اجوبة لاسئلة لربما كانت قديمة

مرحبا كلكم


خطرلي اجمع عدد الاسئلة يلي انسئلتهن بحياتي بمرحلة الوعي لهي اللحظة وماجاوبت عليهن, بعدين صارت الفكرة اني اكتب الاجوبة , وجاوب على الاسئلة يلي انسئلتا من سنوات ومن فترات بعيدة او قريبة , اكتب اجوبة كل الاسئلة يلي ما جاوبت عليها بحياتي , خصوصا انو مافي ايا شي بالعالم بيفرض انو الاجابة تكون بلحظة السؤال ( غير التحقيق الرسمي)

لهيك خطرت ببالي هي الفكرة , اني اكتب اجابات الاسئلة من دون ما اذكر لمين موجه الجواب او من دون ما الفت النظر شو كان السؤال

كل واحد فينا عندو اسئلة بدو يجاوب عليها بس كان عم يستنى المكان او الموعد او حتى الشجاعة او القدرة او حتى عم يستنى حدى يئلو احكي , فينا نجاوب هون

نعمل هاد الموضوع متل بئر الاجابات , يلي بتتجمع فيه كل الاجوبة بالقاع وبتنخلط مع الحياة والاسرار وحتى الشوائب

اذا مافي حدى حابب يكتب اجوبة لاسئلة بتخصو وماجاوب عليها , ياريت لا يكتب شي تاني ولا حتى شكرا
بس انا بكتب اجوبة الاسئلة يلي لازم جاوب عليها , على الاقل بعرف لما بتنتهي الحياة بالنسبة الي , بكون جاوبت كل الاجابات وماضل في ايا اشارة استفهام


بتصور هون المكان المناسب , يمكن لانو الاشخاص يلي بتدور على اجابات بتفوت على منتديات؟ او يمكن لانو يلي بيدور على جواب مستعد يوصل لحدود المشتري


بعرف انو صفنة طويلة , بس مالي خسران شي

هندسة الكون تقاطعت هي اللحظة مع تفكيري وطلعنا بهي الفكرة

وانا رح بلش



اي مرة وحدة مشينا من هداك المكان وصار معنا الي صار
بس مو زنبي انا هو اخدني من هونيك ماكنت عرفنا لوين
بس لما وصلت لهنيك عرفت لوين اخدني حاولت امنعو مارضي وشفت النهاية بعينك

اي ياصاحبي
انا حكيتلك من الاول بس انتا ماسمعت مني
شو بتتوقع احكي بعد ماطلعتني كزاب
اي هي الحقيقة طلعتني كزاب وانتا بتعرف انا ماحكيت
الى منشانك

؟؟؟؟؟؟؟؟؟؟؟؟؟؟؟
ماني فهماني شي
وضحلنا اكتر

اقسم بالله انت افكارك عظيمة

انا من الناس الي بحب واجه

وحط اصبعتي بعين غريمي


بس بالرغم من كل شي بضل في رواسب لاسئلة بداخل كل شخص فينا

وبتكون رواسب موجودة بالأنا ومخباية وكاتمينا

يمكن نلاقي الراحة هون اكتر من كتمها جوانا

مع انو حرئتنا بزمن


رامز حتى بالتحقيق الرسمي كان عندي اجابات

وما انطرحت لانو خصمي مو مستاهل فهمو الوطنية

انت مين

وشلون صرت هون

شو الي حكمك بالنخوة

واعطاك سلطة مابتعرف تستخدما

بتعرف انك وضيع

وبتعرف انك خايف من الي مخبا جواتي

وعم تقرا التحدي بعيوني

بتعرف حالك انك اصغر مني

وانو مكانك غلط ومافيك تحاكمني

رح تنحني وتبعد عن طريقي

لانك بتخاف تواجهني

اي منيح انك فهمت وبعدت

لاتطلع بخوف

لاني مارح التفت وشوفك وراي

لا انت ولا هـُبل تبعك شايفكن بطرفة عين

اخر مرة شفتو
كنت شايف الغدر بعيونو
ولمحتلو وقلتلو رح راقبو بس هو مافهم كلامي
مافيني جوابك عن سؤال انتا بتعرف
قيمة الشخص المسؤل عنو
لاتفكر كتير
راحت هديك الايام