أغاني المعترين

كان هناك ثلة ومازالوا هنا معا .. يلعبون ... يضحكون ... يتسامرون ... يغنون اكل الدهر من اوصافهم.... وشرب كل احلامهم فبادلوه القسوة ...ضحكا والحزن ... فرحا و مازالوا رغم البعد والاوجاع والانين يدندنون ...يغنون... ينتظرون وشابت على رجوى الملاقي مواعيد .... اي نعم هي حكاية ناس كتير معترين ...ضحكو من كتر الهم والغم وعلى ئد مابيتعبو بتلائين مبتسمين كل ماسمعو صوت عصفور طاير بتشوف عيونن مليانة سعادة اذا شافو تنين حلوين لابئين لبعض شابكين اديين وماشيين وعيونن عم تحكي غزل وحب بتلائي قلوبن انخطفت ونبضت لمن بيسمعو غنية او لحن الو ذكرى حلوة عندن هدول نحنا المعترين بحارة المعترين وهيك رح نخلي عيونا وابتساماتنا وقلوبنا تفرح وتنبض عسمع كل غنية تنحط بهالحارة نحنا جيل الشرطان (الكاسيت ) والمسجلات الراديو ولمن يعلئ و(يعلك الشريط) نضحك بكل بساطة حتى عيونا تدمع ونقول المطرب نعس وعلكتو المسجلة ونركض لنلحق نطفي الزر ونطلع الشريط الي تجمع وتجعلك واذا انقطع كنا نلزقو ونرجع نحطو ونتسمع ونستنى مكان ماوصلنا ونفرح بانجازنا نحنا الجيل اللي كنا نروح عمحل الشرطان لنسألو شو نازل جديد وبكون حاطط اعلان بخط ايدو اسم المطرب والاغاني واحيانا عن طريق ماريا ديب ومايطلبه الجمهور أو غدا نلتقي واذا كنا موجهين انطين (انتل ) التلفزيون علبنان نشوفن من المستقبل و LBC نحنا الجيل الي كنا نحط شريط بالجيبة ونروح عالسهرة او عرس او حفلة ونئلن حطولنا هاد ويبلش الرقص والخلع وجيلنا الي يكسر الكاسيت ويطلع البكرات ونزتا لبعض ونصير نشلفا عشرطان الكهربا ونملي الحارة ونحنا الجيل الي اكتشف اذا حطينا قلم ازرق بيك بين مسننات بكرات الكاسيت وصرنا نلفو فبكون عم يكر الشريط اسرع من المسجلة جيلنا الي كان عندو رف لحتى يصف الشرطان جنب بعضن ويكتب عبيت كل كاسيت اسم المطرب وعنوان الالبوم نحنا الجيل اللي تمنى انو شريط الفيديو يسجل عالوجهين متل شريط المسجلة نحنا جيل كاسيت و fm و am نضل ندور بالليل عشي اذاعة اغاني طالعة جديد سهرتنا عالاسطوح مع كاسة المتة والارجيلة والشدة والراديو والشرطان عادة يومية نحنا الجيل الي اذا سمع حاليا بنص هالضوجة كلمات ولحن حلو فبيسمع وبيتامل مع صفنة ...فاعتبرو هالغنية قوية خرج تنسمع ...لانو جيل سميع حتى الهاون صار الو سميعة وهلاء نحنا مع الجيل الي بقلب جوالو او فلاشتو عدد لا متناهي من كل شي

قصص ئديمة معتئة



نحنا جيل لمن كنا نهدي اللي منحبن شريط كاسيت دافعين اجارو لصاحب محل الشرطان

يحطلنا الاغاني الي سجلنالو الياها بعناية (مقصودة للحبيب)

وبعد جهد جهيد ومشاورات واستعانة بكل الوسائل والخبراء والسميعة

فبكون الوجه الاول للكاسيت

ايهاب توفيق(على كيفك ميل ) - ماجدة الرومي(كن صديقي) - كاظم (ها حبيبي)
- عمرو دياب (مابلاش نتكلم بالماضي )- علي حميدة( لولاكي) - محمد فؤاد(حيران كده ليه)
- حكيم (نار نار ) -سيمون وحميد الشاعمري (بتكلم جد) - محمد محيي (اعاتبك على ايه )
- علاء عبد الخالق (داري رموشك) - حنان (البسمة ارتسمت شفافة) - عمر عبد اللات (لابسات البراقع)

الوجه التاني للكاسيت الاحترافي

حسام حسني (كل البنات بتحبك) - سميرة سعيد (ال جاني بعد يومين ) - هشام عباس (وانا اعمل ايه) -
نجوى كرم (خيروني ابن العم ) - ديانا حداد (لاقيتك والدنيا ليل) - مصطفى قمر (ياناس انا دبت بدباديبو)
- علاء زلزلي (لاموني الي غارو مني) - محمد منير ( الليلة ياسمرا) - وائل ونوال (مين حبيبي انا ) -
ايمان البحر درويش (انا طير بالسما) - علاء سلام _(وبدور ع الانسان ) - عازار حبيب (يارايح عضيعتنا )

وآخر الشريط لنبيين انو راقيين شوي نحط غنية
( George Michael-Careless Whisper )


وبعد مانحط الشريط بكيس كرتون احمر ومعو مكتوب مْعَطَر

يجي الرد منها شريط مسجل عالوجهين غنية (نسيانك صعب اكيد )

وبسبب هالغبية نسجل شريط لحسن الاسمر (كتاب حياتي ياعين ماشفت زيو كتاب ) منتعلم عالدخان حتى ننسى

وبصير مطربنا المفضل هاني شاكر

.....
كل غنية انذكرت فوء اذا عرفتها وسمعانها فانت ذهبي ابن ذهبي من جيل اخو حفيانة بالتعتير
واذا ماكنت بتعرفا حط عاليوتيوب وسمعها ورح تعيدا كتير

ياجيل ياحديث صفووون وسماع وشغلات البوكيمون هاد تبعكن بطلوا


يتبع ....

هون بحارة المعترين رح حطلكن كل فترة غنية نسمعها سوى

واذا عجبتكن سمعوني رايكن واذا ماعجبتكن يا جدي منجبلكن غيرا

رح تكون هالحارة متل مدونتي للاغاني اللي بسمعها ونتشارك فيا

مع اني وقفت سنين سماع الاغاني بس مابعرف شو ضرب مخي المعتر اليوم

وحبيت نسمع ونتعتر سوى


ولكل واحد فينا قصص وحكايا مع الاغاني قديمة او جديدة



فاللي عندو شي قصة يحكيا يسعدنا تعتيرك يا خالي

كل واحد ئلو مخ معتر وذوء بيختلف عن التاني المهم ماحدى يفرض مرائو على حدى تاني

الموسيقى والأغاني متل اللبس والاكل وكل شخص حر بحالو يضرب هوة وحالو

عالعموم بعد هالحكمة العظيمة ياجدي منفوت بالموضوع ومع أول اغانينا المشحرة المعترة

.....

أي حدى عندو مطرب مفضل رقم واحد اجنبي او عربي

فشلون لو اجتمعوا التنين بغنية وحدة

وقتها بكون التعتير ثلاثي الأبعاد ...

ماجدة الرومي & لارا فابيان

واهداء لجميع الأصدقاء المعترين

أغنية من أروع الأغاني المعترة على الاطلاق يارفاق

بغنيها ( روك بن فوازين ) & و ( تينا بنت أرينا)

I want to spend my lifetime loving you
If that is all in life I ever do
I want to spend my lifetime loving you
If that is all in life I ever do

( ماريا بنت كيري ) تعترت بهالغنية وعترتنا معها

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة lord أغنية من أروع الأغاني المعترة على الاطلاق يارفاق بغنيها ( روك بن فوازين ) & و ( تينا بنت أرينا) i want to spend my lifetime loving you if that is all in life i ever do i want to spend my lifetime loving you if that is all in life i ever do

لورد ... كل الاغاني المعترة يلي حطيتا هون
من الاغاني يلي بسمعا وبحبا كتير
وتعترت فيا اكتر

وبالاخص هالغنية تعترت فيا لشبعت تعتر ههه
من اروع الاغاني بالنسبة الي
مممم والها وقع خاص كتير ...


زوووء معتر راااائع .~

واكيد رح كون من المتابعين والمشاركين المعترين بالحارة
ع راسي حارتك

مممم اول معترة تفوت هالحارة

لفوت باجري اليمين بسم الله ..

Lionel Richie & Diana Ross هدول المعترين عملو دويتو بجنن

غنية My Endless Love

ويييييييني عن هاد الموضوع

ايمتى نزلت هيك موضوع استاذنا

وفي الك شريك عتيق جدا بهيك سهرات شلووون ماشفتو هون معك

بالله دمعت عيوني من الضحك على اسلوب الكتابة

وكمان دمعت عيوني على الذكريات الي راحت

جيلنا راح ياصديقي وندعس

يمكن غنية ترجع ذكرى حلوة بالبال هيك اتوقع هدفك

بس مستغرب هيك موضوع مافي حدى هون و ميت ومهمل

رح ترجع تنزل اغاني هون ؟؟

انعشلك ذاكرتك شوي

ذكرك بتاريخ شهر 4 / 2004 وانت عم تجهز حالك للسفر وتتركنا ولهلاء ماعدنا شفناك
بتتذكر الحفلة الي عملناها عندك بالبيت واجونا الجيران بجوبر

بتتذكر بيت المزة فيلات ياترى والسهرة عالبرندة وعالاسطوح وجارتك هديك ماغيرا ترقص على الاغاني الي نحطها

بتتذكر الاركيلة تحت الدالية مع ابن عمك الممثل ومع ابو السلوم ونحط اغاني ونسرح

خلي يجي شريكك ابو هاجر الي تضل انت وياه اغاني ومتة وخطط

وينك يا ابو هاجر عن هيك زاوية بحياتنا راحت وماعاد ترجع هديك الايام

رح طلق مرتي من وراك على هيك موضوع

رجاع انعش هيك زاوية مو بعادتك تهمل وتفشل بشي متل هيك

بعرفك هلاء موجوع واجى هالموضوع قدامي لاعرف احكي شوي لاني مابعرف عبر متلك

بس رجاع رجاع متل ما منعرفك اول

وتروك كل شي كسرك وقهرك وتروك زاوية الراحة الي عايش فيها لانها خنقة مو راحة

بانتظارك وحطلي الغنية الي نضل نعيدها وقت كنا بالشاطئ الازرق باللاذقية

قلبي معك ياصديق

هنا موجود ومن بداية الموضوع سيد علاء وكان خلاف كبير بيني وبين لورد على هيك موضوع لان اغاني وقتها كنا قالبين شيوخ بس وقت قرأت مشاركتك رجعت معك للذكريات مع انك جبت العيد وفضحتنا
بس فعلا كانت اجمل ايام في قصص سرية كتير مابيعرفها غير لورد . هي خبرتك عشان تروح تسألو
اخي علاء عاشق الياسمين الله يجمعنا على خير شي يوم وبحكيلك
وين كنا انا وسام وقت اختفينا تلت تيام هههههههههههههههههههه
اخي وصديقي وعزيزي واستاذي وسام اللورد
جملة رائعة قلك ياها عاشق وانا بكررها بدنا ياك متل قبل وتطلع من الي انت فيه والله بعوضك خير اهم شي الصحة بخير وتعودنا عالخساير والانكسارات مو جديدة عليك

وارحبوووو السااااااااع

يبدو انها أقوى مشاركة لك في تيرا

صديقي وعزيزي تاخرت بالرد عليك فعلا لان مشاركتك
جعلتني آخذ زفيرا وشهيقا كثيرا واتنفس بضعا من أجمل الذكريات

سارد عليك على كل تفصل ذكرته فتحملني كما تحملتك

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة عاشق الياسمين ويييييييني عن هاد الموضوع ايمتى نزلت هيك موضوع استاذنا وفي الك شريك عتيق جدا بهيك سهرات شلووون ماشفتو هون معك شريكي متل مارد تحت كنا قالبين شيوخ ركز على كلمة كنااا بالله دمعت عيوني من الضحك على اسلوب الكتابة وكمان دمعت عيوني على الذكريات الي راحت جيلنا راح ياصديقي وندعس يمكن غنية ترجع ذكرى حلوة بالبال هيك اتوقع هدفك بس مستغرب هيك موضوع مافي حدى هون و ميت ومهمل نعم انه احد المواضيع الفاشلة هنا ولها أسباب طبعا رح ترجع تنزل اغاني هون ؟؟ روباما انعشلك ذاكرتك شوي لاء ارجوك ذكرك بتاريخ شهر 4 / 2004 وانت عم تجهز حالك للسفر وتتركنا ولهلاء ماعدنا شفناك بتتذكر الحفلة الي عملناها عندك بالبيت واجونا الجيران بجوبر شيئ لا ينسى صديقي cd لساتو عندي وكل ماحنيت بشوفو بتتذكر بيت المزة فيلات ياترى والسهرة عالبرندة وعالاسطوح وجارتك هديك ماغيرا ترقص على الاغاني الي نحطها فضحتنا الله ياخدك ما اهبلك رقص شو ..كانت عم تشطف البيت بس . ركز ركز ست فضيحة بتتذكر الاركيلة تحت الدالية مع ابن عمك الممثل ومع ابو السلوم ونحط اغاني ونسرح ابن عمي مخرج وليس ممثل وهي الذكرى بالذااات دائمة المرور بالبال وكلن صارو بارووبا وانت لساتك مكانك خلي يجي شريكك ابو هاجر الي تضل انت وياه اغاني ومتة وخطط لاتخلي يجي هاد متلك ست فضيحة وينك يا ابو هاجر عن هيك زاوية بحياتنا راحت وماعاد ترجع هديك الايام تركوووو ئلنالك رح طلق مرتي من وراك على هيك موضوع رجاع انعش هيك زاوية مو بعادتك تهمل وتفشل بشي متل هيك بعرفك هلاء موجوع واجى هالموضوع قدامي لاعرف احكي شوي لاني مابعرف عبر متلك بس رجاع رجاع متل ما منعرفك اول في شخص ئلي اليوم : سـ تمطر فرجا وتزهر فرحا .. سـ يبتر حزنك ويجبر كسرك وتروك كل شي كسرك وقهرك وتروك زاوية الراحة الي عايش فيها لانها خنقة مو راحة لاء مو زاوية راحة بالعكس زاوية لابد من تحطيمها والخروج منها وتغيير الحال تماما والسعي شغال بقوة اطمن بانتظارك وحطلي الغنية الي نضل نعيدها وقت كنا بالشاطئ الازرق باللاذقية شو شايفني ماريا ديب قلبي معك ياصديق

كل الشكر ئلك صديقي على المشاركة ورح اشمطك غنية عكيفك بس ليخلص رمضان

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ابو هاجر هنا موجود ومن بداية الموضوع سيد علاء وكان خلاف كبير بيني وبين لورد على هيك موضوع لان اغاني وقتها كنا قالبين شيوخ بس وقت قرأت مشاركتك رجعت معك للذكريات مع انك جبت العيد وفضحتنا بس فعلا كانت اجمل ايام في قصص سرية كتير مابيعرفها غير لورد . هي خبرتك عشان تروح تسألو اخي علاء عاشق الياسمين الله يجمعنا على خير شي يوم وبحكيلك وين كنا انا وسام وقت اختفينا تلت تيام هههههههههههههههههههه اخي وصديقي وعزيزي واستاذي وسام اللورد جملة رائعة قلك ياها عاشق وانا بكررها بدنا ياك متل قبل وتطلع من الي انت فيه والله بعوضك خير اهم شي الصحة بخير وتعودنا عالخساير والانكسارات مو جديدة عليك وارحبوووو السااااااااع

شيخي شيخي سترنا الله يسترك هاد السر تبع تلت تيام محلوووف يمين عليه مايطلع
(واللي بيحلف يمين كاذب ياويلو من الله / مع اللحن تبع باب الحارة)

باذن الله كلنا منرجع متل قبل واحسن بس شوية وقت

لان الغدرة كبيرة ولنصح منها بدنا علاج الكيّ

ولازم حطلك غنية / خضرا يابلادي خضرا