قصة مضحكة ومؤسفة في نفس الوقت

غبــــــــــــــــــاء رجـــــــــــــــال

[color="deepskyblue"][size="6"][font="comic sans ms"]

على فكره يا جماعه القصه روعه و تحكي عن واقع بعض الشباب الدلوخ اللي ما يفهمونها و هي طايره يعني تراه ما ابعد عن الواقع اللي عايشينه بعض الناس... اتمنى تعجبكم .. ابطال القصه :
الزوج خالد ، الزوجه نوره بالاشتراك مع فهد الذى قام بدور اخو نوره * ** اكشششششششششششششن ,,,,

,المشهد الاول,

نوره : خالد ..... يا خالد..... خالد ......... خالد وينك

خالد: هااااه

نورة: وينك

خالد: هذاني في المبطخ

المشهد الثاني

في المطبخ :

نورة : وش تسوي في المطبخ ??

خالد يناظرها وهو يقرض له خياره : زي منتي شايفه قاعد اغسل ثوبي وشماغي .

نورة : هههههههههههههههههههههههههههه

خالد : اندري عنك يعني بالله الواحد وش يسوي في المطبخ اكيد يدور شي ياكله ميت جوع

نورة : طيب شف وش رايك بالفستان اللي علي ( نورة خذت لفه حولين نفسها )

خالد : هههههههههههههههههههههههههههههههه ايه والله وش ذا الفستان وراك ماخذه ستارة الملحق ومفصلتها

نورة : حرام عليك والله حلو

خالد : وين حلو معه الله يفشلك لا تروحين به للعزيمه تفشلينا

نورة : لمعلوماتك سعر هالفستان غالي !!!!!!!

خالد : لعب عليك صاحب المحل شاف وحده مخفه زيك ..... بصراحه يا نورة ذوقك في اختيار الملابس زفت

نورة : انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي

خالد : يا نورة انا اقولك رايي بصراحه وبعدين ترى فيه بعض الحريم يزينون اللبس

نورة : قصدك اني انا اشين اللبس

خالد : لا مهوب القصد ...... نورة ...... نورة تعالي.......نورة....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها فهد

, المشهد الثالث
خالد في سيارته ويكلم فهد

خالد : الو ... هلا والله فهد كيف حالك ؟

فهد : يا هلا والله وسهلا بخير ولله الحمد بشرني عنك

خالد : والله ابشرك تمام........اقول فهد ودي اشوفك اليوم ضروري ابيك بموضوع

فهد : مشكله ثانيه؟؟؟؟ خالد : يا حبيلك نبيه تفهمها وهي طايره

فهد : خلاص عند قهوه المساء الساعه 8 مساء

خالد : خلاص تلقاني منطق هناك انتظرك

فهد : على خير ان شاء الله

خالد : لا تتاخر

فهد : ان شاء الله

خالد : لا تنسى تكفى

فهد : ياخوي ازعجتنا وغثيتنا خلاص

خالد : طيب خلاص مع السلامه

فهد : طوط طوط طوط طوط طوط طاط طاط طاط طاط خالد : اعوذ بالله ضو شابه الله من زين النفس كنه اخته

المشهد الرابع ,

قهوه المساء ....
خالد : وينك فهد تاخرت

فهد : حسبي الله على عدوك الساعه الحين 8وخمس دقايق يعني تاخير بس خمس دقايق

خالد : ولو لازم تتعلم الانضباط وتجي على مواعيدك

فهد : الحين اللي يشوفك يقول اني متاخر عليك ساعتين ..اخلص بس قل لي وش السالفه

خالد : السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت

فهد : بس كذا السالفه

خالد : لا وقلت ذوقك مهوب زين ابد

فهد : اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف ودلخ زيك

خالد : افااااا.... ايه افزع مع اختك دافع عنها

فهد : لا مو مساله انها اختي وانا قاعد ادافع عنها لكن انا اقول شي الصحيح انت رجال جلف والا يوم شفتها لابسه هالفستان وما اعجبك كان جاملتها يعني جبها باسلوب يعني مثلا كان قلت والله حلو وازين ما فيه انك انتي اللي لابسته بعدين قل لها .... فيه محل في السوق الفلاني مدري انتي شفتيه والا لا عنده فساتين روعه تبي تقول لك لا قل لها وش رايك نروح له بكره وخلاص رح بها للسوق دام فستانها ما اعجبك ..... مهوب تجي وتقول ذوقك شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت

خالد : والله منتب سهل جبتها

فهد : الحين نروح للبيت ورح وكلمها وقل لها كلمتين حلوين

خالد : طيب ... ما ودك نطلب شاهي والا قهوه

فهد : لا ابد ما له داعي ابتقهوي عندكم في البيت

خالد : يالله اجل مشينا

فهد : مشينا

,,المشهد الخامس


صاله بيت خالد ..........

فهد : يالله رح ارقى فوق وصالحها زي ما قلت لك وانا انتظرك هنا

فهد : وشفيك متردد

خالد : ياخي مدري احس انها مهيب معطيتني وجه

فهد : ياخوي رح بس ما عليك

خالد : اسمع عندي فكره وشف وش ابي اسوي .........

نورة..........نورة............عجلي .....عجلي .....انزلي يا نورة.....بسرعه مسلسل الحاج متولي بدا......عجلي انزلي

فهد : انت متخلف

خالد : وش فيها انا منول يومي صغير اذا زعلت على اهلي يجون يقولون لي عجل تعال بدت فلونه واجيك طاير مجلعد واطامر كذا كانت طريقتهم اذا بغو يطلعوني من غرفتي

فهد : طيب نادها من السنترال وخلني اكلمها

خالد : صح جبتها ..... الو نوره تعالي انزلي عندنا اخوك خذي كلميه

فهد : مساك الله بالخير نورة وين الناس ترى لي ساعه منطق هنا ورجلك ما جاب لي لا شاهي ولا قهوه انزلي خلينا نشوفك

نورة : هلا والله باخوي فهد دقيقه هذاني نازله لكم

طلعت نورة من غرفه النوم ونزلت وسلمت على اخوها

نورة : يا هلا والله زارتنا البركه كيف حالك فهد

فهد : والله ابشرك الحمدلله

فهد : وش لونك انتي وش لون خالد معك

نورة : الحمدلله

خالد : نورة فهد يعرف لس محل فساتين رووعه نورة : صدق خالد : ايه والله توه قايل لي قبل شوي

نورة : وش اسمه

خالد : ايه صح وش اسمه فهد

فهد : احم...... نورة شكلكم ما ودكم تضيفون ضيوفكم وين الشاهي

نورة : ايه لحظه هذاني ابجيبه الحين ( نورة راحت للمطبخ)

فهد : خالد انت غبي ياخي توني اقول على سيبل المثال تجي وتوهقني وتقول لي وش اسم المحل ولا وتقوله عندها بعد

خالد : وشو <=== طايره بوهته

فهد : يالله عموما انا ابمشي قبل ما تجي وتسالني واتوهق يالله فمان الله.

طبعا انتهى الزعل اللي بين نورة وخالد ..............

خالد جاه انتداب من العمل وسافر واليوم موعد وصوله الساعه 9 مساء

,, ,المشهد السادس


خالد في التاكسي ويكلم نورة بالجوال ======> دلخ ومعه جوال .. حلّوها عاد

خالد : السلام عليكم نورة : وعليكم السلام هااه بشر وصلت

خالد : ابشرك نورة : الحمدلله على السلامه

خالد : الله يسلمك..... اقول جهزي العشاء تراي ميت جوع

نورة : ابشر من عيوني يابعد عمري

خالد : فمان الله

نورة : فمان الكريم

,, المشهد السابع والاخير, ,,

داخل صاله المنزل

خالد : نورة وراك حاطه شموع عسى الكهرب مهوب طافي =====> هههههههههه والله ياهو دلخ

نورة : لا ابد مهوب طافي بس حبيت اسوي جلسه رومنسيه جو شاعري ===> والله ياهي مسكينه

خالد : بلا جو شاعري بلا جو رومنسي انا منيب رايق للخرابيط ذي ولعي اللمبات تكفين خلينا نشوف طريقنا ونعرف نتعشى

نورة : ولعت اللمبات وطلعت فوق زعلانه

خالد : يا كثر زعل هالحرمه .....ابتصل الحين على اخوها

خالد : الو.. هلا والله فهد عاش من سمع صوتك

فهد : هلا والله ومسهلا كن صوتك قريب

خالد : ايه والله توي واصل الحين هذي دخلتي للبيت

فهد : الحمدلله على السلامه

خالد : الله يسلمك اقول فهد ابيك بسالفه ضروريه

فهد : يا كثر مشاكلكم

خالد : ههههههههههههههههههههههههههههههه اقول بس تعال للبيت الحين

فهد : طيب ثلث ساعه وانا عندك

بعد نص ساعه جا فهد وضرب الجرس

خالد : هلا والله تفضل

فهد : الله يسلمك .... شف خذ هالورده واطلع فوق لها وعطها زوجتك وحاول انك تراضيها وعطها من هالكلام المعسول يالله رح ما يحتاج تقول لي وش السالفه

خالد : طيب

راح خالد وطلع فوق وطق الباب

خالد : نورة افتحي الباب خلينا نتفاهم

نورة فتحت الباب

خالد : نورة وراك زعلانه عليّ هذا استقبالك لي عموما قبل ما نتفاهم في الموضوع خذي هالورده

نورة : (( وهي تبتسم لزوجها )) من وين جبتها

خالد : ما جبتها اخوك عطاني اياهاتحت وقال عطها هالورده قلت يمكنك انتي موصيته عليها

نورة خذت هالوردة ونطلتها في وجهه وطلعته برى الغرفه وسكرت الباب نزل خالد وهو مستغرب

فهد : وش صار

خالد : ابد قلت عطيتها الورده ورمتها في وجهي

فهد : افاااا شكلها زعلانه بقوه وش قلت لها بالضبط

خالد : ابد قلت انك انت اللي جبتها يمكنك موصيته عليها وبس

فهد : الله لا يبارك فيك.. ما الومها لو تزعل اسمع لا تتصل علي ولا تدخلني في مشاكلكم ما قد شفت غباء بالطريقه ذي .... مع السلامه

خالد : فهد... تعال فهد.... لاحوووول والله انا مقرود بهالعايله الزعوله

واستمرت معاناة نورة الرومانسية مع خالد الدلخ ...... وهي ما تعرف وش تسوي علشان يصير زيها ......منقوووووول

ههههههههههههه
يا حرام الله يعنيها هاد بيجيب الجلطه والله
ئال شو خيك جايبها ههههههههههه
ما اهبلووو
بس ما بتوقع في عالم لهاي الدرجه
يسلمو سنوايت يعطيكي العافيه يائمر

ههههههههههههههههههههههههه

يعطيكي ألف عافية

فعلاً دلخ

ههههههههههههههه

حلووووووووووووووووووووووووووة

ههههههههههههه والله دلخ سوزان ضحكتيني خصوصا لما قالها ليكي الوردة يمكن موصية عليهااا ههههههه لو كنت مكانها كنت انتحرت
شكرا سوزانو على القصة الحلوة المضحكة وتقبلي مروري

مـــشـــكـــــــوووووورين
عــــالـــــــمرووور
منــــــــوريــــــــــــــن احـــلى
شبـــــــــــــاب وصبــــــــايا