بداية اخي عمادد رمضان كريم
وكل عام وانتا بخير
هون كل شخص بيحكي رئيه بصراحة بتمنى مانحمل
حقد وكره لبعضنا
ونكون بعيدين كل البعد عن الحساسية
ثانيا رح ابدا كلامي ببيتين زجل شعبي
حقك ينجمات السما تتكهربي
وعلى اخبار سوريا واهل سوريا تغضبي
اخي عماد بدك حقايق موجودة وهي اليوتيوب موجود بين ايديك
افتح على تسريبات لجنة ويكليكس مع النظام السوري
بتشوف الدليل وبامكانك انك ترفض
هي حقك بس للعلم هي وثائق مؤكدة ومثبت بالدلائل
ثانيا ملك السعودية مابيهمني باي شكل
ان كان بيسكر بيخمر عاطي استثمارت امريكية يهودية هو حر
ثالثا بتمنى قبل ما ترد تفهم شو كتبت انا
انا كتبت بردي السابق
نحنا مو طالبين يعطينا مصاري
ولاطالبين يعطينا سكن
ولا طالبين يعطينا بيوت
طالبين كرامة وشوية انهاء فساد
وبالنسبة لسعر السيارات برجع بقلك مابيهمنا
نحنا منفكر بسوريا
ومنشان انه سوريا مكتوب باسم بيت الاسد لا انتا ولا اي شخص منحقوه يحكي باسم الكل
هلئ رح تبلش مؤيدين ومظاهرات مليونية مؤيدي
رح ردك عليك مباشرة
مو كل مين خرج مؤيد هو خرج بيكيفو
مارح اذكر اسماء حرصا لسلامة اصحابها
وبرجع بكرر وقت بيخرج
500000 في حماة
و500000 في دير الزور
وحوالي 100000 في حمص
ومتلهم في درعا
وقت بيخرج
10000 في دوما ومتلهم في حرستا
والتل وبرزة وعربين والكسوة
والمعضمية وكناكر
وباقي من الاحرار
(تحت الحصار) هون افهم اصدي
تحت الحصار وتواجد الامن المكثف
ليندهو بصوت واحد حرية
تخيل الرقم الي رح يخرج اذا تركو الشعب يطلع يعبر عن رئيه
سوريا من بداية تاريخها حرة
مافينا نربطها باسم عيلة
وياسيدي يعملو انتخابات مين بدو بشار
بس بشرط انتخابات شريفة ويكون
الامن ما الو علاقة متل السابق
اسمعو اراء الناس
نحنا ماطلبنا ارئيس ينزل يشتغل عنا
ولا طلبنا يقدملنا الاكل كل يوم
كان بالبداية طلبنا واضح اصلاحات ومحاربة الفساد
هي مطالبنا
بس يوم ارتوت سوريا بدم اولادها لشبعت
ماعادت اصلاحاته تتشفع
بدي منك تحكي بصراحة شوي صغيرة
وبدي ياك تفتح المقاطع وتشوف الحقيقة
ال امن وامان
كلنا منحب الامن والامان
والامان مو مربوط باسم الاسد او اي شخص
الامان نحنا زرعنا بمحبة لبعضنا ونخوتنا
وغيرتنا على اعراض غيرنا
الامان اذا انا مرضت مارح يشفيني او يشفي اي شخص
الامان اذا بردت مارح يدفيني
وطبعا لتعريف الحرية هي رئيك
وبحترمه بكل رحابة صبر
وبالنسبة للحرية مطلبنا رح عرفلك ياها
الحرية هي نعيش بشرف
اذا دخل اي شخص مؤسسة حكومية مامعو واسطة يستقبلو ويمشو ورقاته
الحرية لما نشوف الغلط نحسن نقول غلط
الحرية انك ما تروح مشتبه فيك لاي مخفر وتسمع من كلام الاهانة
كلام مابيخرج من عدوك
وبس يتبين انك بريئ بيقو لك اسفين
هي حريتنا الي طالبينها سابقا
اما حريتنا الجديدة هي
انه مانخلي دمات شهدائنا يروح هيك على الفاضي
فيك تجاوبني على سؤال بسيط
150 قتيل مبارح بسوريا
في دولة بتستقبل رمضان هيك
هلئ رح تبلش مخربين ومخربات
هي الاسطوانة الي حطيتوها وصدقتوها هي المشكلة
انكم صدقتوها
وبالنسبة لا اي شخص بيعارضوه شعبه صار اسمها ثورة
برجع بقلك بدايتنا كانت مطالب بسيطة
اصلاح بس هو الي نزل جيشنا وشبيحة النظام وخلونا نحس اننا عم نثور
وبالنسبة لاننا منقتل شعبنا بشعبنا
معك حق
جيش الشبيحة الايراني السوري هو الي بيقتلنا
وبالنسبة لاسلحة الثوار معروفة شو هي
شوية خطابات نزلت على النظام متل الرصاص
كلمة حرية كانت متل قذيفة طيارة
ومنشان الاستعمار اذا رئيس مو حاسن يضبط حدوده على الدنيا السلام
وبالنسبة للجيش
سئلت اسئلة وانتو بتتهربو منها
وبتمنى اني لاقي جواب
مين الي قصف اللواء 61 مبارح بالمدفعية
اكيد المخربين
والظباط الاحرار الي شكلو جيش سوريا الحرة
كمان مخربين
بس رح بشرك بشي اخي رح تسمعو بكثرة مخربين بهي الايام
لانه الشعب رح يثور بشكل اكبر واكبر
ويكون بعلمك ثورتنا سلمية حتى الان
بسبتمنى لاقي اجوبة لسؤالي الاخير
وبتمنى مايكون بينا حساسية هي الرأي والرأي الاخر
مو متل الدنيا الي اخبارها مو من هي الدنيا
لك اشتهيت من خمس شهور وجاي حط على قناة سورية
وبالنسبة لانه بشار رح يضل هي رئيك وبحترمه بكل تقدير ورئيه مو رح يضل
والايام رح تثبت
وانا اعلم وانتا تعلم والله يعلم
وفي النهاية متل البداية زجل شعبي
تغنى ياليل في تغنى
انا البلبل سمع صوتي تغنى
وقمر نيسان كان صفر خدوه
لولا بنور اشعاري تهنى
ياعماد سيفك صان حدو
قبل ما تلفظ الكلمة تئنا
واسمع استشهاد مواطن لك لو برصاص مخربين
|