فضفضة

اشخاص كتير بحياتنا منهم المقربين ومنهم العاديين ولكن اكيد في شخص بيكون

اقرب من الكل

ممكن تكون حياتنا ارتبتطت فيه وصار مو جزء بس صار الكل وها الشخص اكيد بيعرف

مكانته لان هو بالمقابل المفروض انه نكون عنده نفس المكانة

منتعب احيانا او منتعرض لظلم او اي شئ اول ما منركد ومنفكر بهاد الشخص تحديدا

ليش لان المفروض انه اقرب الناس النا

منلجأ اله لنفضفض اول الشي وتاني شي ليكون النا سند ويحاول يهدينا وتالت شي وهو الاهم

ليكون جنبنا يوقف معنا ويساندنا

بس انه نلاقي هالشخص الي هو مو صديق ولا حبيب ولا رفيق بس هو بيعتبر نفسه

بمحل اكتر من هيك بكتير يسمع يسكتاكتر مايقدر يعمله شوية تثاؤب مع كلمتين

طيب بها الحالة شو منكون استفدنا وين محلك الي انتي اخدو وين دورك انتي

وين ووين واسئلة كتيرة بتطرح حالا

بتسمح لنفسك تتدخل بكل شي بيخص حياتنا ووقت الجد بتوقف عم تتفرج بحجة

ماالي صفة رسمية احكي فيها

طيب ما كله بئيدك انتي فيك توقف من باب انك صديق او اخ او لربما حبيب او او في كتير صفات

وانتي الي ممكن تكوني مرئتي بهيك حالة صدقيني لو وقفهم عند حدهم مرة وحدة

وماسمحلهم يتدخلوا فيكي او يحكو عنك بالسوء واختار وحدة من الصفات الي حكيتا

كان رح تتغير حياتك كتير لو بيعتبر كرامتك من كرامته وسمعتك من سمعته مابيهون عليه

يسكت عن حقك بالعكس رح يحترموكي ويخافه منك لان رح يعرفو في سند الك

قصة وقف موقف المتفرج وبعد عمر وايام بتصير كتير بشعة قصة استني الظروف

وبكرى احلا اكيد صارت بايخة قصة اصبري على تعتيرك اصبري على ظلمك صبري على

قهرك ماعادت تنطاق كل شي بها الحياة لازم ينحط اله حد ولازم الامور تكون واضحة

والابشع والكتير بشع انو تضحي بكتير قصص ولسى بينطلب منك تضحي

ليش بس ليكونو هنن سعيدين وطبعا الحجة دايما بتكون الظروف

صدقوني لازم نعمل غربلة للاشخاص الي موجودين بحياتنا ونختار السند الي النا

ونكون واضحين وحقنا ما نتنازل عنه ابدا مو ليرضي البعض انانيته المفروض نحنا نتحمل

ولا لايكون الطرف التاني سعيد ومستقر نبقى نحنا عم نتعذب

لو بتحبني بتعاملني متل مابتحب انك تتعامل

لو مقدر صبري ووقفتي معك مابتقلي انطري لانبسط انا وبعدين بعوضك عمره الصياد ماطعما

سمكة بعد مايصيدا

رفيقي انتي صديقي اخي حبيبي او زوجي كون سند الي ولاتكون علي هيك بيكون

ميزان العدل الي الكل بيحكي عن كلمة العدل ويشرح مجلدات وقصص بس وقت بتكون

القصة بتخصه شخصيا بيحاول يلاقي الف سبب بس ليقنع ضميره انه هاد الصح

.......................


اول مرة بكتب شي ومابعرف يمكن دخلت الامور ببعضها بس متاكدة انو رح توصلكن

فكرتي لان طالعة من جواتي ومن اسئلة كتير دايما بتدور بعقلي

مافهمتك بالاول لانو دخلتي كانو قصتين ببعضا

بس هي فضفضه شخص كاتم بقلبو كتير ..السند بهالايام ياحبيبتي مابتعرفي مين هوي لانو حتى القريب مابتظمني اذا راح تلاقيه وقت الشده كلن ع منحنى اللهم نفسي اذا ماكنتي قد حالك واتعبرتي نفسك سند لنفسك راح بتضيعي ..صحيح الواحد بيحتاج حد سيندو راح اتلاقيها باصدق قلب عندك (الام او الاب)...

فرج قلبك يارب حبيبتي ♡

دوختيني يابنت

اول موضوع بقراو فوق العشر مرات

شموس منجي للجد انتي حكيتي باكتر من شغلة وكل شغلة بتصلح ينكتب عنها

موضوع مستقل لكن بما انك وضعتي العنوان فضفضة والفضفضة اغلب الاحيان بتكون

عن اشياء كتير بتدور بالعقل ومابتحتاج لتنميق كلمات هي مجرد فضفضة ليرتاح الشخص

هلاء الي حكيتيه عن التضحية حلوة التضحية لكن بحدود ومو لدرجة يتلاشى طرف على

حساب الطرف الاخر لان هاد فعلا خطأ

حكيتي عن السند برأي السند الاول والاخر هو نفس كل شخص لنفسه لان طبيعة البشر

دايما بتتغير وصاحب اليوم ممكن يكون عدو بكرى

وحكيتي عن غربلة الاشخاص وهي معك حق فيا كل فترة لازم نعمل هاد الشئ

وبالنهاية اكيد مابيبقى غير الاشخاص الجيدين هدول الي لازم نحافظ عليهن

بالنسبة للظلم يمكن الاشخاص الطيبين هنن اكتر الناس بينطلموا بهي الحياة

اممم مابعرف هي النقاط الي فهمتا من خلال فضفضتك

يعطيكي العافي شموس تابعي واقرأي أكتر وخدي عبر من تجارب الاشخاص الي

حواليكي لتقوي اكتر وتفهمي الحياة صح

وحاولي ماتاخدي من تجربة مرت ئدامك عبرة

لان لكل حالة وضعها لسى بدك فت خبز كتير

والحياة اصعب من مجرد كام موقف يمكن شفتين بحياتك ..مو هيك بتنقاس الامور بس برافو عليكي


السعادة لئلبك ياروحي ويلا عم ننتظر منك مواضيع جديدة

قلتلك دوختيني يابنت

وانا عم عيد موضوعك انتبهت لقصة العدل بما انه نحنا على الارض فكوني متأكدة

مافي عدل العدل عند رب العالمين بس

كلنا بشر وكلنا خطائين


حبيبتي شموس ربي يسعدك

ليكي اختي لساتك صغيرة لهيك انتي مخنوئة لهي الدرجة
لما توصلي لقناعة انه ماحدا رح يشيلك اذا وقعتي غير انتي
ماحدا رح يبرد منشان تدفي او ماحدا رح يزعل منشان تضحكي بتكوني فهمتي الدنيا صح وبتكوني فهمتي كيف بتوقفي لحالك
لازم تخلي حد بينك وبين اي حدا لازم ماتسلمي كلشي او لازم ماتسلمي شي
لاتوثقي مابتنجرحي ولاتصدقي مابتنخدعي

وبس