/// روز كــافـيــه ~ لطئ الحنك ~

ههههههههههههه اي حلووه كتتير بس تعي هون ملووكه
اذا انتي ما ئلك بطئ الحنك والحكي
لكااان مين يلي ئلوواااا اي صدءتك كتتتير:p
ما في حداا هوون لطئ حنك معووو تاركيني لحالي
تضربواا وينكن كلكن

هههههههههههههه

عجبني هالموضوع هون فينا نفرغ اللي جواتنا ومن دون حسيب ولا رقيب

صبايا وينكن تعالو لاحكيلكم

بتعرفو شو صار

كنت معزومة على عرس والله لبست وحضرت حالي كما يجب وانطلقت

وانا بالطريق شفت ام علوشي جارتنا

اعوذ بالله منك شو طلعك بوجهي هلا هلا بتقعد ترغي ساعة ومابخلص منا

استلمتا بالحكي قبل ماتبلش وكانت لمعت براسي فكرة خطيرة

كيفك ام علي شواخبارك جوزك وولادك كيفن مناح

لك يه يه شوهاد يا ام علي شوصاير فيكي لك ليش مبين عليكي الكبر ولك ليش

سمناني

وهون تبلجمت ام علوشي وماعادت تعرف تجكي وتركتني وطارت

شو قولكن لوين راحت اكيد تشوف حالا بالمراي

المهم ركبت بالسيارة والله بعتلي شوفير غليييييز قولو مالكم بطول السيرة

ولا نطول ياللا بلاها

وصلتلكم عالعرس ياحلوات وبعد السلام وشوية كلام قعدت بين هالناس اشي لابس

احمر واشي اخضر واشي سيرئوني واشي بنفتحي ويمكن يمكن هاد النهار

مابقيان مكياج بالمحلات كلن خلصوهن البنات

وكل وحدة شايفة حالا ومو مسدئة وكلو تمام لحتى شرفو ال**** والعريس

وعينكم ماتشوف الا النور وبلش رغي البنات هي اللي تقول يه بدي افهم على شو شايفة

حالا والتاني تقول تسريحتا مولابئتلا والتالتي تئول ياحوينتو فيا والرابعة ترقص وترقص

وترجع وتقول والله انا مابعرف هالبنات على شو قاتلين حالن عالجواز

وتنسى حالا وهي عم تقول عاساس بينا وبين حالا حرام انا كون ال****

المهم صار وقت الكاتو وكل وحدة كانت مسمسمة حالا شكل ماشفت غير تقول

بعمرن ماشايفين كاتو وياريت الا الكل يقول ييي مو طيب

لو انو طيب شلون كنتو عملتو

قول ماعلينا فين منرجع لنكمل حديثنا

ولا ئلكن والله انا مابحب الحكي كتير ومائلي بطئ الحنك لهيك رح اسكت