لننكد عليهم

تحذير ..تحذير.. تحذير..

عيد الحب يوم الثلاثاء الجاي 14/2/2017

أدعوكم للانضمام الى حملة

(نكد عليهم).... كيف؟؟؟؟

الى كل مدير او مديرة و رئيس او رئيسه..

كل الاجازات المرضيه يوم الثلاثاء الجاي كذب .. نكد عليهم

.........

الى الاباء .. أي بنت بكون عندها over time او طلعة استثنائية يوم الثلاثاء...

كذابه...اضربا ..واحرمها من المسلسلات التركية 3 ايام متتاليه..بدها ترندف..ونكد عليها

.........

* الى جميع الامهات الهبايل .. يوم الاثنين الجاي دوري في خزانة بنتك فوق

ع اليمين جوا..ايوه جوا.. مدي يدك.. كمان شوي.. مدحوش كيس ورق ..

في هديه عليها ريحة عطر رجالي .. بنتك بتحب يا هانم .. الحقيها بسرعة ..

ومن شعرها ع صوبة الحطب شلوطيها..... ونكدي عليها..

......


الى كل زوجه بريئه وهبلا.... .

اذا ابو عيالch عطل عن دوامه وحط عطر وتهندم وراح يدفع كهرباء او مي..

هذا كذاب يا خوثا.. جوزك مراهق وبحب.. الحقيه بتلقيه بالمطعم بطابق العائلات

ورا الشمعه هالمسخوط.. صابغ الشيب و معه بنت.. يا هانم...نكدي عليه...

الى كل رتبة بالجيش..

اي عسكري عزابي او مجوز.. بطلب اجازة (امه متوفيه..

ابوه مسافر... ابنه بالمستشفى) كذااااب..

احجزه اسبوع واحسم من راتبه وخليه يركض بالميدان ويحط العامود اللي بالمريخ

ع شماله ويرجع.. وبرضه نكد عليه..


معا#لننكد#عليهم#

اوك سحوبة لننكد عليهم
ال عيد حب ال
حتى الحب صارالو عيد
مارح اعرفرد منيح لاني متنكدة عالاخر
اليوم حاسة ماعندي تفاؤل ولا امل بشي
يسلمو ايديكي سحوبة لرسم ابتسامة رغم الاحباط
تحيتي لك ولقلمك المبدع
دمتي يانجمة المنتدى

عيد الهبل ال عيد حب ال
هدول عالم فاضية والله
خرجن انو ننكد عليهم ههه
يسلمو سحوبة حبيبتي

ابتسامة امل
الله يريح بالك يارب
الفرح لقلبك حبيبتي ..~

ايييي بلا جدبة وسلبينا انتو كمان

كل وحدة فيكن بتستنى عيد الحب بفاارغ الصبر عسى هالمرة تزبط

ووقت مابتجيا هدية من حبيبا وبكون مشغول وموفاضي

بصير ينعن عيد الحب وعيد الحب بهوي وعيد الهبل ومابعرف شو

ولو انو بتوصلكن هدية رح تطيرو من الفرح وتفكرو حالكن متل خالتي ساندريلا

ال وبتغمضو عيونكن وبتحلمو الاحلام الوردية متل الهبلان

واصلا بتكون جايتيكن هدية وردة حمرا

يا اما مسروقة يا اما شوكها اكتر من ورقها

وبتكون مجعلكة ومكسرة ومحترء عرض ابوها

ئد مابكون الحبيب مخبيا بجيبتو بالبنطرون وقاعد عليا وطالع من مكرو ونازل بباص

حتى ماحدى يشوفو حامل وردة ويقولو عنو (ظهور اول خاروف)

طبعا موضوع الدب الاحمر انسوووه لانو مفكركن احلى دبب بحياتو

لذلك كل وحدة فيكن تشوف هالوردات وهالدبب الحمر وتتحسر لبين ماربكن يفرجا وتجيكن شي بائة بئدونس

وفعلا فعلا لننكد عليهم

قال لمرتو عملي حسابك اليوم رح نتغدى برة

رجع من الشغل لقاها حاطة الاكل في الشارع

المسكينة :( مو متعودة عالرومانسية

نكدت عليه