نصائح من دهب

عزيزاتي المتزوجات أو المقبلات على مشروع زواج ،

إليكن 20 قاعدة ذهبية للتعامل مع الرجل :

1- الرجل ما بينسأل شو بدك تتغدى و شو بتحب تاكل،

هو بياكل اي شي لو حجار

1- ما في رجل بيعرف يفرق بين روائح العطور او ألوان المناكير. ...

مش لازم تزعلي يعني لما ما ينتبه لهالتفصيل المهم والمصيري بحياتك

1- بإجماع الفقهاء ما بيحب الشوبينغ، و مستعد يتحمل مشقة سفر مشي

على مدغشقر ولا يتسوق ....و للأمانة السفر اسهل بكتير

1- مستعد يحفر جبل غرانيت بمقص أظافر ولا يشرحلك شو عم يصير بمباراة كرة

القدم يللي عم يحضرها. ....إنسي

1- ما تعتمدي عليه يعير المنبه كرمال يصحى الصبح بكير ...99 بالمية من الرجال

بيناموا على أمل إنهم ما عاد يصحو 😂😂

1- و بتناقض غريب و رغم عدم إهتمامه بالأكل بس بيحب الأكل أكتر شي بالدنيا ،

اكتر من المصاري و المناصب و أكتر منك كمان

1- المنافس الوحيد للأكل عندو هو النوم

1- إذا كان نايم بعد الظهر حاولي ما تفيقيه إلا إذا صار شي كتير خطر متل نيزك

يقترب من الأرض ، أو غزو للكوكب من كائنات فضائية أو. ......غير هيك

و لمصلحتك ما تقربي عليه

1- أغلب الرجال بيكونوا خرس بالبيت، و أي محاولة منك لتغيير هالطبيعة البشرية

ممكن تؤدي لكارثة ...و خصوصي إذا كان بحضر أخبار أو فيلم حربي

1- الزلمة يللي بيساعد زوجته بأعمال البيت هاد كائن أسطوري و مش موجود

1- الوعود والعهود 😂 إلك خلال فترة الخطوبة إعتبريها متل مشاريع الحكومة الإنمائية. ....

بتسمعي فيها بس!!! تنفيذ أفش 😂😂😂
😂
1- يوم العطلة فيكي تعتبريه عند الزلمة مرحلة لاستكشاف الذات داخل جدران

المنزل .....بدك تطلعي روحي وحدك أو مع الأولاد هو مش طالع

1- لما يتأخر بالسهرة برا البيت ما في داعي لحركات الأمهات و ترنيلو كل 5 دقايق. ...

هاد سبب رئيسي لعقوق الوالدين و للطلاق

1- ما في زلمة بيقول لزوجته صايرة حلوة إلا إذا كان عامل مصيبة برا.......

ديري بالك

1- بيتابع نشرة الطقس على التلفزيون بس مش كرمال الطقس. ....

والنبي مش كرمال الطقس و فهمك بكفاية 😂 عشان يشوف المذيعة ام تنورة

1- إذا بتتابعي مسلسلات تركية ما في اي داعي تعايريه بجمال الممثلين الأتراك،

لأنو إذا بده يحاربك بسلاح الممثلات التركيات رح تنجلطي. ...

.تابعي مسلسل اللمبي الجدي

يعطيكي العافية

هههههههه


ياريت كلكن تنصحو بعضكن هيك وتضلو رايئين بلا نئ بلا صغر عئل

عطول بضل قول لحالي عئل النسوان بكرة بيكبر وبصير رجال ومنيح

بس عبسسسس بضل عقلها صغير اد علبة المناكير

التعليمات الي فوق كفيلة انك تكسبي حياتك عزيزتي حواء

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ندى الحب يعطيكي العافية

يعافيكي ندى نورتي حبيبتي

هههه والله استفدنا

اي لاء بدو يهتم بلون المناكير وبدو يجاوبني وبدو يبطل يشوف المباراة كرمالي

وكمان كمان يدللني فوقا

سحوبتي يسعدو النشيط والشطور