لا تسأليني ليش متلوّع وْ مهموم
خلي بقلبي الجرح والدمع بهْـدابي
ما زال خبز الوعد ما بيشْـبِع المحروم
ياريت مات العشق جوعان عذّابي
جربت كون الحبيب العاشق المغروم
حب بأمانة ووفا وْ إخلص لأحبابي
ضيّـعت عمري بحوّا وْجنسها المهضوم
وْ شوفي حكايا وْ قصص مَرقِت على كتابي
حبيت شقرا وْ قلت هالورد مش مشموم
الخد جوري حَمَا والتم عنّـابي
سيّـجِـت أحلامها بْـزَهَر وْ شمع ونجوم
وْ سجّلت بحسابها اللي كان بحسابي
وْأوّل ما فاح العطر والنحل صار يحوم
عبّـيت قلبي غَـرام وْ فِضـيِـت جيابي
راحت وْ قالت إلي الإخلاص ما بيدوم
ما زال جيبك فِضِي مْـسامَح بِأتعابي
وْ حبّـيت بـيضة عمبسمها القمر مرسوم
حلوة بعمر الورد وِِ كتير جذابة
قالت بحب الصدق و التضحية مفهوم
صدّقِت كلماتها وْ رَيّـحت أعصابي
وْ لما لاقيت بْـفَـعَـايلها الصدق ملغوم
وْ حِمْـلِت قلوب البشر وحشية الغابة
قلت اللي قلبو حجر ما بيرحم المظلوم
والناس أطباعها للشر قلابة
وْ حبيت سمرة المسك عخدودها مختوم
وِعْيون فيهن حواري العين منصابة
والوجه دَورة قمر وَشمِـة عرب مَـوشوم
وِ شْـفاف تسكب عسل من أعتق خْـوابي
دبت بْحلاها وْ بميلِـة خصرها المبروم
وْ مالْحِـقِت أوصِف لها حبي وَ إعجابي
ضِـحكِت وْ قالت إلي لاتعتب وْ لا تلوم
من دون همس وْ لمس عم دوب بتيابي
بِـفزَع يقولو البشر كلمة يا عيب الشوم
بتعرِف كلام البشر سلبي وَ إيجابي
ان حبيت أحكم أنا وْ تبقى إلي محكوم
سجّـل العصمة بإيدي بْتَـعرِف جْوابي
وْ لما لاقيت العشق بدو نبي معصوم
سَـكّنْـت قلبي بْـقَـفَص وِ قْفَـلت عابابي
وأيقنت إنو بجنس حوّا الصدق معدوم
واصدق ما فيهم تلات ارباع كزابة
11-27-2011, 03:54 PM
حوا وحقيقتها
العرض العادي
