عتيق

من اكتر من 15 سنة دخل شب صغير على هالمنتدى
لاقى عيلة صغيرة شباب وبنات كانو عيلة بمعنى الكلمة
من 15 سنة واكتر تعبت هالعيلة اسست وبنت منتدى قدم لكل شخص دخل لهون وكل شخص زارو كتير
قدم ثقافة قدم شعر معلومات وذكريات كتيرة منها الحلو ومنها الحزين
بهالمنتدى عشنا الي ماحدا عاشو كانت هالعيلة مفرقة كل حدا بلد وكل حدا بوطن
جمعنا حالنا وعملنا وطن
وطن صغير جمعنا عالحب والاخوة
ناس حبت وناس عشقت ناس كسرت وناس انكسرت
حبينا وسهرنا قضينا ساعات وساعات
ناس التقت وناس اجتمعت حتى بالواقع
بهالمنتدى. تأسست حكايات وحكايات يمكن قليل الي رح يعرف معنا هالكلام
مافي منتدى حافظ على هالميزة غير تيرا
بدي اشكر احب شخص على قلبي
الشخص الوحيد الي ضل يوم الكل هرب
الشخص الوحيد الي وقف يوم الكل ترك
الشخص الوحيد الي متأكد كان هالمنتدى عالمو الخاص
العالم الي بكل صفحة من صفحاته قصة بكل حرف من حروفى قصة
شكرا لورد من القدب شكرا محملة باطنان من الذاكرة
محملة باحاسيس يمكن ماحدا يعرف الي بدي احكي غيرك انت
والختام كل الحب الك ياتيرا

هلاء مابعرف مين ظل ومين راح لانو صار الي فتره طووويله ماكنت موجوده

بس من لما رجعت وفتلت بالمنتدى اتذكرت اياام اديش كنااا موجودين وقصص وحركه بالمنتدى ..

فعلا بتروح وبترجع لتيرا لبيتك بتتفتل فيو وبتفشئ قلبك وبتطمن فيو

لكل شخص قدم كتير لهالمنتدى وكان الو بصمه الو الشكر جزيلا ..


لفته كتير حلوي منك اخي

حبيت العنوان عتييق..

(قديمك نديمك )

بقولو الي مالو قديم مالو جديد
قد ماطال الغياب الكل رح يرجع
يمكن مرقت طريق يمكن بنظرة بهمسة
منورة اختي

عتيئ معتأ

كلام بخليك تسرح بالفكر وتصفن كتير (15 سنة ) هاد عمر طويل وحياة وجزء من الشخصية

شو عملنا كل هالوقت؟ وشو استفدنا؟ وشو خسرنا؟

متل ماحكيت هي عيلة تيرا والمحافظة عليها واجبنا جميعا

مابخفيك اخي رامز مرت أيام كتير فكرت ماجدد الاشتراك وسكر المنتدى

بس فجأة بلاقي شخص دخل واكيد عم يراجع الذكريات

او بفوت شخص قديم وبيرمي السلام علينا جميعا

وناس تفتش دفاتر ذكرياتها هون وناس بتحس بالراحة هون اكتر من اي مكان بحياتن


ومشان مان وصدى الروح ونضال وحمودة كمان كان في اتفاق و وعد بالمحافظة على المنتدى

ومشان الي كانت السبب بدخولي المنتدى في وعد ومحافظ عليه

ومشانك ومشان كل أخ وصديق وكل لحظة حلوة وذكرى كانت هون


حكي عتييييئ كتير يارجل

............................

الشكر لله أخي وصديقي الغالي لو بقدر اعمل اكتر من هيك مارح قصر

مابعرف كتير عن الاعضاء وينن وشو صار فين ومع مين ممكن نتواصل ونطلب انو يرجع

ممكن كل واحد يحكي عن الي بيعرفن اذا بدك


احلى عتيئ بالعالم

القصة بدها تعب بدها شغل كتير يمكن تكون اصعب من البداية
انا جنبك كتف بكتف لحتى يرجع يوقف تيراويرجع لمكانه الي لازم يكون فيه
يارجل تيرا اكتر من مجرد اسماء وهمية في صداقات صارت
ولقاءت صارت ياعالم تيرا عالم تاني
معك اخي رح نرجع نوقف ومنتواصل مع الكل الي بحب يرجع بكيفو اهلا وسهلا
والي مابحب بدو يرجع غصب

في شوية

افكار لتطوير المنتدى ونلحق السرعة

وسائل التواصل قضت على عالم المنتديات

بس بحاجة تواجد منكن ومساعدة كمان

مثلا في جروب تلغرام لتيرا سويناه انا وحمودة وصدى الروح
ممكن يتطور ويصير جروب بميزات محترمة

و صفحات انستغرام وفيس بس لازم حدى محترف يديرها (انا مافيني أبدا) وانت ماخرج

منرجع للنقطة الاساسية الأعضاء وينن؟ ومين بيثبت ؟ كلو بطل يوم يومين وبيختفي

انو هاض!! ايام ما كان في ايام

لورداخي
المحترف هي جبتلك ياه مسكو عجنو مزبوط وخبزو
عملو تأميرة وكلشي بيطلع بالسليم
افكار حلوة بس ياترى اديش فينا نخلي ناس ترجع هي السؤال

يعني انا فتت كثير منتديات
مجرد م بدأو الأعضاء يختفو سكر المنتدى دغري
المقصد ما في ترابط بين الأعضاء وإنتماء للمنتدى مثلكم
أنت وفي أخي اللورد،أنا من منبري هاد
بحييك على صمودك للأمانة
أنا عن نفسي بغيب بسبب الظروف فترة شهر
أسبوع يوم يومين
برجع للمنتدى يلاقيك صامد ومحافظ عليه
بجد من كل قلبي يعطيك ألف عافية يارب
بتمنى يرجعو الأعضاء القدام
كل الإحترام للجميع ،،، دمتم بحفظ المولى

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة هبة يعني انا فتت كثير منتديات مجرد م بدأو الأعضاء يختفو سكر المنتدى دغري المقصد ما في ترابط بين الأعضاء وإنتماء للمنتدى مثلكم أنت وفي أخي اللورد،أنا من منبري هاد بحييك على صمودك للأمانة أنا عن نفسي بغيب بسبب الظروف فترة شهر أسبوع يوم يومين برجع للمنتدى يلاقيك صامد ومحافظ عليه بجد من كل قلبي يعطيك ألف عافية يارب بتمنى يرجعو الأعضاء القدام كل الإحترام للجميع ،،، دمتم بحفظ المولى

ومن منبري هذا اشكرك انتي وآل تيرا اجمعين

وبتمنى فعلا يرجعوا ونرجع نبني هالمنتدى من جديد

رح ضل صامد ومحافظ على المنتدى قدر الامكان
مشانكن جميعا ومشان ذكرياتكن
وكل لحظة حلوة عشناها كلياتنا هون

بس الفكرة من الموضوع حاليا انو مين بيرجع ويضل مستمر؟

مستحيل شخص او تنين وتلاتة يقدرو على المتابعة لازم الكل

لان اذا بدنا يكون تيرا منتدى ثقافي ونستقطب اعضاء جديدة ونحاول نرجع اي حدى قديم

لازم تغيير جذري وفي افكار وخطة ببالي لهالشي والخطة بتتطور بافكاركن ومشاركتكن فيها

انا صرت عتييييئ وهرمت وشيبت واكل الدهر مني وشرب يا جدو

لازم مجهود جماعي

لذلك المستعد للمتابعة والمساعدة يخبرنا هون

وانا بخبركن شو الخطة لتطوير المنتدى ومنشوف شو بصير

وتوتة توتة لسى ماخلصت الحدوتة

هلئ مين مستعد او لا بظن كل حدا هون هو حابب يضل مرتبط هون
بيجوز متل ماقلت يوم او تنين ويروح
نحنا بدنا نخليه يضل لهيك اطرح افكارك لنشوف شو فينا نقدملها

ع حسب الظروف ووضع النيت بكون موجوده
طالما الاعضاء بلشو يرجعو
اللي عندو افكار بحس الافضل يبلش يطرح افكارو وكل حدا بيفوت بيشارك وهيك هيك شوي شوي بيرجع الحماس وباقي الاعضاء