دير الزور ?

السلام عليكم ورحمه الله وبركاته. اليوم ما رح إحكي عن جمال بلدي لا رح إحكي عن قبل وبعد رح إحكي عن دمار بشار ريتو الله يقصف عمرو بدياكون تشوفو الدير كيف كانت وكيف صارت يا روحي يا دير الزور اشتقتلك كتير اشتقت لشوارعك لبيوتك ولأهلك لجسرك لميتك لكلشي مدينه حمص التانيه يلي الناس هيك سموها بالدير صارت الحدائق قبور والشوارع تنسقى بالدم والنسوان تصرخ والرجال تحارب هاد حال الدير يلي كانت تملى شوارعها ضحكات الزغار ويلي كانت حدايقها تمتلى بالناس والضحك وكيف فيني أنسى الفرات يلي أشربت منو بَـً>:/ـًسْ‏? هلاء صار اسمو فرات الدم الدير أنهدمت وخربت حبيبتي دير الزور راجعتلك بإذن الله راجعه لحضنك الدافي راجعه لريحه سوريا يارب احمي كل أهالي دير الزور وأهالي سوريا جميعا يارب
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

	في بلادي ســــــــــــوريا اختلطت رائحت الياسمين في الدم في بلادي اصبح الطفل اشيب وفي بلادي اصبح الطفل مقاوم في بلادي اسمع نحيب الأمهات وصراخ البنات ااااااااااااااه يا سوريا واااااااااااااه يا حلب وآآآآآآآآآآآه الف آآآآآآآه فالسكاكين تقطع اشلائك ولا فينا من قوى الا بتذرع لله عز وجل ولنا الله وما غير الله من معز تحياتي مع ودي بــــــحـــــــــــــر الــــشــــــــــوقـــــــــــ

يلعن روحك يا بشار شو عملت بوطنا

تشردت الاهالي وتمدرت البيوت وتشتت العيل

الا لعنة الله على الظالمين

يارايح عالدروب الشرق سلم عالدير وقلها
جمرة بقلبي تحرق حرق بفديها وبفدي اهلها
صرخة نهر تهز شلون ماهزت وجدان الكون
هزت قلب السوري هون ومن قلبو عم يندهلها

يادير لا تعتبي علينا تركناكي مغصوبين ياديرنا ياغالية اكيد راجعين لحضنك الدافي
اشتقت الك يادير واشتقت لكل شي فيكي نفسي اشم ترابك وبوسو
نفسي اوقف عحفاف النهر وابكي وابكي
اشتاقيت لمي الفرات واشتقت لهوى الدير الغالي
اشتقت لاهل الدير ولكرم اهل الدير
قلبي وروحي معلق فيكي ربي يحميكي ويحمي الناس الي ضلو فيكي
يادير كافينا من الغربة ملينا يادير مشتاقين يادير مشتاقين
ان شاء الله الفرج قريب ورجعتنا للدير الغالية قريبة
وانا فخورة كتير اني من دير الزور الصامدة
مابعرف شو بدي اكتب تلبكت وبكيت لما شفت الموضوع
رح ارجع من جديد رد ان شاء الله

نورتي أخي بحر الشوق وإنشالله راجعين
نورت أخي لورد حسبي الله عليه الله ينتقم منو يارب
نورتي حبيبتي سوزانو حبيبتي لا تبكي لانو الدير ما بدهيانا نبكي الدير بدهيانا نكون قويين ونرجعلها باقرب وقت نرجع لفراتها نرجع لإحلى أيام عشناها فيها آخ يا دير اشتقتلك كتير مشتاقه لكلشي فيكي يالله يارب عجل نصرك يالله الدير أنهدمت نص بيوتها بَـً>:/ـًسْ‏​ إكيد رح ترجع متل قبل وأحسن ورح نرجع لالها ونرجع لحضنها الدافي انشالله نورتيني حبيبتي

يارب افرجها علينا
تعبت من هالوضع
صعب الانسان يصير لاجئ بوطنو
ويعيش غريب بارضو
يارب ساعدنا وانصرنا
يارب مالنا غيرك يارب

دير الزور ياغالية لا تحزني
يادير رح تبقى رايتك مرفوعة
روح تبقي عنوان الكرامة
روح يسطر التاريخ اسمك
عبواب الحرية
اشتقتلك يادير

دير الزور رغم كل دمارك وحزنك ودمائك اعشق رائحة نسمات فراتك

لا اله الا اللهه
حسبي الله على إلي كآآن السبب
حسبي الله على كل ظآآلمم
وياارب الفرج لسورياا وأهلهآآ عآجلاً غير آآجل ..
تشكرآت ملووك ,, ححبي

رح ندخل بالسنة الثامنة
ولسا الناس مغتربة ببلدها
ولسا الالم والحزن والجرح نفسو
الله يفرجها
صار كتير من وقتها لهلئ
ولسا عم يصير
بس للاسف ماعم يصير شي بفرح
كلو حزن واسى
الحمدلله دائماً وأبداً
وان شاءالله الفرج قريب

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة أبتسامة أمل رح ندخل بالسنة الثامنة ولسا الناس مغتربة ببلدها ولسا الالم والحزن والجرح نفسو الله يفرجها صار كتير من وقتها لهلئ ولسا عم يصير بس للاسف ماعم يصير شي بفرح كلو حزن واسى الحمدلله دائماً وأبداً وان شاءالله الفرج قريب

ان شاءالله يارب تفرج ترجع كل سوريا يارب