كلمات للعراق

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حلم ثاني
نمت مهموم على حالك يا عراق وبالحلم شفت العجايب اني...
شفت نفسي بفد سفينة وتايهة بنص البحر ولا هلي وياية ولا خلاني
والسفينة خالية من كل بشر انا الراكب وانا البحار وانا الربّاني
وفوگ كل هذا نسيت اني منو؟؟ وفاقد الذاكرة وما اعرف سبب نسياني.....ناسي امي ناسي ابوية وناسي مرتي وناسي اطفالي وناسي اخواني....ناسي ناسي وناسي اصلي وناسي روحي وناسي كل اعدائي وصدقاني..
وﮔمت اصيح واستغيث واصرخ الرحمة يربي اني هسة بوضع مو انساني..وشلت ايدي للسما ولله دعيت يا الهي دزلي اليدلني على عنواني....ومن بعدها سمعت هاتف بالسما يحاچيني ونزل يمي وباسني وحياني...گلي انتة شبيك خايف ترة مشكلتك بسيطة وهسة بيها راح اعينك اني....انتة اسمك اربع حروف واكيد كل حرف بيهن يحب الثاني...شنهي معنى العين بالنسبة الك ؟؟؟گتلة عيني ونورها ونيراني.......
گلّي حرف الراء شنو يعني الك گتلة روحي ومهجتي ووجداني
گلي حرف الالف هم يعنيك شي گتلة اي يعني اذية وماكو واحد بالكرة الارضية ما اذاني....رد علية وگال حرف القاف هم تتذكره
گتلة طبعا" لان هوة الخلة كل البشر تتحداني هالحرف يعنيلي قوة وقوتي من الله العزيز القادر السوّاني ...بس شسوي بغفلة باگو فرحتي..... وراحو اولادي وبقت احزاني ..وبسبب حزني حرت والله وضعت ومحد بحالي اظل خلاني..گلي هسة تذكرت انتة منو؟؟؟؟گتلة اني الما خفت غدر اللئام وسدسدت بيباني وابد ما فد يوم واحد رجع خايب بعد ما جرب يطب ديواني ..مني كلها تعلمت معنى العدل وما اظن مرة غلط ميزاني....بهالارض محد صنع مثلي مجد ويدري بيه القاصي قبل الداني....العراق........ اني العراق....ومستحيل اللي عرف اسمي گدر ينساني ومستحيل اللي عرف اسمي گدر ينساني.
احمد السهلاني

;glhj gguvhr