آخر أخبار الثورة

يازلمة ربي يحميك

رغم كل الجحشنة اللي فيك

الله يكون بعون هظاكا ....
والله يحميلنا هظاكا ....
والله يلعن هظاكا ....

عمي حليوه شوبدك بالحكي

السّلام عليكم أخي،

عندِي سُؤال بس ما بعرف إذا صَح أسأله ولا هتنفهم نيّتي خطأ،
بس قبل لازم تعرف إنّه
صحيح أنا مش سُورية لكنّي كنت دائمًا من المُؤمنين بالثّورة،
وبستنى يوم التّحرير كأي سُوري حُر،
وبفرح لكل شيء ممكن يفرّح أخوي المُسلم وين م كان يكُون،
تمام!

(وبدّك تراعي إنّي مش في قلب سوريا وكنت متابعة الأخبار من زمان بشكل عام،
وزادت متابعتي بعد آخر أخبار الثّورة والتحرير)

هلقيت حسب الأخبار إنه إسرائيل وصلت وتمتد في الجُولان،
وين المُقاومة؟
وليش لهلقيت ما شُفنا رد يردع اليهُود،
وليش أتباع الأسد وحزب الله بحكُوا إنّه الثّوار تدعمهم إسرائيل ـ وهاد كلام العقل ما بستوعبه ـ
بس إنّه ليش هالكلام بنتشر ومن وين بلّشت هاي القصص تطلع وتِنحكى إنه إسرائيل داعم؟
وشو صحّة التّغريدة الّي شُفتها في أحد الصفحات إنّه
زعيم المعارضة السورية بيحكي إنّه تقدّم إسرائيل في سوريا يتم بتخطيطنا؟

[ برجع بحكيلك بتمنّى ما أنفهم خطأ،
والأسئلة من باب المعرفة ولم أصدقها واحد بالمية،
لكنّي بحاجة إجابة من شخص سُوري عنده الخبرة بما يجري في بلده أكتر مني]

واللّه يكتب لسوريا وبلاد العرب كلّ السلام والازدهار يا رب.

سؤااال رائع اختي وياريت أهل فلسطين يفهمو الحقيقة منيح

بداية الثورة السورية أساسها ديني هيَ ثورة أهل السنة والجماعة (خرجت ب الله أكبر)

على نظام عنصري طائفي واتضح ذلك للجميع بعد سقوط النظام كيف ذُبحنا فقط لأننا سنة

يلبس النظام وحزب الله وايران ثوب المقاومة كذبا وتدليس ويتهمون أي طرف ثاني بانه مع اسرائيل

عدوهم الأول والاخير أهل السنة .

والله لو تمكنو منكم ومن حماس لن يرحموكم

لديهم ماكينة اعلامية قوية جدا بالمقابل نحنا كانت لنا قناة (اورينت) واغلقت بالاجبار

اتهمونا كثيرا بان الثورة تدعمها اسرائيل ولهم جمهور ينعق وينهق يوميا بهذه الترهات

شاهد الجميع بام العين كيف الدنيا ارتعبت واسرائيل اولهم عندما سيطر المجاهدون على الشام

تدخلت اسرائيل واخذت جبل الشيخ الاستراتيجي لماذا ؟؟ دمرت جميع مستودعات الاسلحة

حتى لا يسيطر عليها قوات المعارضة . ووصفتهم اسرائيل بانهم ذئاب بوجه حملان ولن ننخدع بهم

النظام السوري كان في معاهدة سلام سرية مع اسرائيل

ولم يطلق طلقة وايضا هذا واااضح وسقط النظام ولم يضرب حتى حجر

بشار واخوه ماهر قبل خروجهم سلمو اسرائيل كامل احداثيات مواقع مخازن الأسلحة

لليوم اسرائيل لم تتوقف عن قصف المخازن يوميا يوميا

من صديق اسرائيل ؟

ـــــــــــــــــــــــــ


بالنسبة لتمدد اسرائيل . نحنا كمعارضة عنا هدف واضح هو اسقاط النظام النصيري العلوي

وطرد الميلشيات الشيعية من سوريا وبفضل الله حققنا الهدف بعد 14 سنة حرب ودمار

خرجنا من الحرب منهكين ومحطمين . لا نملك دولة وانما فصائل متفرقة بادوات جدا بسيطة

كان همنا ان نبني سوريا حديثة وقوية (ونعد لهم ما استطعنا) ليش ولمين نعد ؟

الجواب وبكل وضوح لاسرائيل .. اختي انا ابن هي البيئة وعايش احداثها بالتفاصيل
وبعرف صناع قرار كبار بالمعارضة وكيف بفكروا وشو بدن وشو هدفن

اسرائيل بالنسبة النا لاتفرق عن النظام السوري كلاهما عدو صريح واضح جلي

واسرائيل هي العدو الاول والاخير وكان نظام بشار صدقا حاجزا يحمي الكيان التافه

__________________________

لن ندع الحماس يجرنا للهاوية

اذا هاجمنا اسرائيل فرضا . واستطعنا الصمود وبدات حرب عصابات برايك شباب المعارضة

الي رايتن التوحيد والجهاد خايفين من اسرائيل مثلا ؟ اولا يتمنون لقائها

بالعكس كثييير يطالب بفتح المعركة مع الكيان

ولكن في شي خفي نخشاه ؟؟؟

الخوف من الغدر من فلول النظام . سننطحن في الوسط بين اسرائيل والفلول

لمن لايعلم يوميا عنا شهداء من الاخوة بمناطق متفرقة يقوم بها اتباع النظام بشكل كمائن صغيرة

وحرقو ملعب حلب . ومبنى الهجرة والجوازات . ومبنى النفوس . وسجلات الاركان العسكرية .

هذا هو همنا حاليا . صحيح سقط النظام بالاسم ولكن في 7 مليون مؤيد للنظام اين هم؟

بيننا يعيشون اختي . موجودين ينتظرون اللحظة للانقضاض

خياراتنا صعبة جدا جدا يمكنك اعتبارنا دولة وليدة لا تمتلك أي شيئ

فكيف لي ان اجابه اسرائيل حاليا وعندي عدو غادر في ظهري

.......................
زعيم المعارضة السورية بيحكي إنّه تقدّم إسرائيل في سوريا يتم بتخطيطنا؟

هي التغريدة وين ماشفتها ولايمكن تحدث هوة ماعندو حسابات بيطلع بيحكي بالوجه مقابلات

ذكر بالحرف
( كان مبرر إسرائيل (لضرب سوريا) هو وجود حزب الله والمليشيات الإيرانية، وهذا المبرر انتهى الآن".)


الرجل مجاااهد يعني يحمل عقيدة قتالية جهادية

يعني ولاء وبراء يعني عدو الله هو عدونا

ولنفترض قالها .. يقتل فورا

فصيله الاساسي (جبهة النصرة) عقيدتها الجهاد وتصاريحهم واضحة بان اسرائيل هدف

لو قال مثلا او دلس للغرب , هؤلاء لايهمهم لاغرب ولاشرق يذبحونه فورا


يتبع .... بقصة الثورة على الثورة

ثورة مضادة على ثورتنا بدأت


بدا فلول النظام البعثي حراكه العلني لاول مرة يوم امس الخميس 19/12/2024

بمظاهرات في ساحة الامويين بدمشق بغطاء (علمانية الدولة) ولا لحكم الاسلام والتشدد

من أول يوم دخل فيه المجاهدون دمشق استنفرت اجهزة المخابرات العربية و العالمية

لا احد يريد ثورة تنتصر على حاكم . لا احد يريد اسلاميين في سدة الحكم بالاخص الجيران

الاردن اكثر المستنفرين والخائفين (الحكومة) بنت المخابرات الاردنية شبكة عملاء عن طريق غرفة (الموك)

وفجاة وجدو بان كل رجالاتهم خارج المعادلة . والامارات شعبا وحكومة اكثر دولة كارهة للاسلاميين

فورا وجهت رسالة لامريكا تقول بانها غير مطمانة وغير راضية عما جرى في سوريا

لتعرفي رأي الحكومات الامارات مثلا تابعي سكاي نيوز او العبرية

لتعرفي رأي قطر مثلا تابعي الجزيرة . وهكذا

الرسائل تكون مخفية ومبطنة . مثلا يقولون عن شهداء حماس قتلى

الفرق بين شهيد وقتيل راي حكومة بكامل اجهزتها الاستخباراتية والسياسية والاعلامية

وصلت اموال طائلة الى داخل سوريا خلال اسبوع . للبدء باعمال التخريب وعصابات مدن وحواري

الحدود الى اليوم لم تفتح الا عن طريق تركيا ايضا هذااا امر كبييير واشارات واضحة

الشياطين تكمن في التفاصيل

الآن بدات حملة اسقاط الثورة السورية (ثورة مضادة )

حتى لو استلم الجان ولا يستلم هؤلاء اصحاب اللحى

ــــــــــــــــــــــــــــــــــ


نقطة مهمة جدا جدا

هل نملك العدد الكافي من المقاتلين لضبط الامن في محافظات سوريا ؟

الجواب مؤلم

كنا في منطقة صغيرة اسمها ادلب وكان هناك نقص في الشرطة والامن

تجهز الاخوة مع عدد متطوعين كبير في حال سيطرنا على حلب

وشاء الله ان يعطينا اكثر بكثير مدن كثيرة بحالها فتحها الله بقوته

المقاتل غير الشرطة لايمكن ان يتحول المقاتل الى امني فجاة

الجواب لا للأسف لانمتلك العدد الكافي حاليا

يتبع ... عدو مدعوم امريكيا في ظهري ايضا

مازال 30 بالمئة من مساحة سوريا غير محرر

قوات سوريا الديمقراطية او مايعرف اختصارا (قسد )
هي قوات كردية ملحدة تدعو الى الانفصال بكيان كردي لادين فيه
يمتد في المناطق الحدودية بين

سوريا - تركيا - العراق - ايران

قسد مدعومة من امريكا وبقوة بحجة مجابهة داعش

قسد كيان غادر خبث انتهازي ومجرم قتل من شباب ثورتنا الكثير الى اليوم

حاليا ستفتتح معركة مع قسد ومعها تنظيم بي كي كي

وهوة ايضا فصيل كردي يقاتل تركيا وسوريا معا

امريكا تحميهم فقط لانهم يسيطرون على حقول النفط السورية

لديهم عتاد وقوة هائلة جدا . وايران دخلت على الخط حاليا بدعمهم لاسقاط الثورة السورية

تخيلي المهزلة بان امريكا وايران وروسيا وبعض العرب يدعمون جهة واحدة سبحان مغير الاحوال

كله ولا يستلم اصحاب اللحى حكم سوريا

غزة تشكل 1,33% من مساحة فلسطين وقهرت اسرائيل المتطورة بالاجرام

فتخيلي بان هناك 30 % من مساحة سوريا هي عدو ومدعوم امريكيا

....................

نهاية الصورة


الثوار السوريين في الوسط

في الاعلى شرقا قسد وامريكا عدو

في الاعلى غربا روسيا + كامل غرب سوريا الساحل عدو

الجنوب اسرائيل عدو

وبيننا عدو متربص عددهم 7 مليون

أيوًا
اتّضحت الي الصّورة عِلمًا إنّه بعمري ما فكّرت سلبًا بالثّوار،

لكِن بعض الشّغلات ما بتغطّيها الإعلام ـ أو كان عندِي صُعوبة في البحث عنهاـ
أو انتِشار المُضلّلات كانت تغطّي على ما أبحث عنه،

ومع ذلك كنت دائمّا واقفة مع الثّوار وبظهرهم على حساباتي الشّخصيّة،
حتى لو إنّي ما كنت بعرف كتير من النقاط
لكنّي بنفس الوقت بعرف الأسد وشُو عمل لأخوي المُسلم وبمِين استجَار لقتل أخوي المُسلم السّني،

وشغلات لسّا بعرف فيها أوّل مرة منّك هلقيت،
لهيك قرّرت أسأل مَن أعلم منّي في أمور بلده،

أمّا الشّيعة يا أخي متل م حكيت عدوهم الأول والأخير أهل السّنة ولو تمكنّوا من السّنيين لـ أطاحوا بهم جميعًا،
وهاد واضح فعلًا،

لكنّي يا أخي رأيت بعض السّنيين مُوالين للشّيعة أكثر من الشّيعة نفسهم،
فـ بستغرب منهم،
واتّضح ولاؤهم بعد فطس حسن نصر الله،
مع إنّي أومن أن إسرائيل وحزب اللّه لا يختلفن عن بعض،

لكن هدُول النّاس على شُو بيستند ولاؤهم للشّيعة وتأييدهم للأسد
رغم إنّه الّي شُفناه في سجن صيدنايا كفيل يخلّي الواحد يتراجع عن تأييده للنّظام ويكره حاله إنّه كان بيُوم مؤيّد له،

هل هاد سببه إنّه ما بدهم ثورة تنتصر على حاكم!
ولا عندهم أسباب تانية برأيك - لو عندك علم -.

بداية الف مبارك والف الف مبارك لسوريا وثورة سوريا
اخي لورد شرحت وكفيت ووفيت بس حابب زيد كم نقطة
بما انه انا بقلب الحدث
بداية اختي التصريح الي عم تقولي انه لقائد الثورة
فهاد التصريح اول مرة بسمعو وسمعتو هون
ثانية مجنون اي حدا رح يفكر انه جيش مجاهدين الثورة قادر يفتك باسرائيل
بهي السرعة حرب خسرانة الف مية
ولو راد الشرع انه يخوضها للاسف رح يكون عم ينتحر وعم يرمي سوريا بالنار
الشي التاني محور المقاومة والممانعة رسميا انكشفت اوراق خيانته
بمراسلات الاسد واسرائيل
والاتفاقيات الي ظهرت للعلن
والاهم من كلشي تدمير اسلحة سوريا بالكامل على ايد اسرائيل
بخيانة علنية مية بالمية
اسرائيل وبعد ماسقط الاسد دمرت كل عناد الجيش لسبب واحد لانه الاسلحة ماعادت بايد امنة
وهي ان دل على شي عن صدق الثوار والخوف منهن
والشي الاهم هاد النصر تم بامر الله حتى الثوار نفسهن مو مصدقين
جلست مع كتير منهن واول كلامهن انه تم بامر الله ومو مسدقين الي صار
الحمد ل الله بالاول والاخر هي الثورة انتصرت بعد ما استنزفت كل طاقتنا
بعد مانهكتنا كبلد وكشعب
فلسطين مارح ننساها بس لكلشي وقت
لاحدا يطلب فوق طاقة الثوار بالوقت الي دول وجيوش عم تتفرج وماحركت ساكن
باتجاه اسرائيل بدها الثوار يحررو الكون
القصة واضحة فلسطين بالقلب بس بدها شوية وقت

ولورد اخي تعقيبك على ثورة مضادة
سدقني من قلب البلد عم قلك الكل عم يضحكن عليهن وماحدا شايلهن من ارضهن
الشعب كتير واعي وكتير متفائل الشعب عم يتنفس
بلش يشتغل لحاله ويعمر لحاله
بلش يرسم لسوريا المستقبل
انت بس تفرج على الاحتفالات بتعرف انه مستحيل ينخدع بكم شخص طلعو بدهن علمانية
واذا سئلتهن عنها سدقني مارح يعرفوا يجاوبه
بالنهاية الله يسدد الرأي ويصوب القرار
الاه يختار الصواب لسوريا وشعب سوريا

مُبارك لكُل سُوري حر،

اتّضحت الي الصّورة أخي وهاد كلامي لكلّ حدا عم ينتقد الثورة،

بس قلت أستفسر عن كم شغلة حتى يكون بالدّليل من من أي حدا سـوري،

ربّنا ينصرنا وينصركم على كلّ حدَا ظالم ومحتل،

ويبارك بسواعد المقاومين والثّوار، ويقوينا ويقويكم أخي،

بالنّهاية العدو واضح وواحد، وليسَ منّا مَن يُوالي كافر،

وإلّا ما ينتصر الحق بالآخر..

وربنا يبعت الخير والسلام للأحرار في هاد العالم.

/

بخصوص التغريدة الّي حكيتها
أنا شُفتها عند شخص ضد الثّورة - وهاد الّي دفعني للاستفسار أكتر رغم إنّي عارفة الّي فيها-

ورجعت أتأكد في أكثر من موقع ما لقيتها
فـ تأكدت إنّه مفبركة لخلق الفتنة،
وخاصة إنه أخي لورد حكى إنّه ما في حساب رسمي لزعيم المعارضة.

أسعدكم الله

الجميل في الكلام اختي عندك والشعور العام هو العمق والترابط الاسلامي

والمسلم أخي اينما كان وقضيته قضيتي

يبقى لفلسطين الرمزية الاكبر وام القضايا

ورأيت احتفالات اهل غزة والانشودات والله شي يفرح ويبهج القلب

ناس تحت القصف المهول وبين الركام ويضحكون وينشدون لسوريا . ماهذه الرجال انهم مسلمون وكفى

نشعر بفخر كبير جدا في سوريا لاننا نصرنا الدين ونبرء لله من أي افتتان او غرور بالنفس لانه سيقتلنا

هي بدأت لله وسننهيها لله دون أي مآرب دنيوية هذا شعور

ونتمنى ان يبقى من هم في سدة الحكم على نفس الطريق وان لانعود للفصائلية

ــــــــــــــ

شيئ ثاني من فترة نسيت بأي موضوع قلت لهبة بخطري كم سؤال

بس احتراما لرأيها وانها في قلب غزة احتمال يخرج مني كلمة او حرف يحسب غلط

نفس سؤالك من باب التوضيح والاخوة فرح حول السؤال لعندك انتي وهبة

تاريخ 7 اكتوبر تاريخ مجيد ونراه ضربة قوية للكيان

ولكن السؤال . هل كانت نتائجة محسوبة

هل استأثر فصيل واحد برأي ملايين الأشخاص

هل يحق لأي قوة ان تتصرف من نفسها وتعرض المسلمين لكل هذا الدمار

وبشكل اوضح هل حماس على حق بهكذا فعل

الله بيعلم قدّيش فرحنا لفرحكم يا أخي،
للحظة نسِينا إنّنا في حرب،

تمام، هأحكيلك رأيي رغم إنّي مش كتير بخوض في الأمور السياسيّة،
"مش خوفًا من شي لكن لراحة بالي لأنه السياسة بتجيبش إلا وجع الرّاس"

هاد رأيي الّي ما بتغيّر من أول تصعِيد وعيت عليه من لمّا كان عمري 9 سنوات في 2008
ومرُورًا بكلّ التّصعيدات لحد حرب 2023 امتدادًا لهاد اليُوم،
مع إنّه كلامي يمكن ما يعجب كتير ناس،
وما بقدّر أصرّح فيه على مواقع التّواصل الشّخصيّة،
لكِن يمكن هنا تكُونلي فرصة رغم الانتقادات الّي بنشوفها لحاملي هاد الرأي الذي لا يتناسب مع فِكر بعض النّاس،
خاصّة الّي مش عايشين في غزّة نفسها،
"لأنه بنظر الناس الّي برّا غزة إنّه حماس هي المقاومة فقط وبطبلولها كتير وبصورونا إنّنا الشّعب الأقوى ـ يعني ما بصير حد من غزة ينتقد حماس لأنه بنظرهم شعب غزة انخلق للمقاومة بس (وهاد شيء فخر النا طبعًا وما بعيبه، إنّما فقط بعيب نظرة النّاس)
لأن الّي بنتقد حماس عندهم هو عميل وغير وطني!
وهاد كلامي لا يعني إني بأيّد حركة فتح،
كل الانقسامات هاد ما جابتلنا إلّا خراب الدّيار.

هلقيت سؤالك:
بتاريخ 7 أكتوبر المفروض كل مُسلم حُر فرح بهاد التّاريخ لوقع وتأثير هالتاريخ على اليهود،
غير هيك فش سبب تفرح لأنه احنا عامة الشّعب كنا عارفين شو هيصير بعدها،
- لمعرفتنا المُسبقة بوحشيّة الاحتلال على مدار سنوات الاحتلال-

ف يعني معقول لمّا بلّشوا بالتّخطيط للسابع من أكتوبر ما حدا توقّع هاد الشّي!!

هلقيت بحكيها مع الأسف نتائج هاليُوم ما كانت محسُوبة أبدًا،

ومن رأيي إنّه إسرائيل جيش بتدعمه دول أجنبية وعربيّة مُسلمة يا أخي، "معنويًّا وماديًّا"
أمّا فلسطين نفسها مقسمة ألف تقسيم، والوحدة معدومة!

وغزة الصّغيرة لا تمتلك جيش أصلًا فهو واضح عند كلّ إنسان همّه أولاد شعبه أنها غير قادرة على مواجهة هاد العدو الوحشِي بكافة إمكانياته الجويّة والبريّة والبحريّة!
، " علمًا إنّي ما ببخّس بأعمال المقاومة، بالعكس الشباب بتعمل أشياء بترفع الرّاس" لكن يا عمّي واللّه حرام، غزة مش جيش ولا دولة عُظمى كمَا يُصورها العالم الخارجي،
وحماس لا يحق لها إهدار شعب كامل وهدم الحياة فيه لأي سبب كان،
ولا حتّى الظ±سرى " اللّه يفك أسرهم عاجلًا غير آجل"،
لأنه مقابل تبييض السّجون بتم حاليًّا إبادة شعب كامل وتبييض غزّة من سكانها!!
ولا حتّى القدس أغلى من دم مُسلم بريء!

إنْ صح الصّحيح فـ أنا أعيب حماس بأشياء كتيرة،
وفشلت فشل كبير في كل شي وأهمها حُكم غزة من البِداية،
أمّا رجال المقاومة بخلاف فصائلهم لهم كل الاحترام والدّعاء،
الله يسدّد رميهم ويحميهم،

تحرير فلسطين بدّوش غزة بس، إنّما بدّه الوحدة العربية الإسلاميّة،
لأنّ القُدس مش لغزة ولكِن لكل مسلم في هاد العالم!

،
لكِن يا أخِي ما بنملك هلقيت إلّا الدّعاء،
لأنّه الواحد بعقله ألف سيناريو ورواية وسؤال!
وأهمها هل حماس فعلت كل هاد الشي في سبيل الله!!
ومن بداية الحرب بحكي أنا بريئة من كل جهاد ليس في سبيلِ اللّه،
وإنْ كان هذا في سبيلك فإنّي رضيتُ فَـ ارضَ عنّي يا اللّه.