بس تخلص لعب..تعا/تعي لهون ازا سمحت/ي!

سبحانك اللهم استغفرك واتوب اليك

اممممم ليش لتحذفو شو الغلط بهالموضوع اخي ؟؟

باذن الله مافي اي غلط هاد الموضوع

لكن الشك انو هل نحن في مجلس يطبق عليه هذا ام لا

تابعت كتير شرح الحديث وهوة حديث صحيح يقول


عن أبي هريرة رضي الله عنه قال : قال رسول الله صَلّى اللهُ عَلَيْهِ وسَلَّم :
« مَنْ جَلَسَ في مَجْلس فَكثُرَ فيهِ لَغطُهُ فقال قَبْلَ أنْ يَقُومَ منْ مجلْسه ذلك :
سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك :
إلا غُفِرَ لَهُ ماَ كان َ في مجلسه ذلكَ »
رواه الترمذي .



وحديث آخر


وعن أبي بَرْزَةَ رضي الله عنه قال : كان رسول صَلّى اللهُ عَلَيْهِ وسَلَّم
يقولُ بآخرة إذَا أرَادَ أنْ يَقُومَ مِنَ الْمَجِلسِ
« سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ »
فقال رَجُلٌ يارسول الله إنَّكَ لَتَقُولُ قَوْلاَ مَاكُنْتَ تَقُولُهُ فِيَما مَضَى ؟
قال : «ذلكَ كفَّارَةٌ لِماَ يَكُونُ في الْمجْلِسِ »


رواه أبو داود .



بس ما وصلت لحل شافي ينطبئ على هالحالة لانو يقال فقط وقت الخروج من المجلس

مو بأولو او بنصو

يعني اذا واحد خلص مشاركات وقرر يطلع من المنتدى يدخل لهون ويقول كفارة المجلس

المبدأ بشجع وجيد ويارب يغفرلنا كل اعمالنا

بس ماعندي اطلاع اوسع من هيك هل يجوز فعلا التطبيق هنا او لا

هي بدها بحث مع عبير هي عندها اطلاع اوسع




في مواضيع بالمنتدى قديما

كان اسمها ( سجل دخولك بالصلاة على النبي)


(سجل دخولك بزرع غراس في الجنة بالاستغفار)


(سجل دخولك بلا اله الا الله)


سجل خرروجك بلا حول ولاقوة الا بالله


كان اول موضوعين منزلن مدير الموقع
وفين اكبر مشاركات وعدد هائل من الصفحات
واكبر واقوى موضوعين

ورغم هالشي تم حذف كل هالمواضيع من عبير


وعلق طئ البكس طبعا ههههه


بس كان قرار صحيح وسليم
وكل هالامور بدعة وكل بدعة ضلالة وكل ضلالة في النار


اما موضوعك هاد فمابعرف ماوصلت لنتيجة لحد الآن


هي شرح مفصل اختي بتمنى كون افدتك

فهمت عليك اخي
بس المغزى من هالموضوع انو نحنا هون بهالقسم منمزح كتير
وفي موضوع شلون تتخيل العضو يلي قبلك فـ منحكي فيه بطريقة فكاهية وهيك
فـ هوي بمثابة الاستغفار
وسبق وحكيت اخي اي شي مابيتماشى مع الدين ينحذف
بس حبيت استفسر
بتشكرك

والخلاصة نشارك ولا نوقف

"سبحانك اللهم وبحمدك اشهد ان لا اله الا انت استغفرك واتوب اليك"


ربنااا يباارك فيكي انينوو..❤❤

معك حق لورد
انا ما اهتميت لانه بالقسم غير الاسلامي
الي يهمني القسم الاسلامي يكون نضيف من اي شبهه
لانه لو بدقق بكل المواضيع لازمني ساعات
وححذف اغلب مواضيع المنتدى
في الفاظ تخرج من الدين والمله
وحتى بالقسم الادبي
وفي مواضيع ماتناسبنا كمسلمين
وكل الموضوع هنا ماحبيت صاحبه الموضوع تكرهني
من كثر حذفي للمواضيع رغم شكي فيه وبحثت فيه
وحسيت الموضوع كمان نصيحه اكثر من انه طلب بالاستغفار
وهذا الامر باذن ربي مافيه شي
والله اعلم
من كذا تركته لهالموضوع واذا مع الوقت لقيت ليه رد انه مو مناسب
ححذفه
واذا مالقيت فمافيه شي باذن ربي