إبليس راحلٌ عن بلادنا إلى غير رجعة___ فليفرح المؤمنون

إبليس راحلٌ عن بلادنا إلى غير رجعة... فليفرح المؤمنون...
- وين يامسهّل؟ ليش عم بتضبّ اغراضك؟
- يازلمة ماظلّلي قعدة عندكون, إلي سنين عاطل عن العمل وقرّبت أموت من الجوع.. بلاقيش معك سيجارة ياخوي؟
مش قاطع فيكو لا وسواس ولا خنّاس! كنت زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا اولادهم في الحاوية أوّل مايجوا
!
كنت أوسوس للواحد ينسى يسمّي الله قبل ما ياكل, هسّة بطّل حدا لاقي إشي ياكله! يازلمة إذا أنا إبليس تسمّمت بالشاورما....!
كنت برضو بوسوس للشب يرميله كلمة ع البنت وهي ماشية بالشارع, صاروا البنات يلطشوا الشباب بكلام أنا نفسي بستحي أحكيه!
واحد بسرق 6 مليون دينار عينك عينك بحبسوه 3 سنين في فيلاّ ع شطّ العقبة, وتنين بنبشوا في مكبّ الزبالة بتلئطون الشرطة, إنتو بدّكون إبليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي منكم!
يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو سمالله بتعملوا كل هالبلاوي, أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف يعيّنوني واعظ أو إمام جامع!
ثمّ فتح الباب وانطلق خارجاً إلى غير رجعة..

انشاء الله ينال اعجابكم الموضوع
ابن الشام... تحياتي

هاهاهاهاهاهاهاهاهاهاها
حلوة اكتير وقوية
مشكور اكتير على هالنكتة الحلوة تقبل تحياتي

مشكور اخي على الموضوع الرائع

هههههههههههههههههههههههههههههههههه

حلوه كتير والله

الاميرة سلمى

لوووووووووووووووووووووووووووووووووووووووول

*_^

كل الشكر دمت

شر البلية ما يضحك

هههههههههه

مشكور لطرحك

تحيتي ،،