|
|
|
#1
09-03-2019, 07:06 AM
|
|||||||||
|
|||||||||
رد: شظايا روح
[CENTER]
تعا نروح ع وقت كنا في سوى ونرجع نعيش الحلم بلحظة تجي مثلا نتخيل بيتنا سوى ؟؟ بيتنا يلي حلمنا فيه وعمرناه مع بعض هداك البيت يلي أعدنا كتير نفكر ونتخيل أدق تفاصيله هداك البيت اللي لسى ما سكناه ويمكن صار محله كلمة كان ( حلم وراح ) تعا مثلا نتخيل اني لابسة البلوزة الحمرة وعليها نص ئلب ابيض وبلوزتك اللي عليها نص ئلب احمر ولما تضمني يصير الئلب واحد .. الدئة وحدة وبالغمر يغفى ع تيابي وتيابك العطلر وكلمة بحبك تطلع وحدة ... عم تتخيل ؟؟ شئد بتطلع حلوة لما تطلع ببحة صوتي مع همسة صوتك اللي بحسك وانت مجرد عم تهمس همس انها من قوتها وصلت لسابع سما طيب تعا نشرب قهوتنا سوى انت بتسمعني فيروز وانا بسمعك الك ومع كل شفة من فنجانك بنسى فيروز وبتوه بصباح عيونك انا عيوني عليك وئلبي دئاته الك طيب تعاال نفوت ع مطبخنا سوى .. بلاه العطر جاي عبالي شم ريحة اكلنا وخليها تعشش فيك وفيي انا والمسا نتخانئ ع اسماء ولادنا تخيلني انا واتخيلك انت لما تحكي مع بنوتتنا وتقلا بكرى رح تجي احلا من امك ورد عليك مافي أحلا مني حدى .... عم تغاري من بنتك ؟؟؟ لا عم خاف بكرى تحبا اكتر مني تقرب وتغمرني وترجع تجكيلي لك ياهبولة انا لما حبيتك حبيت كلشي فيكي حتى اللي كنت بكرهو قبلك ولما اجيتي حبيتو فيكي اممم طب شو ح نتسميا ؟؟ بلا بياختك هلاء عنجد شو ح تسميها رح سميها انتي وحبا فيكي انتي و .... طب خلص لاتكمل تسالني شبك زعلتي لا فرحت ليش ؟؟ لاني معك وبحكيك بتئدر تطالع المليون صبية اللي جواتي انا هبولة .. وغيرك محدا عشش جوى ئلبي وعيشني الحب ببشكلو الغريب وخلاني وين مارحت وشو ماشفت كل الصبايا انتي وانتي جنوني انا انتي انا وانا انتي ومعك العمر لحظة طيب خلي عيونك بعيوني واحكيلي كل هالحلم بتئدر تعيشني ياه يوم ئبل مايخلص هالعمر .... لحظة حلم مسروئة من عمر
آخر تعديل نبع الحنان يوم
09-03-2019 في 12:24 PM.
|
|
09-05-2019, 06:05 PM
|
#2 | |
 
|
رد: شظايا روح
|
|
|
|
|
09-05-2019, 06:11 PM
|
#3 | |
|
رد: شظايا روح
|
|
|
|
|
09-12-2019, 12:27 AM
|
#4 | |
|
رد: شظايا روح
جيت احكيلك كم شغلة صغار ما انا متعودة خبرك عن تفاصيل يومي الصغيرة لحظة بلحظة من بعد ليل طويل ماغفيت عيني فيه ولا لحظة قمت الصبح لاعمل قهوتي صفنت وصرت فكر ... ياترى فقت ولا بعدك نايم شربت قهوة ؟؟ فطرت ؟؟ اوووف فارت القهوة انكبت عالغاز يلا عادي مابيقولوا اذا انكبت القهوة معناها جاي رزقة ؟؟؟ معقول رزقتي تكون انت ووووو ... يارزقة قلبي المهم اخدت فنجاني ومانسيت فنجان الك وحطيت كم قطعة حلو وقعدت فتحت محادثاتك صورك تسجيلات صوتك وصرت اتخيلك معي صار لازم روح عشغلي بتعرف عبالي انت تنقيلي تيابي وقت اطلع تناديلي وتقلي ديري بالك عحالك ولا تتاخري بشتقلك قلك بحبك .... وروح بطل بدي احكيلك تعبت من الخيال بس بدي قلك شو حاسي ضايعة .. ضايجة .. بحاول ما ابكي تعرف عم اضحك كتير ليدمعوا عيوني الكل مستغرب يمكن مفكرين اني عم ابكي من الفرحة ماحدا عرفان الهم اللي جوة قلبي كيف طلع على هيئة ضحكة كبيرة وعالية وطويلة يلا هيك احسن مبدي حدى يعرف بركي بيرجعوا يحبوني وبحبوا رفقتي بس انت بحب خبرك مهمومة موجوعة مصدع راسي كتير وهالصداع انتقل للقلب اي عنجد للقلب عم حاول وقف بس الحمل صار كتير كبير عليي لك حتى الجبل بينكسر وبينهد وبيتصدع فكيف انا؟؟؟؟ بتعرف عنجد جاي عبالي هاللحظة اتنفسك وانسى كلشي بالدنيا تبقى شوي جواتي ل يرتاح كلشي فيني اشتقتلك ... يلا رح خبرك اخر شي خايفي يجي الشتا هالسنة كمان وانت بعيد ... بتعرف شو مابدي هالشي يروح ولو كان بخيالي كلشي منك بدي يبقى مابدي تطلع مني ولا من خيالي انت ابن هالقلب ... وصل الصداع للقلب ماعادت حبات البن تفيدنا ولاحبة مسكن في صيدليات
العالم كلها باتت تخفف الالم ..وانا اكاد افقد عقلي انتظرك في ايامي اللطيفة بشغف ان تبقى منها شئ .... |
|
|
|
|
09-21-2019, 11:23 AM
|
#5 | |
|
رد: شظايا روح
قالت .... صوتك وطن وجهك زطن ... نبضك وطن ... كل مافيك هوية لي ووطن أرأيت كيف للوطن ان يختزل في رجل .... عاشقة ئد الكون حائرة ياوطن
|
|
|
|
|
09-24-2019, 09:21 PM
|
#6 | |
|
رد: شظايا روح
رسالة على الواتس اب من مجهول
كيفك ... جاري الكتابة .. يبدو انها رسالة طويلة جدا لاغلق الان هاتفي واعود بعد انتهاء اعمالي لارى ماذا يريد هذا المجهول .... |
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العضو الأكثر نشاطاً هذا اليوم 
العرض المتطور
