حكمة القنافذ

حكمة القنافذ !!!

لا يمكن للقنافذ ان تقترب من بعضها البعض

فـالأشواك التي تُحيط بها تكون حصناً منيعاً لها ..

ليس عن اعدائها فقط ! .

بل حتى عن أبناء جلدتها .

فـإذا طلّ الشتاء بـرياحه المتواصلة و برودتها القارسة ،

اضطرت القنافذ للإقتراب و الالتصاق بـبعضها

طلباً للدفء و متحملة ألم الوخزات و حدّة الاشواك ..

و إذا شعرت بالدفء ابتعدت ..

حتى تشعر بالبرد فـ تقترب مرة اخرى

و هكذا تقضي ليلها بين اقتراب و ابتعاد ..

الاقتراب الدائم قد يكلفها الكثير من الجروح ..

والابتعاد الدائم قد يُفقدها حياتها ..

كذلك هي حالتُنا في علاقاتنا البشرية ..

لا يخلو الواحد منا من أشواك تُحيط به و بغيره

و لكن لن يحصل على الدفء ما لم يحتمل وخزات الشوك و الألم ..

لذا .. :

• من ابتغى صديقاً بلا عيب ، عاش وحيداً

• من ابتغى زوجةً بلا نقص ، عاش أعزباً

• من ابتغى حبيباً بدون مشاكل ، عاش باحثاً

• من ابتغى قريباً كاملاً ، عاش قاطعاً لرحمه

من لم يعرف الالم لن يعرف طعم وقيمة السعادة !!

كن وسطيا واصنع من الالم عناقيد سعاده وخيوط نجاح اخر ونجاه اخرى ...والكمال لله رب العالمين وبالتعاون تستمر الحياه

يعطيكي العافيه سحوبة

يعافيكي حبيبتي

اسعدني جدا تواجدك

ماعجبتكن الحكاية

؟؟؟؟؟

شلون ماعجبتنا عجبتنا وكتير شوفي احلى من هيك

قصة وهيك حكمة

يعطيكي العافية سحوبتي

اقتباس   المشاركة الأصلية كتبت بواسطة شمس شلون ماعجبتنا عجبتنا وكتير شوفي احلى من هيك قصة وهيك حكمة يعطيكي العافية سحوبتي

اي ياتؤبشيني انتي الحلوة

نورتييييي شموستي

المشكلة الكبيرة الي بتصير مع اغلب الناس

وقت بفكرو يبعدو عن الاشخاص بكونو مليانين جروح


عندي قاعدة بالتعامل بالحياة قاسية شوي لكنها مريحتني وهي :

(كل شخص أقابله هوَّ شخص سيئ حتى يثبت العكس)

احسنت الظن عدة مرات باشخاص من البداية وللاسف كانو قنفذ ابو شوك

التجريبة بالحياة وكتر الجروح بعلم الشخص

يصير يعرف من اول مرة هالانسان جيد او لاء(فراسة)

متل مابئولو (الانطباع الأول يدوم)

هي بالنسب للاشخاص بالحياة اليومية

اما اذا حكينا عن الاهل والاقارب هاد موضوع بحد ذاتو نكوشة واشواك وقنافذ

وبدو مجلدات ينحكى فيه

طبعا صاحبة الموضوع ان حبت تتوسع نحن حاضرون

كل الشكر والتقدير على المثال الرائع سحابة صيف

فهوة يختصر الكثير من العلاقات بالاخص اصدقاء وعمل

المشكلة الكبيرة الي بتصير مع اغلب الناس

وقت بفكرو يبعدو عن الاشخاص بكونو مليانين جروح

عمو لورد فسرلي اكتر ....




متل مابئولو (الانطباع الأول يدوم)


وهي كمان ..

راق لي ما قرات
سبحان الله
مهما كبر الانسان يبقى جاهل لاشياء كثيرة
ربنا سبحانه وتعالى سخرلنا مخلوقات صغيرة
ارانا فيها حكم كبيرة
مشكورة سحابة الخير
حكم حلوة ومفيدة وراقية متلك
وفيها مواعظ كتير
كل الاحترام لروعة حروفك
ورقي قلمك
دمتي متميزة كما انتي
تقبلي مروري
وودي

اقتباس   المشاركة الأصلية كتبت بواسطة شمس المشكلة الكبيرة الي بتصير مع اغلب الناس وقت بفكرو يبعدو عن الاشخاص بكونو مليانين جروح عمو لورد فسرلي اكتر .... متل مابئولو (الانطباع الأول يدوم) وهي كمان ..

شخص ما بيتعرف على شخص جديد بحياتو وبقرب منو وبيتعامل معو

وممكن يحكيلو عن خصوصيات واسرار ومع مرور الزمن ببين انو هالشخص غير امين ومانو على قدر من المسؤولية

يعني قنفذ

هون وقت منبلش نبعد عن هيك اشخاص بكون تجروحنا بشوكن واقل شي انو طلعت اسرارنا لبرة وماعاد ينفع شي

هي ابسط مثال وقيسي على هيك لحتى توصلي لادق العلاقات


....................

والانطباع الأول يدوم هي عند اغلب الناس

اول ماتتعرفي على حدى جديد بضل اول لقاء بالذاكرة ويتم تقييمك لهالشخص لسنوات مبني على اول لقاء واول انطباع

مثلا تعرفتي على فلانة من اهل جوزك لاول مرة

فبتحكي انك شفتيا مرتبة بلبسها او مشرشحة

او بضل ببالك انو قلبها طيب وضحوكة او لئيمة وشايفة حالها

وبالنسبة للعمل والوظائف هي قاعدة اساسية انو الشخص يعمل انطباع جيد من اول مقابلة

على اساسها رح يعاملوه المدراء وباقي الموظفين لسنوات

ارجو اني افدتك وبيسعدني حوارك

لا يخلو الواحد منا من أشواك تُحيط به و بغيره

و لكن لن يحصل على الدفء ما لم يحتمل وخزات الشوك و الألم ..


سبحان عز وجل
حكم اعجبتني كثيرا
سلمتي لروعة الانتقاء صديقتي ..~