الجيش العربى
واحد اتنين الجيش العربى فين
واحد اتنين الجيش العربى فين
الجيش العربى فيييييييييييييين ؟؟!!!
الجيش العربى فيييييييييييييين ؟؟!!!
الجيش العربى فى مصر
ساكن فى مدينة نصر
يصحى من النوم العصر
وبيفطر شاى ومنين
واحد اتنين الجيش العربى فين ؟؟!!
الجيش العربى فى سوريا
حالق ع الموضة كابوريا
وعلى طريقة فيكتوريا
خلى التروماى بدورين
واحد اتنين الجيش العربى فين ؟؟!!
الجيش العربى الليبى
زى الفن التكعيبى
كله بتنجان يا حبيبى
والظاهر واخد عين
واحد اتنين الجيش العربى فين ؟؟!!
الجيش العربى خليجى
ما فى حيل لا يروح ولا ييجى
هاذا صمت استراتيجى
ايش فيك يا غراب البين
واحد اتنين الجيش العربى فين ؟؟
الجيش العربى فى تونس
اخضر مثل البقدونس
وعزيزة بتعشق يونس
تبقى الحروبات بعدين
واحد اتنين الجيش العربى فين ؟؟؟
الجيش العربو سودانى
سامع هطوته بودانى
هو انا ههجم فرادانى
يلا ارجع يا ابو حسين
بلاش كلام فاضى يا شيخ
واحد اتنين الجيش العربى فين؟!!!
الجيش العربى فين ؟؟؟؟؟؟؟؟
الجيش العربى فين ؟؟؟؟؟؟؟
الجيش العربى اتهان
يوم ما انضربوا الافغان
وسكت فى البوسنة زمان
وقبل ياكل بيضتين
واحد ... اتنين
شاعر عربى
|