اسفي وبعتذر

من المعروف كلنا منوجه رسائل للغير ان كانت رسائل مباشرة

او رسائل بطريقة غير مباشرة عبر الايحاء بالكلمات او التصرفات

ومن طول عمري بحب وجه مباشرة

واليوم رسالتي لنفسي

اي لنفسي لان هالفترة بالتحديد اكتشفت شئد انا مخطئة بحق نفسي

اخطات بحق نفسي وقت بنسى مين انا وبتجاهل الانا كرمال الاخرين

اخطأت بحق نفسي وكتير وقت عطيت للبعض اهمية وقدر هني ابدا مابيوصلوا

لربع كل الي عطيتن اياه فمن اليوم بوعدك يانفسي كل مين رح ياخد على ئد

مابيعطي وبس

بعتذر من نفسي وقت اجبرتا ترضى بالقليل كرمال ماتنزعج خواطر البعض

او كرمال عيون البعض

بعتذر منك يانفسي وقت بجبرك تبتلعي الاهمال وتتسلحي بابتسامة


بعتذر منك يانفسي وقت رضيت البعض ينعطى اهمية عحسابك

( وعذري كان معليش خليكي المنيحة )

بعتذر منك يانفسي وكتير


وبوعدك من اليوم ابدا مارح اجبرك على شي لان بعرف تماما يانفسي

شئد بتعاني وبتتالمي وبتبتلعي كلمات وكلو على حساب نفسك يانفسي

من اليوم بداية جديدة بكل الحياة

هي لنفسي ................


الحياة عطتني درس ابدا مارح انساه ... وهالدرس كان رح يكلفني كتير

واولها صحتي وراحتي


حبيت دون هالاعتذار هون ليبقى تذكير لالي كل ماحاولت ارجع كرر خطأي

طريقة حلوة لمحاكاة الذات وتوجيه النقد للنفس الداخلية
حبيبتي سحوبة كل انسان منا معرض للغلط
والمعروف انو الانسان يتعلم من اخطائه
وكل عثرة بحياتنا بتكون خطوة للامام النا
بتمنالك السعادة بحياتك وانو تكوني استفدتي ووصلتي للافضل بدروس حياتك
وكل الود والمحبة والاحترام الك ولنفسك العطرة والراقية متلك

بداية حلوة بينك وبين نفسك
وطريقة كتير رائعة لتخففي من الهم الي مابتعرفي لشو حاملتيه
استمري بتطهير نفسك
وحياة سعيدة الك

فكرة رائعة كتير لمحاكاتك لذاتك
وفعلا نحتاج للاعتذار لانفسنا كتييييير

صديقتي سحابة صيف
من البي بتمنالك كل السعادة والفرح
وان شاءالله مارح ترجعي تكرري نفس الخطأ
لروحك ورووود لاتذبل ابدا ..~

كنت خايفي ارجع كرر اخطائي لهيك كتبت هون

هالمرة بدي اشكر حالي انه مارجعت وقعت بنفس الخطأ

فمتل ماقالوا ..... الطيبة الزايدة غباء وهبلنة


شريرة احلا هههههههههههه

شكرا لالي كل شي اوله صعب بس بعدين بيصير عادة ....

إي خليكي شريرة متلي ههه

ههههه كوايت ئولتك منحسن نضاين عالشرشرة

ههههه اي بنحسن ليش لاء

ان شا الله ههه