيبه انه كان فقير
بس حبه ليها كان كبير
ولو بس شفها من الفرحه يطير
وكانت حالته حاله
وعارف انها تكون ليه ده استحاله
فكر كتير ينساها ويحب غيرها
يبعد شويه ويلاقى نفسه لسه فاكرها
وفكر كتير يقولها
ويصارحها بحبه لها
ويرجع يقول هى فين وانا فين
واكيد هتقولى انت فاكر نفسك مين
خلينى كده عايش فى حلم جميل
بدل ما اعيش باقى العمر حزين
ما كنش عارف ان بنت السلطان
بتحبه هى كمان
وعارفه انه بيحبها وحاسه بيه من زمان
وعرفت انه عمره ما هيجى يقولها
انه بيحبها
او حتى هيلمحلها
وقررت تروح تقوله
انه عندها بالوجود
وراحتله بالورود
ومصدقش انها هتبقى ليه
وبقى عايز يحطها جوه عينيه
وتفضل مضلله عليه
وفكر فى السلطان
وانه ولد غلبان
ازاى هيقبل بالولد الفقير
اللى الاميره عليه كتير
قالتله الاميره انا مهرى التفاحه المسحوره
اللى فيها لؤلؤه حمرا وبنوره
واللى هتلاقيها فى الجزيره المهجوره
وفوق اعلى جبل مربوطه
ولو عرفت تجيبها هابقى ليك وهابقى كتير مبسوطه
وبصلها الولد الغلبان بتنهيده
وحس انها مجرد حلم وعليه بعيده
وعشان يجيب مهرها هيخوض مخاطر كتيره اكيده
وطلبت مع الولد الغلبان عناد
وقررعشانها هيعديلها بلاد
وحلف انه هيجيب مهرها
ولا هيكون فى بينهم بعاد
واستعد للمستحيل
اللى رغم استحالته جميل
حتى لو كان صعب.. طويل
وفاتت شهور وسنين
ويروح من مكان لمكان
ويعدى الزمان
بيدور على العنوان
واللى بيصبره صوره بنت السلطان
اللى بتجيله فى المنام
وبيشوفها فى الاحلام
وعايشلها احلى غرام
وبعد مشوار كبير
ومخاطر كتير
وصل للجزيره المهجوره
ولقى التفاحه المسحوره
اللى فيها اللؤلوه والبنوره
واداها للسلطان
وما صدقش السلطان
ان الولد الغلبان
هو اللى جاب المهر المطلوب
لاميره القلوب
ولما اتأكد السلطان
ان الولد الغلبان
حب الاميره حب جنان
وانه مش طمعان
وعشانها اتحدى الزمان والمكان
وافق على جواز الاميره والولد الغلبان
واعلنو الخبر فى الميدان
وفى كل مكان
واتجوز الولد الغلبان من بنت السلطان
وعاشوا فى تبات ونبات
وخلفوا صبيان وبنات

ارجو ان تنال اعجابكم

و توتي توتي خلصت الحتحوتي حلوة ولا فتفوتي

حلوة طبعا

مشكور اكتير على القصة الحلوة

تقبل تحياتي أنا أبوسمرة

مشكور كتير محمود قصتك حلوة كتير

دمت

مشكور ياغالي اكيد نالت اعجابنا وربي يجمع كل اتنين محبين دمت بخير
وتقبل مروري

يارب امين يعطيك الف عافية جزاك الله كل الخير وشكرا على ابداعك وعلى قلمك المميز بتوفيق ان شاء الله تقبل مروري