كل الصراحه مع ليش لاء ..

سوري ع التأخير لاسباب صحية

المهم نجي لسؤالك كوايت
انا ماعم وافقك بالرأي يلي عم تقوليه هون
كيف الاشخاص يلي ماسكين جوالاتهم اثناء العمل يحكو او يتصفحو او او او بينتجو بشغلهم ؟!
بالعكس تماما رح يكون في تضييع للوقت وعدم السرعة في انتاجية شغلهم المطلوب
مافي شي اسمو تأثير سلبي او ايجابي ,, الشغل امانة لازم يؤديها الشخص على اكمل وجه
وهناك اوقات استراحة فيهن يعملو شو مابدهم
حتى الاشخاص يلي بيكونو مدمنين بجوالاتهم لازم يعملو ع حالهن كنترول لحتى مايأثر هالشي ع شغلهم هنن جايين مشان لقمة عيشن فـ مانن اطفال لحتى مايقدرو يستغنو عن الموبايل بـ هالكم ساعة
وبإختصار طول ما الموبايل بإيدهم اثناء العمل مارح يكون في لاتركيز ولا الانتاجية المطلوبة منهم وبالتالي رح يكون في قصور في الاداء

سؤال مهم كتير احسنتي الاختيار كوايت

احم بسم الله هههه سلامتك حبيبتي ماع قلبك شر
امممم هلاء انا بختلف معك مابحس انو استخدام الموبايل سواء كان بوقت عملو او بالبريك تايم بياثر مثلا راح اعطيكي مثال ممكن شخص بيكون بيشتغل بعمل معين لنقول مهندس بمكان والو وظيفتو المعروفه وبنفس الوقت هوي عندو عمل تاني بيشرف عليه عن طريق الفون مثلا ك مسماري فا فيو ينتج بالمجالين ..وان قلنا ان كان العمل بمكان حساس وبيمس الحياه ك طبيب مثلا هون بيعتمد عليه للشخص وبأمكانه بيسخدمو بين وبين مريض التاني ليغير نفسيتو ويقدر تعامل مع الحاله التانيه بنفسيه مقبوله وهي بالاساس نفسيتو بتاثر ع مدى تركيزو ومدى تعامله المحبب للشخص الي قدامولانو اكيد بعد الحالات الي بيشوفا بيكون بوضع لايحسد عليه هون استخدامه بيفيد بانتاجيه علاج ...هلاء مثلا بمجال عملي مافيكي تقولي النا وقت اسمو بريك اوقات حتى شربه مي مافينا ع الواقف ف من خلال تجربتي لازم طلطل ع الفون لاطمن ع الرعيه خارج مكان عملي من موقف صار لهيك ماني مقتنعه بفرض قانون يمنع استخدامو بتاتا بوقت الشغل ...وان اجينا للامانه ( العمل عباده ) (وكلن مسؤل عن رعيته وعن الامانه الي بايدو ) هي ما بتخلف معك فيها مابظن انو بيمس الامانه استخدام الفون وومكن وان كان قله بيعتمد ع ضمير الشخص ومدى وعيه للي حاملو ع كتافو..