صباح الخير لورود المنتدى بدون استثناء

اول الشي بيسعدني كون ضيفتك quiet rose

وشكرا الك على هالترحيب تعودنا منك الذوق

ياللا رح نبلش بسم الله

بالنسبة للمكان حبيبتي مافيني قول غير ياسلام بيفتح النفس للدردشة والكلام

ويسلم دياتك على كاسة العصير اللي بتروء الدمات

هلا حبيبتي منجي لاسئلتك

اول سؤال كم وجبة باكل ضحكني هالسؤال ياستي انا اخر شي بفكر في الاكل

اغلب الاحيان وجبة الغدا هي الوجبة الاساسية هاد اذا كنت رايئة اما اذا المزاج مو تمام

بقضيها قهوة ومتة وياسلام

اما بالنسبة للاكل بحب وقت اكل تكون الوجبة دسمة مشان احسن اسند طولي هههه

اما لسؤالك التالت بمووووووت ومايفوت معي حدى على المطبخ ويبلش بقى يعمل معلم

ويعطي اراء ويشيل من هون ويحط هون ويكركب المطبخ كركبة وقتا بطلع وبتركلو المطبخ

وطبعا وانا عم فور واغلي بدل الطبخة

واكيد اكيد بحب اسمع اغاني وانا بالمطبخ او عم قوم باي عمل بالبيت وكل ماطربتني الاغنية

بشتغل بحب ورواء اكتر

اما ياحبيبتي بالنسبة لسؤالك كيف بقيم حالي بالمطبخ

بشعر اني طباخة شطورة وهاد بيشهد علي كل اللي داقو اكلاتي واذا بدك دليل

زيادة وزن زوجي وابني كتير اما بنوتي متلي مابتحب الاكل كتير

واما اخر سؤال طبعا بحب اكل بالبيت اغلب الأحيان وهالشي مابيمنع انو حب دلل حالي

وعيلتي ونطلع لشي مكان وكلو حسب الامكان

وبالختام الك مني الف تحية وسلام