10-27-2012, 07:27 AM
|
#2
|
|
رٍوٍُُوٍحٍِِ آلٍّـمَِنَِتًٍـّدىًٍ
|
رد: مواقف وطرائف مضحكة
وهي انا رح بلش باول موقف
بالنسبه إلي ...!!!
وقت كنت صغيرة بابا جاب الاضحية لعنا عالبيت قبل العيد بيومين وطالعناها انا واخي على السطح
وهلكنا لحتى رضيت تطلع
حبيناها كتير وصرنا نطعمية ونحطلة مي تشرب وحممناها لانو ريحته بشعه كتير
واكيد بعد الحمام بدا تمشيط هههه كنا نحنا نجي بدنا نمشطا يادوب نحط المشط الا تهرب وهلكتنا
لاقدرنا نمسكا ولا قدرنا نمشط شعرا
وكل يوم على هالحالة
واجى العيد وفرحانين نحنا واشوي ولا بنشوف بابا منزل الاضحية لتحت على ارض الدار
ونحنا بلشنا اسئله وين بدك تاخدا وين رايح وبابا مايرد
عيط قلنا طلعو لفوق والا مافي تروح عبيت جدكن نحنا اول يوم العيد لازم نروح عبيت جدو
وشلون ماياخدنا طلعنا اركيد
فتنا على غرفتنا بلشنا نسال بعض ياترى بابا شو بدو يعمل بالخاروف ماكنا بنعرف انو بدو يدبحو
كان خوفنا يرجعو وماعد نشوفو
ونحنا شباك غرفتنا على ارض الدار سحبنا الطاولة وحطينا المخدات لطلنا للشباك وياريت ماطلنا
وشفت هداك المنظر والله لايفرجية لحدا
بلشت عيط وبابا شافنا وطلع بسرعه لعنا اخدنا على غرفة ماما وقلنا مافي شيئ واللي شفتو مو صح
أي بس على ميين كانو يوم اسود بحياتي
وال شو عاملينا مشاوي وانا شوف اللحمه وابكييييييي
كتير تعبت ومرضت ومن يومتا لهلاء وانا مستحيل اكل لحمة ولا شوف خاروف ببيتنا
وقت اجي بدي اكل عطول بتذكرو بعيف اللحمه وبعيف الاكل كلو
وهي قصتة الأولى ههههههه لسة في واكيد الي عودة بعد ماتكتبولنا قصصكن
|
|
|
قطفـوا الزهرة.. قالت من ورائي برعم سوف يثور
قطعوا البرعم.. قال غيره ينبض في رحــم الجذور
قلعوا الجذر من التربة.. قال إنني من أجل هذا اليوم خبأت البذور
تبــرد الشمس ولا تبــرد ثارات الزهـــور
أبتسامة أمل ...الله يحميك وترجعيلنا بالسلامة اشتئتلك كتير
Ł Ā Ŷ Ā Ŋ ʚϊɞ ...اشتئتلك كتير وانا رح ضل استناكي لترجعي
ملاك الحرية السورية (منورة ياقمر توقيعي )
التعديل الأخير تم بواسطة ياسمين الشام ; 10-27-2012 الساعة 07:30 AM
|