ليتك تشوف ابواب قلبي مغاليق

	ليتك تشوف ابواب قلبي مغاليق صدر الحزين يطاوع الضيق .. و يضيق من كل صوب .. و تصبح العين ديمـه ينزل مطر .. و يلوح براق . و تفيـق كل الجروح .. المبطيـات .. القديمـه و أنا .. على الدنيـا قليـل التوافيـق ما غيـر أساوقهـا بـــــــــراي و عزيمـه يا فوح قلبـي مثـل فـوح الاباريـق عليك ياللـي لـك عروقـي محيمـه أقبلت لي و الحب .. حـظ و توافيـق و أقفيت عنـي .. و النتايـج وخيمـه علقت نفسـك فـي زوايـا المعاليـق و حطيت لك بين الحنايـا .. وسيمـه و أصبحت عندي فوق كـل المخاليـق تخطي و لا لك غير قـدر و حشيمـه و انا و ربـي مـا نقضـت المواثيـق لا زلت أشوفك راس مـال و غنيمـه دونك سحاب الدمع و مشارق الريـق و عقبك ضياع و جرح قلب و هزيمـه فأن بعتني فالسـوق بيـع الصناديـق عـز الله انـك بعتنـي دون قيـمـه ليتك تشـوف ابـواب قلبـي مغاليـق ما هيب لا و الله .. و عـادة حليمـه ما همني و النـاس جمـع و تفاريـق ما دمت منتـب فيـه روحـي يتيمـه يا صاحبـي تبكـي عليـك الطواريـق جزل البيوت .. الفـاردات .. العديمـه أرحل .. و طيبك فوق روس الشواهيق لا تلتفـت لـي يـا قـوي الشكيمـه و أنا على خبـرك وريـث المطاليـق راعي مواجيب و شجاعـه و شيمـه مثل الجبل و أقرب مثل عندك .. طويق شامخ .. لو ان الريح تنحت صميمـه يالله عسـى فالـك معـزه و توفيـق ياللي جعلت أهداف عمـري عظيمـه عقبك لي الله ثـم شمـس المشاريـق و الشرقي و هبّـة هـواه و نسيمـه و الشوق و هموم الجـروح المفاتيـق و البرد و الحزن و شـوارع رحيمـه يالغالـي اللـي كنـك بقلبـي اتويـق جرحك كريـم .. و ذكرياتـك كريمـه أنت و انا .. نشبه حضارات الأغريـق القوم راحـوا .. و الحضـاره مقيمـه

مشكور اخى وسيمو تسلم ايدك كلماتك فوق الوصف

دمت اخ عزيز