ضيفة كرسي الاعتراف 🌷همس الحب 🌷

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة أبتسامة أمل يسعد اوقاتك هموسة _ هموس انا من لما تعرفنا على بعض وقبل مانعرف شي عن بعض كان عندي احساس بنيت عليه تخيلاتي لشخصيتك واطباعك من خلال اسمك الي حبيتك بسببو لانو اسم لاغنية من اغاني شادية (همس الحب يااحلى كلام انا سلمت قلبي والسلام) وانا هيك انفتحلك قلبي *سؤالي طبيعة شخصيتك بتشبه اي شي من بين تلاتة 1الحجر الصلب الي مايمكن يلين حتى لو انكسر 2 الحديد الي بكون صلب ويلين مع المعاملة 3 الورق الي بسهولة يتمزق ومابيصعب على حدا _ كل انسان منا معرض لمواقف كتير ومشاكل اكتر بمسيرة حياتو وقد ما كنا حريصين مستحيل مانوقع بالخطأ لانو كل بني ادم خطاء سؤالي هو 1 في يوم من الايام قدمتي شي لشخص ما ( مساعدة، نصيحة، او ماشابه) وندمتي بعدين وحسيتي انك اخطائتي؟ 2 زمان ماكان الحب الا بالافلام القديمة الي خلتنا نحط ببالنا انو لو حبينا وارتبطنا بمن نحب سنكون اسعد الناس هل عشتي تجربة من هذا النوع؟ وهل وجدتي قصص الافلام حقيقية بواقعنا؟ وهل صدمتي بتجربة حب تركت جرح بقلبك؟ 3 همس الانسان مايتعلم الا من تجاربو شو هيه اكتر تجربة تعلمتي منها بحياتك وشو الحكمة الي اضافتها لحياتك؟ _ هموسة بالحياة كل انسان الو اطباعو الخاصة وطقوسو الي بنفرد فيها لحالو وتكون اساس شخصيتو 1 لما تفيقي من النوم كيف بتكوني مزاجك معكر ومالك خلق تحكي حدا متلي ههههه او بتكوني رايقة وعلى طبيعتك؟ 2 شو هو الشي الي بميزك عن رفقاتك والي بيعتبروه علامة مميزة فيكي؟ 3 شو هو الشي الي بيلفت انتباه همس الحب بالشخص الي قبالك يعني طريقة كلامو او لباسو او ساعتو او حتى تسريحة شعرو؟ بالتوفيق هموس ولي عودة💜💜

يسعد صباحك وأيامك ام السووز
حبيبة قلبي لقلوب عند بعضها
شخصيتي بتشبه الحديد مع المعاملة الحلوة بلين ومين منا ما بلين مع الأسلوب والكلام الحلو
بالنسبة للندم لا ما عمري اندمت على تقديم نصيحة او مساعدة لشخص اذا هو تقبلها او لا انا عملت الي بيمليه ضمير علي وهو حر
الحب ااه من الحب حب الأفلام عبارة عن حب مدروس وبعيد عن الواقع أسمه تمثيل اكيد عشت قصة حب ومين منا ما حب او انحب مافيي احكي انه هالتجربة جرحت قلبي لا بالعكس تعلمت منها انه لاتسلمي قلبك بسهولة
اكتر تجربة تعلمت منها انه مو كل الناس فيكي تثقي فيها ولا يغرك الأسلوب الحلو بدك كتير وقت لتفهمي نفسية كل شخص بتتعاملي معه الحكمة يا عزيزتي لا تثقي بأحد ثقة عمياء لأنه سيثبت لك كم أنت شخص أعمى

لما فيق من النوم بقوم كسلانه ههههههه اول عشر دقايق وبعدين بصحصح
علامة الجودة ههههههه والتميز ما بحمل بقلبي ما بحقد ع ناس مثلآ بزعل منك بس ما بحقد قلبي طيب

بيلفت انتباهي اول شي رح يلفت انتباهي لبسه وانا بيعجبني الشخص الأنيق وبعدين يا بتكمل اناقته بحديثة يا يضرب هو واناقته ههههههههه
أسعدتني أسئلتك خفيفة ولطيفة ههههههه