هن وحكايا كيدهن هههه

خدى بالك يااختى انتى وهى

ركزوا معي على الفكرة كلها

فوتو بالتفاصيل والحيثيات ولاتقولوا ماحد نبهكن

خلى بالك مافي ولا حبة بندورة تبات فى بيتك


حكاية البندورة حكتها لنا جارة اختي اسمها سعاد

سعاد هذة عمرها تقريبا 35 متزوجة وعندها 4 اطفال الكبيرة منهم بنت

بالثانوي واصغر واحد 5 سنوات

زوجها محمد بيشتغل موظف وراتبة متوسط

ساكنين في بيت ملك بس صغير 3 غرف

هي بتحب زوجها وانسانة مدبرة

تقول سعاد:

انتبهوا ركزوا وفتحوا مخكن منيح


من كثر حبي لزوجي اتعلمت اكون مدبرة وكنت اتمنى لو كملت تعليمي

عشان اتوظف واساعدة بس يادوب خلصت الثانوية واتزوجت وانا 18 سنة

زوجي بيجيب حاجات البيت من خضاروفواكه ومشتريات يعني ما بيسلمني مصروف

للبيت ومع هذا الغلا في المعيشة بدأت اتعلم التوفير عشان ما احمل

زوجي اعباء تاثر علية حتى مصروفي الشخصي دخلت فية جمعية مع جاراتي

عشان نبني بحوش البيت الخارجي غرفتين ونأجرهم ونستفيد


حتى الخضار اوفر فيها مثلا باليوم الواحد ما استهلك الا حبة بندورة

واحدة واحيانا نص حبة

السلطة اعملها نص حبة بس وربع حبة خيار وربع حبة (فلفل اخضر)

وربع جزرة صغيرة


والنص الثاني اعمل به (نوع من انواع المقبلات) وهكذا في كل الشغلات

توفير توفير


وكل يوم زوجي الصباح يسألني اليوم نشتري ايش

اقولة لا الحمدلله لسا باقي كثير من الخضار والفاكهة يعني كيلو البندورة

مثلا كان يجلس معانا نص شهر!!!

وخلاص صار عارف تقريبا متى يخلص الخضار واتعود على هذا النظام

في يوم زوجي محمد مر يزور اخوة الكبير قبل صلاة الجمعة

وفي هذاك اليوم آخر النهارارسلت لي زوجة اخوة رساله تقولي:

ياااااامجنونة حبة بندورة وااااااحدة


استغربت الرسالة وارسلتلها :شو هذا الكلام مافهمت؟

ردت : ماينفع افهمك بالرسايل بعدين لما يهدا الجو باتصلك

طول اليوم وانا منتظرة اتصالها على احر من الجمر وكل شوية ارسلها :فهميني

وهي ترد: لما ينام زوجي بتصلك وافهمك

اجى الليل والساعة 11 نام محمد وانا على احر من الجمر منتظرة زوجة اخوة

تتصل وتفهمني واخذت تليفوني واتسحبت للغرفة الثانية وارسلتلها رسالة

وأخيييييرا اتصلت

وفهمتني الموضوع

قالتلي انة لما كان محمد زوجي عندهم اخوة فاتحة انه الجمعة الجاية في ناس

حيجو يخطبو بنتة ومحمد زوجي قالة :واناكمان اشتهي اخطب .

وان زوجها استغرب وقاله : الزواج ومصاريفة مش سهلة

مهر وايجار بيت ومصاريف

ركزولي على رد سبع البرومبا محمد


رد علية محمد: المهر الحمدلله موجود قدرت اوفر من الراتب والسكن ما حأحتاج

ايجار حأبني بالحوش الخارجي من الجمعية!!!!

والمصاريف عادي ال****ة حتاكل من الاكل الي ناكل من

وبعدين مافي مصاريف كثير

سعاد بتعمل باليوم حبة بندورة وحدة والكيلو بيكفينا نص شهر !!!!

رد اخوة : مادام وانت ادرى بنفسك فعلى بركة الله شوفوا هالنتن التاني

كل هذا وزوجة اخوة تسمع...

ولما قامو عشان يخرجو للصلاة سألها زوجها اذا كانت محتاجة شي يجيبه

وهو راجع من الصلاة

طلبتة شغلات كتير للبيت فقال لها اقتصدي اقتصدي النسوان بيعملو حبة بندورة

باليوم وانتي مبذرة!!!


يعني اخرة توفيري انة حيتزوج عليا وكلة من توفيري؟!!!!

تقول سعاد : اليوم الثاني لما جا محمد يروح دوامة طبعا كالعادة

ماسألني هل يجيب الحاجيات للبيت( لأن موعد انتهاء كيلو البندورة)

لسا ما خلص بحسبتة

فاجاتة وانا اقولة :جيبلنا معاك كيلو بندورة


ساعتها استغرب وهو يقول: ليش والكيلو اللي جبتة من 5 ايام وين راح؟

قلتلة راح يقضي شهر العسل...

تقول سعاد ومن يومها ماعاد وفرت ابدا ولا باي شئ

وكيلو البندورة بالذاااات صارت بينها وبينة معركة تحسم لصالحها لأنها تخلصة بيوم

وكانها حلفت ماتبات بندورة واحدة في بيتها


وفلوس الجمعية اللي من مصروفها الشخصي استلمتها واشترت بها ذهب

ولما سالها زوجها عنها قالت لة سددت بها ديوني كنت ادين عشان اساعدك بمصاريف البيت

والا انت فاكر ان كيلو البندورة كان من صدقك يقضينا اسبوعين!!!

الكلام هذا قبل 3 سنوات ومن يومها محمد صار يمسك الورقة والقلم يحسب كيف

راتبة حيقضية وخرج الفلوس اللي كان مخبيها لمهر ال****ة وصار يتدين

من صاحب الخضار ويتحسر على ايام حبة البندورة الوحدة

والكيلو ابو اسبوعين هههههههههههه

ما يستفاد من القصه. اوعي واحده فيكم تعمل مدبره وتوفر وتقتصد في مصاريف البيت

عازمتكم على بندورة تعالوا .

هههههههه يا مشحرين

من هيك كترو فجاة بياعين بالبندورة

صحي هي قصة كيدهن عظيم من وين طلعت بتعرفي شي حقيقتها؟؟

اقتباس   المشاركة الأصلية كتبت بواسطة lord هههههههه يا مشحرين من هيك كترو فجاة بياعين بالبندورة صحي هي قصة كيدهن عظيم من وين طلعت بتعرفي شي حقيقتها؟؟

لا مابعرف اصل القصة ياريت تخبرنا فيها لورد


بس الي بعرفو انو كل مابتذكر انو كيدنا عظيم ولسى ماعملت شي بنقهر

هههه خلينا هون بكيدهن

منمدحكن بموضوع تاني

وليش ماتحكيلنا هون يعني وبتمدحنا بمكان تاني شو هالقصة

منستاهل نحنا

على سيرة الكيد الي بتتهمونا فيه دايما

إن المعنى العام للكيد في اللغة هوالصنع والتدبير، وتعميم المعنى السلبي الخاص

للكيد على النساء خطأ شائع، إذ أن الكيد ليس حكرا على جنس من دون جنس،

وليس الكيد كيد كله. يقول الله تعالى( إِنَّهُمْ يَكِيدُونَ كَيْداً , وَأَكِيدُ كَيْداً)



ولا يستطيع احد ان ينكر ان المرأة تتمتع بذكاء فطرى وهبها اياه الله سبحانه وتعالى

لتدافع عن اسرتها اذا احست بخطر ما يقترب منها ،وان كانت المرأة درست وتزوجت

وحبت واخلصت وانجبت وربت وعملت وتحملت القلق والخوف فكيف نحاسبها

عن وسائلها للدفاع عن انجازاتها؟ وان كان اسلوبها يتضمن شيئا من الكيد


هاد حق مو كيد

حكايا كيدهن لم تنتهي وسنتابع

يحرء اختو لهالتفسير ال اسلوب دفاع عم منجزاتها حسستيني انكن حركة تصحيحية وثورة الثامن من آذار

اهلين سيادتو

بعدين لاننكر انو المرأة تتمع بذكاء فطري

أي لانو الرجال يتمتع بالتياسة الفطرية مو ذكاء بينما ذكاء الرجل بيجي مع معاملتو للنساء المتمتعات بالذكاء الفطري


صحي هاد الذكاء الفطري الي عندكن مرض فطريات وحساسية ولا خلع ولادي؟؟

ولا اللهم عافينا اللهم عافينا مرض مستعصي فيكن


ياجماعة كيدهن

يرضى عليكن حاجة بكفي نزلتونا من الجنة من الكركرة تبعكن

ملاحظة (ممنوع رد الجهوم تحت طائلة العقوبات الدولية تحت البند السابع )

ايوااااا كملو

اختي المتزوجة

عند تشييك تلفون جوزك وفي حال كان نظيف لا تعتقدي انو جوزك برئ

جربي احكيلو هي الجملة بس

حبيبي عطيني مفتاح سيارتك بدي انزل جيب شغلة منها

وشوفي ألوان الطيف على وجهه بس

أو تكوني معه بالسيارة وتحكيلو سامعة صوت تلفون بيرن

....

النصيحة اليوم ببلاش والله يئدرنا على فعل الخير

هههه الحمد لله مافي سيارة

بس اي والله في محل شو اعمل انا بها الحالة ئلوا مثلا نام انتي اليوم وانا بروح اشتغل بدالك

هههه ضحكتوني والله

قال حملت هالبلوكة وسلختا بالسيارة

هاد مو كيد هاد اجرام هه

وقصة نص حبة البندورة بالاكلات ههه

هون ممكن بس بترجع لحكم العلاقة بيناتن اولا ودرجة التفاهم تانيا

المراة وقت بدها شي من جوزا فيها تستخدم سياسة اخرى معه بالاسلوب المحبب لديه
وتاخدا منو وهوي عم يضحك
ووقت بدا تنتقم منو كمان الها اساليب اخرى بتكون لزيزة وقرصة ودان خفوفة ههه بس كمان مابتوصل لهالدرجة يلي بالقصة
يعني بذكائها واسلوبها فيها تاخد يلي بدها ياه بدون هالشغلات الجعفرية ع قولتكن ههه
وهاي بطبيعة خلئتها ومابعيبا ابدا وهاد هوي المقصود بكيد النساء بالنسبة الي

هاد رأيي


موضوع كتير رائع عزيزتي سحوبة

هههه
عن نفسي مبعرف شو الكيد الي راح يطلع وقتا ههه