شمس في كرسي الاعتراف

السلام عليكم ورحمة الله وبركاته ...


كان يا مكان في قديم الزمان ...

كان هنالك نجمه تضيئ في سماء معتم ....


كبرت النجمه واصبحت الشمس الذي ينيرنا ....

وها قد جائت شمس لنسئلها ....

كيف كبرت وهل الشعور ك نجمه ام كشمس هو الافضل !! ....


شمس في كرسي الاعتراف .... !!!

شموس كيفك !!


بدك تتحملينا لمده اسبوع ... بس هاد الاسبوع يمكن بصير اكتر !!


كيف بصير اكتر ؟؟

بصير اكتر ازا صار في تاخير بالاسئله او تاخير بالاجابه عن الاسئله ....

يعني مثلاً الموضوع نزل يوم الاثنين والله ما حدا سئلك سؤال غير يوم الثلاثاء هيك بدو يتمدد يوم والاجابات بدها تكون هيك كمان انو فش تاخير ايام وهيك


رح تكون في اسئله زنخه واسئله بايخه واسئله جديه واسئله محرجه واسئله هبله ...



بس عشنك اخر العنقود المدلل ...

حابب اعطيكي خاصيه ما حدا اخدها قبلك ويمكن ما حدا يوخدها بعدك ....

رح يكون الك الحق بعدم الاجابه ع سؤال فقط طوال الاسبوع ( التمنع عن الاجابه ) ....


وهي جبتلك كرسي بليق بشموستنا .....






وازا ما ريحك هي واحد تاني اريحلك




الم اقل لكم معاملتها ليس ك معاملتكم ؟ !! ....


انطلقو ...


بس قبل الانطلاق في قوانين جديده بدها تتطبق بهالكرسي ....


ما يغرك انو كرسيكي حلو او عندك خاصيه عدم الاجابه .....


اولاً ...

يجب الاجابه عن السؤال بصدق او رح يكون في عواقب شديده ...


ثانياً
عدم الاجابه بطريقه سياسيه او دبلوماسيه .....


ثالثاً
هاد الاشي رح يكون منيح ومش منيح انتي وشطارتك .. ازا اجاباتك صحيح وصريحه رح يكون في الك تقيم ونقاط من الاداره ...

وازا الاجابات فيها لعب ولف ودوران رح يكون في خصم بالنقاط والتقيم تبعك ....





يلا شمس حطي حزام الامان

شمس ....


شو بعنيلك اسم شمس ؟


سحابه !! شو يعنيلك هاد الوصف او هاد الاسم او هي الكلمه بالزات ؟ شو تعنيلك ؟





وانتي بتشوفيها سحابه صيف ؟ ولا سحابه شتاء ؟





مين بتحسي بالمنتدى كتاباتو حلوه وتعجبك ؟ وليش ؟






مين بتحسي بفتعل المشاكل بالمنتدى ؟ وليش ؟






ليش بتكرهي الاداره ؟ وكمان مع تعليل السبب !!






لا تحكيلي بتحبيها لانو فش حدا بحبها !! اه هي احدى خطوات النجاح ( خلع الاداره ) بتحبي نغير الاداره ؟ ولو غيرناها مين حابه تحطي الاداره حطيلي الاسماء من اكبر مدير الى اصغر عضو بنظرك مع كل واحد شو بستحق ....






لو شمس تستحق وسام !! او جائزه شو تستحق ؟؟ وليش ؟؟؟







شمس الام المثاليه ؟ البنت المثاليه ؟ الزوجه المثاليه ؟ ( بنحكيش ع الكمال لان الكمال لله وحده ) نحكي عن الشخص الجيد !!






شمس كانت طالبه مجتهده ؟ ولا كانت تغش ؟






ع قصص الغش !! كم مرا غشيتي بحياتك ؟؟ وبانو ماده ! ؟





لنا عوده بعد الاجابه

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة قيصر الاحساس شمس .... شو بعنيلك اسم شمس ؟ اممم اسم شمس ماكنت حبه كتير اول ماسجلت بالمنتدى كنت بدي سمي حالي ميارا تبعت الاطفال هههه بس ساعدوني عمو وماما باختيار الاسم وبعدين حبيته كتير انه مافي احلا من الضو والنور والوضوح صرت حسه بيشبهني عشان انا واضحة سحابه !! شو يعنيلك هاد الوصف او هاد الاسم او هي الكلمه بالزات ؟ شو تعنيلك ؟ سحابة بتعني بالنسبة الي الحياااة وانتي بتشوفيها سحابه صيف ؟ ولا سحابه شتاء ؟ سحابة بكل الاوقات بشوفا الي هي رمز للخير وبحبا تكون عطول سحابة مو بس ( سحابة صيف ) نفرح بوجودا شوي وتمرء عادي مين بتحسي بالمنتدى كتاباتو حلوه وتعجبك ؟ وليش ؟ امممم سؤال حلو هلاء في امير الاحساس بيعجبني اسلوبه بالكتابة وبالصراحة من غير كذب سحابة صيف بتعجبني وكتير وابدا مو لان هي ماما بس بجد بحس بتكتب من ئلبا وبحس كل شي بتكتبه كأنه قصة او شي حقيقي عم نشوفه وغير هيك بمواضيع النقاش بحسا بتفرتك الموضوع فرتكة مو بس بتجاوب وبتمشي عالسريع هيك انا بيعجبني اسلوبا وابدا مو لان هي ماما وهي بصراحة مين بتحسي بفتعل المشاكل بالمنتدى ؟ وليش ؟ مشاكل انو مافي كلنا مسالمين ولو مانحنا مسالمين ماكنا بقينا لهلاء بنفس الوانا وبعدين مافي عدد كبير بالمنتدى لتحس في مشاكل او افتعال ولو بالمزح وبعدين هالمنتدى بحسه مقسوم نصين ههههه ليش بتكرهي الاداره ؟ وكمان مع تعليل السبب !! امممم مين الادارة هاد السؤال الي شايفتو انا انو الادارة محصورة بعمو لورد مانو عاطي صلاحية بأي شي لاي واحد فينا لا تحكيلي بتحبيها لانو فش حدا بحبها !! اه هي احدى خطوات النجاح ( خلع الاداره ) بتحبي نغير الاداره ؟ ولو غيرناها مين حابه تحطي الاداره حطيلي الاسماء من اكبر مدير الى اصغر عضو بنظرك مع كل واحد شو بستحق .... اي اكيد بحب تتغير الادارة عشان الادارة عم تزوغل معنا وفي ناس مانا اخدي حقا ابدا بالمنتدى مابحب حط اسماء لان من مهمة الاداريين الاتزام ومتابعة الجميع بدون استثناء وماني شايفي حدى محقق هاد الشي ابدا كل مين بدو هو يكون الراس والاهتمام اله لو شمس تستحق وسام !! او جائزه شو تستحق ؟؟ وليش ؟؟؟ وسام اخدت وسام بس بفضل يكون في تشجيع اكتر ان كان الي او لغيري اممم مثلا وسام الهضامة هههه وليش عشنو مهضومة شمس الام المثاليه ؟ البنت المثاليه ؟ الزوجه المثاليه ؟ ( بنحكيش ع الكمال لان الكمال لله وحده ) نحكي عن الشخص الجيد !! ههههه ليش حطيت كلمة مثالية كان بلاها هلاء اذا لازم اختار ف بختار الزوجة المثالية وبكل فخر لان بشوف حالي بتصرف مع جوزي وبيت حماي احسن من كتيييير نسوان اكبر مني والمفروض يكونوا اعقل مني بس انتو الرجال مابيعجبكن العجب ولا الصيام برجب شمس كانت طالبه مجتهده ؟ ولا كانت تغش ؟ لا ماني مجتهدة كتير هههه اصلا ماكنت حب الدراسة بحس المنهاج اقل من مستواي لهيك ماكنت حب ضيع وقتي فيه وبس كانت ماما ع طول وراي لجيب علامات يعني ماشي الحال بس كنت حب اقرء هيك شغلات على مزاجي انا غش لا ابدا ماغشيت ع قصص الغش !! كم مرا غشيتي بحياتك ؟؟ وبانو ماده ! ؟ لا لا ماغشيت مو لاني مثالية لاني بخااف كتير واصلن شغلتين انا لا بعرف غش ولا بعرف اكذب بنكشف فورا لنا عوده بعد الاجابه

شكرا كتير اخي قيصر اسئلتك حلوة ومهضومة وجاوبت عليا برواء

يلا انا موجودي لحقوني قبل لا انشغل

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة قيصر الاحساس السلام عليكم ورحمة الله وبركاته ... كان يا مكان في قديم الزمان ... كان هنالك نجمه تضيئ في سماء معتم .... كبرت النجمه واصبحت الشمس الذي ينيرنا .... وها قد جائت شمس لنسئلها .... كيف كبرت وهل الشعور ك نجمه ام كشمس هو الافضل !! .... والله التنين بيلبئولي هههه شمس في كرسي الاعتراف .... !!! شموس كيفك !! مية وردة تمامو بدك تتحملينا لمده اسبوع ... بس هاد الاسبوع يمكن بصير اكتر !! كيف بصير اكتر ؟؟ بصير اكتر ازا صار في تاخير بالاسئله او تاخير بالاجابه عن الاسئله .... يعني مثلاً الموضوع نزل يوم الاثنين والله ما حدا سئلك سؤال غير يوم الثلاثاء هيك بدو يتمدد يوم والاجابات بدها تكون هيك كمان انو فش تاخير ايام وهيك هلاء اذا كان التاخير مني معكم حق اما اذا منكم بالا انا شو خصني وراي بيت لك عمو انا رح تكون في اسئله زنخه واسئله بايخه واسئله جديه واسئله محرجه واسئله هبله ... بس عشنك اخر العنقود المدلل ... حابب اعطيكي خاصيه ما حدا اخدها قبلك ويمكن ما حدا يوخدها بعدك .... رح يكون الك الحق بعدم الاجابه ع سؤال فقط طوال الاسبوع ( التمنع عن الاجابه ) .... شكرا شكرنن وشوكرت وهي جبتلك كرسي بليق بشموستنا ..... وازا ما ريحك هي واحد تاني اريحلك حلوين هالكراسي كل شوي بقعد على واحد منهن الم اقل لكم معاملتها ليس ك معاملتكم ؟ !! .... ميرسي اخويااااااا نيالي عالدلال والله يستر من اخرتو انطلقو ... بس قبل الانطلاق في قوانين جديده بدها تتطبق بهالكرسي .... ما يغرك انو كرسيكي حلو او عندك خاصيه عدم الاجابه ..... اولاً ... يجب الاجابه عن السؤال بصدق او رح يكون في عواقب شديده ... ثانياً عدم الاجابه بطريقه سياسيه او دبلوماسيه ..... ثالثاً هاد الاشي رح يكون منيح ومش منيح انتي وشطارتك .. ازا اجاباتك صحيح وصريحه رح يكون في الك تقيم ونقاط من الاداره ... وازا الاجابات فيها لعب ولف ودوران رح يكون في خصم بالنقاط والتقيم تبعك .... يلا شمس حطي حزام الامان

يلا ان شاء الله بجاوبكم متل مابدكن ههههه

يامية اهلين وسهلين بشمس الشموسة واهلا بهالطلي
نورتي هالمطرح ي عسولة انتي
ياعيني ع هالدلال وهالكراسي البتجنن ،، بلبئلك تؤبشيني

ممم بدك ماتواخزيني عنوني اجيت وايدي فاضية لانو فايتة من الموبي بس رح عوضك برجعتي ان شاءالله

ونبلش بسم الله

- شو كان الحلم يلي كنتي عم تحلمي تحققيه وماصحلك ؟

- شو آخر كذبة كذبتيها ع زوجك ؟ هه

- مغامرة عملتيا بحياتك وماحدا بيعرف عنها شي ؟

- أيهما كان اجمل بنظرك الحياة في منزل اهلك او الحياة في منزل الزوجية ، ولماذا ؟

- مممم شو الشي يلي مابيعجبك بزوجك ؟

- ماهي اكتر طبخة تتقنيها ؟


والي عودة اكيد ان شاءالله
وبتمنى اسئلتي تعجبك ههه

كل الشكر الك حمودة ع هالمجهود الرائع

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة innocence rose يامية اهلين وسهلين بشمس الشموسة واهلا بهالطلي نورتي هالمطرح ي عسولة انتي ياعيني ع هالدلال وهالكراسي البتجنن ،، بلبئلك تؤبشيني حبيبتي خالتو انتي ممم بدك ماتواخزيني عنوني اجيت وايدي فاضية لانو فايتة من الموبي بس رح عوضك برجعتي ان شاءالله ونبلش بسم الله - شو كان الحلم يلي كنتي عم تحلمي تحققيه وماصحلك ؟ انو صير محققة متل كونان - شو آخر كذبة كذبتيها ع زوجك ؟ هه سالني اذا عملت رضعة بالبيبروني لابني وقلتلو اي وانا نو ماعملت هههه - مغامرة عملتيا بحياتك وماحدا بيعرف عنها شي ؟ اي مافي غير وقت كنت صغيرة عشان مالحقت اعمل مغامرات المغامرة الوحيدة كان الدنيا صار المغرب وماما وبابا عندن ضيوف التهت ماما عني ف عنا خزان مي عالسطح وقريب على حرف الحيط ف اتسلقت انا عالحرف وطلعت ع الحيط ومنه ع الخزان شو كان بيتهيئلي مابعرف هههه بس قال كنت بدي فرجي اخي انو انا شجاعة وانا طلعت وصارو رجلي يرقصوا تحتي وصرت صيح والحمد لله شافتني بنت خالتي من سطهن ونطت لعندي ونزلتني والخوف هون راح وبلش خوف تاني ماتعرف ماما ولهلاء ماما مابتعرف اني تصرفت هيك - أيهما كان اجمل بنظرك الحياة في منزل اهلك او الحياة في منزل الزوجية ، ولماذا ؟ اووو شو هالسؤال هلاء كل شي واله شي عند اهلي حلو مافي مسؤولية بس والله ليش الكذب ببيتي وعند جوزي بحس هاد الاحلى انه بتحس ملكة بهالمكان وكل شي الي اي واي والذي منه ههههه لا بيت جوزي احلا - مممم شو الشي يلي مابيعجبك بزوجك ؟ انه بيقص شعراته من ورا انا بحب يتركن شوي صغيرة طوال واصلاتن صارلي يومين مدودة ومعصبة لان قلتلو لا تقصرن وقصرن - ماهي اكتر طبخة تتقنيها ؟ يخني الجاج بيت حماي كلن بيحبوها من ايدي مدري لي ههه اي اي والمحاشي بتطلع طيبة بس بتعب والي عودة اكيد ان شاءالله وبتمنى اسئلتي تعجبك ههه يسعدك ربي واسئلتك ظريفة متلك ناطرتك هه كل الشكر الك حمودة ع هالمجهود الرائع

اي اي وانا بقلك شكرا حمودة

خاطركن هلاء برجع وبتابع معكن صار الصياح فوق راسي هههه


انقذونيييييي

أهلين شموستنا الحلووه منوره الكرسي حبيبه قلبي
ماشاء الله ع الاسئله ماعرفت شو أسألك
اعانك الله حبيبتي 😶
اعذريني حبيبتي فتت وايدي فاضيه بدون ضيافه >>ماعندي جهازي هالفتره
🌹🍒بس جبتلك معي هالورده والكرازايه >>تهريبه ههه
لي نطه لالك ان شاء الله بالاسئله ♡

🍫🍬🍰🍦🍨

بعد هالحلويات لبلش اسالك ههه
شمس ووقت الطفوله كيف كانت
بنت هاديه ولا مشاكسه ؟ كنتي يتعملي خنائات بالحاره؟
ازا ايه احكيلي خنائه عملتيها مع مين وشو كان السبب؟

حدا اشتكى عن شمس لامها مين كان وع شو كانت الشكوى؟

شمس والمدرسه كيف كانت ؟ بتحبيها ؟ شو اكتر ماده بتحبيها واكتر ماده بتكرهيها وليش؟

ازا ئلتلك كلمات لمين بتبعتيها:

أشتئتلك>>
لماذا>>>
هادئ>>>
أخافك>>>
مشاغب>>>
حنون>>>
حقود>>>
مزعج>>>

كوكتيل كلمات ههه يلا بس يخطرلي شي برجعلك ان شاء الله

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة quiet rose أهلين شموستنا الحلووه منوره الكرسي حبيبه قلبي ماشاء الله ع الاسئله ماعرفت شو أسألك اعانك الله حبيبتي 😶 اعذريني حبيبتي فتت وايدي فاضيه بدون ضيافه >>ماعندي جهازي هالفتره 🌹🍒بس جبتلك معي هالورده والكرازايه >>تهريبه ههه لي نطه لالك ان شاء الله بالاسئله ♡

اهئ اهئ شفتي شو عم ينتفو بريشاتي

حبيبة ئلبي انتي عطول منورة

اهلييينو شموستنا

اجوبتك لحد الآن ممتازة وصريحة خليكي هيك لانو في جوائز بالنهاية

صرتي بضيافتي جبتلك كرسي اعتراف عكيفك



اي منجي للأسئلة خالتو شوشو


عمرك ؟؟

طولك؟

وزنك؟


....................

شوشو والمطبخ

1 بتعرفي تطبخي ولا طبخاتك فايتة بالحيط

2 بتحبي اكل البيت ولا شغل المطاعم

3 أي نوع من الأكلات بتحبي

4 - بتحبي اكل حماتك ولا امك

5 - بتعاقبي شي جوزك بالاكل اذا غلط معك شي مرة ؟؟

6 - الطريق الى قلب الرجل معدته .... بتوافئي على هالحكي وبتشتغلي على هالقاعدة ؟؟

7 - اذا عملتي أكلة وماطلعت مزبوطة واجى جوزك وزعل وانتقدك وئلك مو طيبة؟؟
بتزعلي شي ولا بتتقبلي كلامو ؟؟

8 - شو اكتر اكلة بتحبيا دون منازع ؟؟ شو الاكلة اللي مابتحبيا؟؟

9 - مين بتحبي يتذوق اكلاتك اكتر امك - حماتك - جوزك - اخوكي

10 - يئلل اكلك حاجتك اكل اليوم قصدي اسئلة

هي وجبة خفيفة استفتاحية والدسم جاي بعدين

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة lord اهلييينو شموستنا اجوبتك لحد الآن ممتازة وصريحة خليكي هيك لانو في جوائز بالنهاية صرتي بضيافتي جبتلك كرسي اعتراف عكيفك شرير انتي عمو شو هالكرسي اي منجي للأسئلة خالتو شوشو عمرك ؟؟ 16 طولك؟ 163 وزنك؟ زمان مازنت حالي بس بتوقع بال 60 .................... شوشو والمطبخ 1 بتعرفي تطبخي ولا طبخاتك فايتة بالحيط اممم بعرف اطبخ بس في شغلات ماجربتا 2 بتحبي اكل البيت ولا شغل المطاعم نو اكل البيت المطاعم يعني عالصدفة او ع المزاج بس 3 أي نوع من الأكلات بتحبي بحب الشغلات الخفيفة 4 - بتحبي اكل حماتك ولا امك هههه لا اكل ماما لان ماما بتعرف شو الي بحبه وبتعمل متل مابدي حماتي نو بترضي العيلة كلا وانا بتقلي تعلمي كاي هههه 5 - بتعاقبي شي جوزك بالاكل اذا غلط معك شي مرة ؟؟ ولي هون مافيني اكذب باكل شدة من داني ههه بالا وليش عم تسال هههه اي احيانا بس ما انو مابعمل بعمل بس بترك الاكل هو يجيب لحاله وياكل 6 - الطريق الى قلب الرجل معدته .... بتوافئي على هالحكي وبتشتغلي على هالقاعدة ؟؟ اي بس بشع هالطريق هههه بحاول اي قدر الامكان احيانا بتزبط واحيانا لا 7 - اذا عملتي أكلة وماطلعت مزبوطة واجى جوزك وزعل وانتقدك وئلك مو طيبة؟؟ بتزعلي شي ولا بتتقبلي كلامو ؟؟ اي حتى لو قال مو طيبة فورا عمي بينط وبيدافع عني وبيرفعلي معنوياتي اي بزعل وبكشر كمان وبصير لاقي مبررات 8 - شو اكتر اكلة بتحبيا دون منازع ؟؟ شو الاكلة اللي مابتحبيا؟؟ بحب اممم السختورة على قولتنا نحنا الحماصني وبحبا بس من ايدين التيتي الله يرحما او من ايد خالتي فقط لا غير ...4 بكره كل الاكل الي فيه بصل للاسف لهيك قلتلك ماما بتطبخ متل مامنحب انا واخي 9 - مين بتحبي يتذوق اكلاتك اكتر امك - حماتك - جوزك - اخوكي جوزي وبعدو ماما 10 - يئلل اكلك حاجتك اكل اليوم قصدي اسئلة هي وجبة خفيفة استفتاحية والدسم جاي بعدين

هههه اي حلو يلا منستنى الدسم بس بلا بصل الله يرضى عليك