|
|
|
#1
11-07-2014, 10:19 AM
|
|||||||||||||||||||||||
|
|||||||||||||||||||||||
رد: موسيقا الراب
مرحبا قيصر الاحساس كلامك في شئ حبيته كتير وفرحت فيه وهوة انو طريقتي بالكتابة كانت تعجبكم وهاد شي بيفرحني وبيخليني ابقى حاول واكتب وتاني شي انا ان شالله مابخذلكم ويمكن هي الفترة حبيت الراب كتير مابنكر هاد الشي لكن اكيد رح ابقى حاول اكتب متل مابتعرفوني وعلى فكرة نصيحتك الي انو جرب النوعين من الكتابة لموضوع واحد عجبتني واكيد رح حاول وانا كتير بيهمني رايكن اممممم مابعرف ليش خليتني اشعر بشوية خجل من كلامك شكرا الك قيصر الاحساس 
  قيصر الاحساس
 
|
|
11-07-2014, 10:43 AM
|
#2 | ||||||||||||||
 
عدد الترشيحات : 5
عدد المواضيع المرشحة : 2  عدد مرات الفوز : 1شكراً: 897
تم شكره 1,081 مرة في 565 مشاركة
|
رد: موسيقا الراب
لكل المهتم بحب قله شكرا من القلب رح احكي انو ماما سحابة طلبت مني حط شئ من اللي انا كتبته على طريقة الراب وصار حكي كتير بيناتنا انا رفضت وقلتلا اكيد مارح يعجبن كلن ضدي وبعد حكي كتير قنعتني سحابة بكلمة اذا انتي مو متجرأة تحطي كتابتك قدام الاشخاص اللي بيحبوكي وبيهمن مصلحتك معناها شو الفائدة اذا في شي براسك انتي مو مقتنعة فيه رح حط جزء من اغنية بلشت فيها ولسة ماكفيت أنا سوري ومن حقي عيش عيش وأحيا بسلام من حقي دور ع النور بعيد عن الظلام رح أبني فجر جديد وأسمع تغريد العصافير والله يئدرني أسعد قلوب وفك أسر كل مظلوم وحرر سورية من الاستبداد و أرفع راسك ياسوريا هي كتبتا قبل ماروح عالمدرسة خلال خمس دقايق واجا الباص وماكملت
بدي رايكن بصراحة بفكرة الاغنية والطريقة |
||||||||||||||
|
|
|
11-10-2014, 04:39 AM
|
#3 | ||||||||||||||||||||||||||||||||||||||
عدد الترشيحات : 3
عدد المواضيع المرشحة : 2 عدد مرات الفوز : 1شكراً: 3,964
تم شكره 3,491 مرة في 2,079 مشاركة
|
رد: موسيقا الراب
ياعيني عليكي وعلى كلامك ومشاعرك الحلوة عجبني كتير اللي كتبتي وبالاخص لانو عن سوريا الغالية  الشي الحلو فيكي شموس بتجسدي الي بداخلك بطريقة حلوة ان كان حكي عادي او شعر او حكاية او راب واغلبو عن الغربة وسوريا وهموم كل عربي وبشجعك على هالشي واستمري أي شموس وقت حكيتك معتبرك رفيقة وبنفس العمر يعني اكبر من عمرك بكتير لانو هيك تعودنا عليكي من كتاباتك لذلك مابدي كون انا الكبير وانتي صغيرة وعم وجهك لا ابدا تعي تعي لجنبي وصبيلي متة لندردش وكوني هلاء انتي الكبيرة ونحنا الصغار مثلا انا هلاء عندي اسلوب معين بالكتابة بتحبي استمر في ولا كون فقط واحد برد عالمواضيع واكتب شعر بالتعليقات والسيد قيصر الاحساس عندو موهبة كبيرة فهل بتحبي يستمر بموهبتو ولا ياخد طريق تاني ويكتفي بالرد على المواضيع ومثلا اخوكي الفصعون شاطر بالمدرسة رح تضلي تشجعي يكون شاطر ولا بتحبي يجدد ويكتشف حالو بمجال الشغل ويترك المدرسة؟ هي تلت امثلة قدامك وبدي تجاوبي علين بما انو انتي الكبيرة ونحنا الصغار هههه معلش خلينا هالمرة نحس انو صغار  اللي كتبتي كتير حلو وعجبني ممممم طيب فيكي تخلي نفس الكلمات شعر مثلا رح جرب معك انا لشوف مممم احم احم سوري من حقي أن أعيش أعيش وأحيى بسلام حقي ان ابحث عن نور لا اريد العيش في الظلام حقي ان أبني فجر جديد ويعود بلدي واحة للسلام أسمع تغريد العصافير ممممم تابعي انتي بعديm10: موشاطر متلك انا وخبريني شلون حسيتي بتعديل الكلمات .............. وعشان قصة البنت هاد ياستي ايام الجامعة كان في وحدة مأنزعة كتير كتر وكان ايامها اللي شايل (وكمان) المسجلة عالبطاريات وسماعات بالادن كان شي رافع خشومو كتير وهي كانت يالطيف صار انو بيوم وحكينا سوى وسئلتها شو عم تسمعي عطتني هالسماعات وكان جوة هالمسجلة اربع خمس زلم عم يتقاتلو من كتر العياط يعني اجنبي كلو بعيئ مافي شي مفهوم او نغم حلو ياريت لو راب نص مصيبة المهم عملت انو ياسلام شي حلو خلص الك عندي هدية شريط على كيفك روئت البنت وقالت اجانا شي نسمعو تاني يوم نتعت شريط لهي ام كلتوم وانا ماااابطيقها عفكرة بس جكر  هديتو لهالبنت وحطت الشريط فرحانة واول ما سمعت شكلها صار متل ضفدع دعسو باص واندهش وطلعت عيونو لبرة قالت وليييي شو هاد جلطتني قلتلها وهوة المطلوب  وكمالة القصة مارح خبرك عنا m10: بس البنت لحد اليوم صديقة وكل مرة بذكرا بهي القصة وبضحك عليا يلا جاوبيني لنكفي دردشة نشف حلقي من الحكي صحي سخني المي بردت المتة  |
||||||||||||||||||||||||||||||||||||||
 هـــبـــة  quiet roseDream rose  Innocence Rose  خالتي همس الحب 
التعديل الأخير تم بواسطة LORD ; 11-10-2014 الساعة 04:43 AM
|
|
11-13-2014, 06:41 PM
|
#4 | |||||||||||||||||||||||||||||||||||||
عدد الترشيحات : 5
عدد المواضيع المرشحة : 2 عدد مرات الفوز : 1شكراً: 897
تم شكره 1,081 مرة في 565 مشاركة
|
رد: موسيقا الراب
عمو لورد المتة بردت وينك انتي عمو لورد ههه او يي صحي انا الكبيرة هلا لازم ماقول عمو امممم يا لورد ... بدي ئلك شي  اول الشي كتيييييييييييييير بشكرك على كلامك والله حسيت حالي قاعدين هيك قعدة حلوة وعم نشرب المتة ونتناقش تاني شي عنجد وقت غيرت انت الكلمات عجبتني اكتر ولقيتا احلى شو رايك نصير نكتب سوى ونتنافس ههه  تالت شي انا بالفعل بلشت غير طريقة صياغة الكلمات مع محافظتي عالفكرة ورح نزلا بتيرا اول مايصحلي وقت الدراسة شاغلتني والاوقات عالنت محسوبة انها سحابة وما اداركم من سحابة انها الساعة التي لا تخطئ ابدا وبالنسبة لسؤالك لا طبعا بحب انك تستمر بالكتابة واكتر الشي بسوق عكاظ وكمان نفس الشي لقيصر الاحساس واما اخي فأكيد انا من اكتر المشجعين انه يبقى متفوق بمدرسته لان الدراسة هي اهم شئ وهي اللي بطور عقولنا وبتعلمنا كيف نختار صح طريقنا بالمستقبل واما الشغل والاشياء التاني هي في الواحد يتابعا بعدين واخيرا بوعدكم ان شالله استمر وابقى متل مابتعرفوني ومتل مابحب كون |
|||||||||||||||||||||||||||||||||||||
|
|
|
11-07-2014, 01:51 AM
|
#5 | |||||||||||||||
عدد الترشيحات : 3
عدد المواضيع المرشحة : 2 عدد مرات الفوز : 1شكراً: 3,964
تم شكره 3,491 مرة في 2,079 مشاركة
|
رد: موسيقا الراب
ال يعتذر شوف الجريدة الي كاتبا فوق انا
نشف حلقي وانا العي عالراب والميتال دعنا نشد فرخ دبكة احسن شي :d:d |
|||||||||||||||
|
التعديل الأخير تم بواسطة LORD ; 11-07-2014 الساعة 01:58 AM
|
|
11-07-2014, 11:32 AM
|
#6 | |
|
رد: موسيقا الراب
قررت ارجع موآهبي بالاجرام لآسبآب عديده ...
اولهآ في كم عضو ال بخجل ال ... رح خليهم ينرعبو مش بخجلو ..... ثانيهآ ... انو في عضوة من اعضآء السحآلي شكلو بدو يرجع ايام الطغيآن والعصيآن .... ثالاً ... انا حنيت للدم والاجرام والقتل والعنف .... تعا شوفلك عمو لورد ال خجلت من كلامنا ال شو بعمل فيهآ ببلش فيهآ اجرام ؟ ~~~~ نرجع للي كتبتي شمس ... شمس حطي هاد الي كتبتي ع جنب واكتبي جنبو اشي من كتاباتك الي بنحبهم حتى لو شي ئديم .... ورح تشوفي الفرق وشو قصدي انا ... رح تشوفي الي كتبتي هاد { الرآب } اشي بسيط ما رح يفوت للئلب زي هداك .... هاد بحسسك انو اي شخص بئدر بكتبو حتى لو ما بعرف يعبر ويكتب ... اما هداك انا بصرآحه بعرفش اكتب زيو ... هآد هو الفرق هدآك اشي بتحسي اول شي من الئلب اكتر وبتحسي انو شخص كبير وفهمان الي كاتبو ولو يعرف انو بنت بعمر الورد الي كاتبتو رح ينصدم .... زي ما انصدمت انا { ارجعي لعئلك يآ بنت احسن ما بلش اجرام فيكي } |
|
|
|
|
11-13-2014, 06:23 PM
|
#7 | |||||||||||||||||||||||||||||||||||||
عدد الترشيحات : 5
عدد المواضيع المرشحة : 2 عدد مرات الفوز : 1شكراً: 897
تم شكره 1,081 مرة في 565 مشاركة
|
رد: موسيقا الراب
قيصر الاحساس بشكرك كتير على اهتمامك وصراحة فكرت بكلامك كتير ولقيت معك حق ولو انه بحس التجربة بأي شئ مابتضر وهي انا من خلال هي التجربة تعلمت شي كتير مهم وكسبت اشخاص بيهمن مصلحتي وبيوجهوني للصح وهاد اكتر شئ بعتز فيه شكرا الك قيصر الاحساس |
|||||||||||||||||||||||||||||||||||||
|
|
|
11-08-2014, 07:06 PM
|
#8 | |
أحسن واحد بالعالم
|
رد: موسيقا الراب
دخيل راحة لا البال لا راب ولا وجع راس
بيت عتابا وخلصنا |
|
|
|
|
11-10-2014, 01:07 PM
|
#9 | |
|
رد: موسيقا الراب
بآلله مين ضحك عليك وئلك قيصر عندو موآهب ؟؟؟
|
|
|
|
|
11-10-2014, 05:07 PM
|
#10 | |||||||||||||||
عدد الترشيحات : 12
عدد المواضيع المرشحة : 8 عدد مرات الفوز : 4شكراً: 4,683
تم شكره 3,162 مرة في 2,044 مشاركة
|
رد: موسيقا الراب
طرح يستحق النقاش
الي رجعة ان شاءالله |
|||||||||||||||
|
quiet rose
|
|
11-20-2014, 09:24 AM
|
#11 | |||||||||||||||
عدد الترشيحات : 12
عدد المواضيع المرشحة : 8 عدد مرات الفوز : 4شكراً: 4,683
تم شكره 3,162 مرة في 2,044 مشاركة
|
رد: موسيقا الراب
اول شي الراب هاد انا مابحبوو ابدا ولا بيستهويني اني اسمعوا
صحيح اوقات بيحكو فيها عن قضايا صايرة بس عن نفسي اساس فكرة الراب مابيعجبني هاد رأيي اما شموسة الامورة انتي كتاباتك بتجنن وبتاخد العئلات لهيك فـ خليكي بكتاباتك القديمة اللي بتجنن متلك متل ماقال حمودة فعلا كتاباتك يلي بيقرأها رح ينصدم ازا بيعرف انو بنوتة زغنونة هيي يلي كتبتو ربي يحميكي من كل مكروه ياعمري يسلموووو ع الطرح |
|||||||||||||||
|
التعديل الأخير تم بواسطة Innocence Rose ; 11-20-2014 الساعة 09:28 AM
|
|
12-11-2014, 01:07 PM
|
#12 | |
|
رد: موسيقا الراب
صباح النور ياعسل
|
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العضو الأكثر نشاطاً هذا اليوم 
العرض المتطور
