قوارب الكوسا

مرحبا اعزائي ... عدت لكم من جديد

حبيت اقدم الكن قوارب الكوسا
هالاكلة لزيزة كتير وسهلة

المقادير :

كوسا حسب الكمية يلي بدكن ياها
3 ملاعق تقريبا زيت طعام
1 بصلة مفرومة
2 فص ثوم (مهروس)
صدور دجاج بدون عظم او جلد ويُقطع مكعبات
فلفل رومي (فليفلة) بألوانو التلاتة ان وجد
خضار مشكل مقطع صغار مكون من ( جزر - بازيلا - فاصوليا خضرا - ذرة )
جبنة موزاريلا او شيدر
بقدونس
ملح وفلفل اسود وماجي حسب الرغبة

للباشاميل:

1/4 كوب زبدة - 1/4 كوب طحين - 9 ملاعق طعام حليب مجفف - 3 اكواب ماء - ملح و فلفل

الطريقة :

نسلق الكوسا بس مانخليها تستوي كتير وبس تبرد نقطعها بالطول من النصف
ونزيل اللب بحيث شكلا يكون متل القارب
نجيب طنجرة نسخن فيها الزيت ونحمر البصل والثوم ثم نضيف الدجاج وازا حابين فيكن تضيفو فطر كمان ونضيف الماجي .. نقلبهم شوي ومن ثم نضيف الخضروات المشكلة ثم نضيف الفليفلة
نخليها لمدة 10 دقايق تقريبا ثم نضيف البقدونس والفلفل والملح

طريقة الباشاميل :

نذوب الزبدة بطنجرة ثم نضيف الطحين ونقلبهم ثم نضيف الحليب بعد ذوبانه بالماء ونحركو بسرعة مشان مايصير الطحين كُتل , نستمر بالتحريك حتى تزداد سماكته ثم نضيف الملح والفلفل

نحشي قوارب الكوسا بخلطة الدجاج والخضروات
نرصها بالصينية ونضع الباشاميل على كل قارب ونرش سطحه بالجبن و عالفرن
نخليها حتى تصير ذهبية اللون

وصحة وهنا

يمي ^_^

بيصير حط فيا شي تاني غير عن الكوسا قوارب تانيه يعني لانو مابحب الكوسا انا هههه

يسلمون انينو

الجميع معزومين لعند انين على قوارب كوسا

تاكلو وتههنو ان شاء الله وتقلو اد مافيكن وخبروني شو بصير معكن

وابحرووو بسفن من الكوسا

بالنسبة الي مادخلني بالعزيمة شيت انو مافي لايك كوسا

الله يديمها نعمة بس مابحبا ابدا

يعطيكي العافية انين مابدنا نكسر مجاديف قواربك من الكوسا

هههه اهلا وسهلا

كوايت

اي حبيبتي فيكي تستبدليه بأي شي بتحبيه مو مقتصر ع الكوسا وبس
مثلا فيكي تعملي البطاطا بدال الكوسا بتطلع كمان اطيب واطيب

لورد

لولا الاذواق لبارت السلع خيو
ولايهمك رح اعملك اكلة بدون كوسا ههه

نورتو جميعا

ولا يهمك انين انتي اطبخي قوارب الكوسا وانا باكل

يسلمو انين على مجهودك