ماذا يكره الرجل في المراة؟؟

السلام عليكم ورحمة الله وبركاته






هناك الكثير من الأشياء التي تقوم بها النساء دون قصد أو معرفة وتزعج بها الرجال، لذلك فانهن بهذه التصرفات غير المقصودة يفقدون الكثير من الفرص مع الرجال، حيث ان لهذه الصفات تأثير قوي ينفر اي رجل من اي سيدة عندها اي صفة من الصفات التالية:
1- يكره الرجال النساء اللواتي ينتقدن غيرهن من النساء دائما.
2- غيرة المرأة الشديدة.
3- المرأة الأنانية التي تريد ان يقضي زوجها معظم وقته بجوارها.
4- لا يستحمل الرجال النساء اللواتي يبكين على اتفه الأسباب.
5- من المعروف جدا أنه لا يوجد رجل على وجه البسيطة يستطيع ان يتحمل المرأة التي تحب التسوق بشراهة.
6- المرأة الثرثارة، لا يستطيع الرجل ان يتحمل هذا النوع من النساء فحديثهن يستفزه لأبعد الحدود.
7- وأخيرا: يكرهون نوعية النساء اللواتي يستخدمن العلاقة الحميمة كأسلوب للضغط على أزواجهن، أو عقابهم.





دمتم بحفظ الرحمن

شو مشان ماحدا رادد

لانه هالموضوع ماله داعي
وخطأ هالموضوع تحطيه بالمنتدى
لانه الرجال ما بيكره غير حالو
وخصوصا لو اتلكك للمرأه
لانه اولا المرأه ما بتكون ثرثاره الا لاانه الرجال ما بيسمعها من اول مره فتفضل تكرر ليسمعها
ثانيا الي بيستخدمو العلاقه الحميمه للضغط هذا نوع من الذكاء عند المرأه وعدم استيعاب الرجل ومشكلتوا انه بيوقع بهالفخ عده مرات
اذا برأي هو السبب لانهبيوقع عده مرات لانه لو غير اسلوبه ما راح تستخدم ذكائها
والبكاء لترطب عينها من البصل الي بتقطعه لحضره جنابه
اما بالنسبه للتسوقق فأظن مو كله لها لاولاده ولبيته بس هو كسول وما فيه يشتغل فيقول تتسوق بشراهه
وبالنسبه للغيره فأظن يتلكك لانه لو غارت حيقول غيرانه ولو ما غارت حيقول مش مهتمه بيا فلذلك خليه يشرب ميه بحر ولا تهتمي لكلامه
وسوز احس انه الرجال بدأوا يغسلولك دماغك فيالييت لا عاد تجيبي مثل هالمواضيع لاضطر لفتح راسك وغسل دماغك بييدي

بالعكس عبير الموضوع ممتاز وئلو داعي

والاعتراف بالغلط بداية جيدة وهي اغلاط كبيرة بشخصية المراة ان وجدت

المرأة مو ملاك بكل احوالها متل ما بتتخيلي عبير والرجل هوة الشرير

المراة بايدها تخلي الرجال يكون افضل الرِّجال
او تخلي يكره الساعة الي يفوت فيا عالبيت

والرجال بحب تكون شخصية الزوجة فريدة من نوعها وماتشبه باقي النساء

فمنرجع هلاء لكلام سوزي المنطقي جدا

1 - اي بتضل المرة تحكي عالناس وتنتقد ومايعجبها شي وتعمل حالها هية الفصيحة وبس
لحتى يقوم الرجال يهج من بيتو ومتوقع مليون بالمية رح يجي نصيب من انتقاد زوجتو ولسانها الطويل

2 - الغيرة ::: يالطييييييييييف هالصفة شو بيكرها الرجال بالمرة لك هي مصيبة الغيرة مصيبة كبيرة
بتتحول لعدم ثقة وبصير مشاكل مستحيل تنحل
الغيرة الها حدود وبالمعقول بتكون رائعة وحلوة وضرورية
بس من زادت شحطة وحدة بتتحول لجحيم
فانتبهو من هالنقطة يا صبايا الله يرضى عليكن

3 - 4 - 5 - 6 يعني هي شغلات واضحة ومابدها شرح من الثرثرة ولسان سبع امتار يا لطيف
ومشكلة االاسواق والزلمة بكون محروء نفس الي خلفو بالشغل وهي بتشتري شغلات بلا طعمة
وكمان الانانية مو حلوة بشخصية المراة

7 - اسلوب الضغط بالعلاقة الحميمة سيئ جدا وعكسي على المراة بالنهاية
واسلوب حتما رح ينفر الرجل مهما صبر وسكت

ونتيجة هالاسلوب والعلاج الو هوة خبط جازة فوق هالمرة
ويتنيها ويتلتها كمان خليها تتربى

وهالشي حقو ومو غلط

ولو من الاول فهمانة هالشي بتسكت وبلا ولدنة

جد نسوان ما بتنعطى وجه

............


يعطيكي العافية اختي سوزي على هالموضوع الصريح والواضح

وشكرا جزيلا لانو ماعجب عبير

استمري سوزي

شفتي سوز الي بيشوفه بيقول انه خبره باطباع النسوان لهيك احذيه افضل قبل لتخسريني بعد ما تصيبني جلطه لو دخل هنا رجال ثاني ويحس انه مظلوم

ماذا يكره الرجل في المرأة موضوع حلو كتير للنقاش والنقاط اللي اشرتي

الها سوزي جيدة وصح هي بتنفر الرجل لو زادت عن حدها

بالنسبة للنقطة الاولى لي مابيحاول الرجل بدل مايهرب من البيت متل ماقلت لورد

يعرف السبب اللي بيخلي المراة تنتقد غيرها من النساء ممكن لشعور بالنقص عندا

في بعض النواحي وهون بامكان الرجل يعزز ثقة المراة بنفسها ويبرزلها الايجابيات بشخصيتا

وبطريقة لطيفة يحاول يبعدا عن هالخصلة

اما الانانية لبقاء زوجها بجانبها لو مافي سبب بيكون مع الرجال حق اما الغالب اللي بيصير

انو الرجال بالنهار بالشغل والعصر نايم والمسا بين اصحابو فهي حتما تشعر بالملل وخاصة

اذا كانت المراة من النوع اللي بتقضي معظم وقتا بالبيت ومع الولاد والطلعة والفوتة بحساب

واذن فهي رح تبلش هون النئ برضو هون وين حكمة الرجال انو يعطيها شوي من وقتو

وهيك بتتعالج هي النقطة او يسمح الها بالخروج وقت تشعر بالملل

اما البكاء على اتفه الاسباب فهي مشكلة وانا بعاني منها وهي بعتبرا حساسية مفرطة

ومابعرف كيف حلها

بالنسبة للمرأة الثرثارة لك اي والله حلوة الثرثرة احيانا المهم ماتكون تأذي الاخرين

وفي رجال بتثرثر اد النسوان مليون مرة شو مشانن

اما التسوق بشراهة اي هي معك حق فيها 100 %

اما لاسلوب استخدام العلاقة الحميمية للضغط او العقاب فهي طريقة مرفوضة كليا

اما انت يالورد شو مشان يتجوز مرتين وتلاتة وهاد حقو ؟؟؟؟

اي دخيل هالحق قومو بواجباتكم على اتم وجه مع اول زوجة وشوفو كيف رح تكون المرأة

السند والحنان والحب

يكره الرجل ان تشتغل المرأه وهو لم يجد شغلا
فيشعر ان الفطره قد انقلبت لذلك ايها المجتمع السليم لا تركز على ان تجد شغلا للنساء وتترك الرجال بمهب الريح جد اولا شغلا للرجال ثم بعد ذلك ابحث عن شغل للمرأه

ما ثرتوا علي بردودكم
الرجل مخلوق لابد ان ننهي وضعه وسيطرته لنعرف نعيش
دون تذمر بدون شروط

اذا كنتي عبير تريدين انهاء الرجل
فلم يبقى للشعر معنى

انا بعرف الشعر يكتب لعيون المراه مش للرجل

صحح افكارك خيوط
شكلوا الازمه السوريه مأثره ع قدراتك الفكربه
اذا بدك تنتقم انتقم من بشار مو من النسوان

اذا انهيتي الرجل من سيقول الشعر بالمرأه