تعوا نحكي بلغه المته ...!
بما انو عصام نزل موضوع عن المته وصار الكل يعرفه شو هيه واديش فيه فوائد وكتــــــــــــــير طيبه
انا حبيت نزل هالموضوع عنه ..

بدي أجي أشرب كاسة متة عندك: يعني جاي لعندك
مشوار.

عازمك عكاسة متة:عازمك لعندي.

هالحديث بدو كاسة متة:يعني ما بينقال عالواقف أو عالتلفون, بدو قعدة.

بتتخيلي كاسة المتة هون؟:يعني المنطقة جميلة جدا.

حزير وين شربت متة؟: تدل على غرابة مكان زرته.

حزير مع مين شربت متة؟:قعدت مع واحد ما رح تتوقعو أبدا.

ياما شربان معو متة:كنت صاحبو لهداك الشب (و بتنقال لما الشب التاني بتعلا مراكزو)

سخنو: أنا جاييك عالطريق.

نقاع:يعني تخلى عن رزانتك و شاركنا أطراف الحديث.

لسا ما قطعت كاستك:بتنقال اذا ضيفك بدو يروح و ما طول بالقعدة.

بدنا نجدد: قعدتنا مطولة.

جددنا تلت مرات: يعني الزلمة طول عندي.

قطعت كاستو و ما كنت جددلو:دبقني الأخ و حاولت قحطلو.

ما كنت سخن الأبريق:تعمل عمل سابقتها.

مركزا لحالي: يعني حاطط كاسة متة و قاعد لحالي قعدة رواق.

حزير شو نسينا؟: يعني ما جبنا الأبريق (لما من كون بسيران)

طيبة هلاء كاسة المتة:بتنقال بعد أي شي بيعملو الطرطوسي و بالأخص بعد أكلة دسمة, أو لما تشتي تتدنئ.

بدا كاسة متة: الشغلة بدا تركيز.

ما بيشرب متة: مقت.ههههه

قاعد و حاطط كاسة متة قدامو: مطوله قعدتو (بتنقال اذا ناطر حدا)

قاعد مأشرب متة:مو عم اعمل شي (اذا انسألت شو بتعمل)

ما شربتنا متة: ما كانت ضيافتك منيحة (بتنقال عسيبيل المزحة)

ما شربنا متة: ما كانت ضيافتو منيحة (بتنقال بجدية)

شبك؟! بدنا نشرب متة: لا تقلي رايح.

يلا بشرب كاستين: ما رح خجلك, بس عنجد أنا مستعجل.

منشرب متة بالأول ولا مناكل و منشرب متة؟: تنظيم وقت السيران.

انقالت بقعدة متة: ضعيفة المصداقية.
وانا عازمتكن كلكن عكاسه مته تفضلوا هههههههه


بتمنى ينال اعجابكن

قطفـوا الزهرة.. قالت من ورائي برعم سوف يثور
قطعوا البرعم.. قال غيره ينبض في رحــم الجذور
قلعوا الجذر من التربة.. قال إنني من أجل هذا اليوم خبأت البذور
تبــرد الشمس ولا تبــرد ثارات الزهـــور


أبتسامة أمل ...الله يحميك وترجعيلنا بالسلامة اشتئتلك كتير

Ł Ā Ŷ Ā Ŋ ʚϊɞ ...اشتئتلك كتير وانا رح ضل استناكي لترجعي


ملاك الحرية السورية (منورة ياقمر توقيعي )