إنما باللُطف تبلغُ في القلوب مقامًا

أبدا بذكره جل جلاله..

المساحة هنا تزهو بعبارات تعبر عن ما في داخلي وأن لم تكن بقلمي

قٌدّر لـ ريحانة القلب في

الثلاثاء 15 شعبان 1444
7 مارس 2023


أن تكون هنا

اللهُم هوّن عَلَيْنَا مَا لَا يعلمُه غيرك

العلاقات اللي يكثر فيها التبرير تعتبر علاقات غير مستقرة ومجهدة جدا للنفس ولايليق بها الا البتر

إبتروها وريحو روسكم ..
اني هكي انقول

الشخص اللي يبي يفهمك غلط
لو قعدت عمرك كله تشرحله في الصح مش ح يفهم

منحبش حد يلومني ع حاجة أني ندمانة عليها
أنا هك هك نلوم فـي نفسي ف مش محتاجة انكم تزيدوها علي

هو صح في ناس تحبك
بس في ناس تحبك مرتين يعني الحب عندهم دبل
تحس ان حبهم مفرط أو زايد حبتين ع حي الباقي

يخافو عليك بجد ويعطوا فيك بدون مقابل

ومهما كانت نفسيتهم اخيي لما تجيهم متضايق يقفوا معاك

ومش ح يتعبوا ع خاطر شيء

ولما تبعد عليهم فترة يفقدوك

ويقولوا خيرك متغير


الناس هادو مستعدة نحارب ع خاطرهم لان بإختصار هادو يالي طلعت بيهم من الدنيا

ما فيش أي مبرر في الدنيا يخليك تتمنى الشر لغيرك غير إنك انسان ناقص

هم كلهم هكي ماتاخدش منهم غير احلى كلام في الدنيا لكن فعل مش ح تشوف غير اللي يزعلك ويحرق دمك

أني مقتنعة بفكرة النسيان وإن الدنيا ما توقف ع حد
الناس السيئة اللي طلعت من حياتي ح يجي في مكانهم اللي خير منهم
والموقف ال أخيي ..
ح يصيرلي الاجمل ينسيني مر ال أخيي وساعته
مقتنعة بفكرة شخص مكان شخص
والقيمة اللي نعطيها مرة معادش نعاودها ثاني
والشخص اللي غلط مرة ح يخلص غلطته معاي
وقلبي الحنّين نقسى عليه ونعذبه ونخلي عقلي يفوز قدامه
هو مش غرور لكن مش ح يكون أي شخص أغلى من روحي وقدري
وف النهاية أني الرابحة مش غيري

وقدر لي ان اكون هنا في ربوع مدونتك

ورقة الحرف وجماله تدل على ماهو قادم

قسم المدونات من اهم الاقسام

فالمدونة تنقش من القلب الى هنا

.......

تقييم عالي للموضوع وخمسين مشاركة زيادة

سنكون هنا دائما متابعين

احترامي

مبرووك افتتاح المدونة

تابعي ابداعك

يامحلى طلتكم

lord
يسلموا ياطيّب ماننحرم

أبو هاجر
الله يبارك بحسناتك


سعيدة والله بمروركم
وشرف لي متابعتكم
ممتنة هلبًا لزيارتكم الميمونة ونتمنى ما تنقطع
شكري ممتد لكم ...