ليش انت اليحبــــــــــك تبتـــعد عنــــــه؟؟؟

ليش انتة اليحبك تبتعد عنه؟؟
حبيتك بكلبي ومارايد انة انساك
وما رايد اتركك لوعنك اتخلة
كلت اكضي العمر وياك روح بروح
واعيش وياك طول العمر واتهنة
وتاليهة بغدر..تهجرني يبن الناس
وتتركني بدرب خط رجعه مامنة
انكسر كلبي بغيابك وانشطر نصين
وبهجرك يغالي زيدت ونة..
وبهجرك يغالي زيدت الهموم
وزيدت الدمع وعيوني ميحملنة
من كتلي احبك وللموت اضل وياك
صدكني بكلامك ضل كلبي يتغنة
ماجنت اضنه يجذب علي من كال:
احبنك من صدك ماجنت اضننه
يكولولي الغدر وياك اغدر بيه
بس موطبعي الغدر ما اعرفنة!!
بس طبعي الوفة لليوفي انة وياي
ويضل طبعي الوفة وما ابدلنة
ويكولولي اليخونك هم لازم انتة تخون
عكر درب الخيانة وما احبنة
موسهلة اليحبك تبعد عليه وتخون
شلون انطاك كلبك تبتعد عنه؟!!
بعد كل هالسنين الكاضيهة انة وياك
تتقشمر يخايب وتنسة عشكنة
قررت بغيابك ما اهل الدموع
لان غالي الدمع ماتسوة اذرفنة
بعد كل هالحجي ومتريدني انساك
حتة اسمك نسيته وما اذكرنة