منتديات تيرا الحب - عرض مشاركة واحدة

12-17-2017, 08:30 PM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة قيصر الاحساس


	السلام عليكم ورحمة الله وبركاته اليوم في حدث مهم لدينا هنا في تيرا الحب ...... اليوم في شخص بدنا نضيفو عنا ونسئلو كم سؤال هيك خفيف .... شخص فاز بالتصويت الي عملنا بدرجه ما حدا توقعها بنسه عاليه جداً ..... شخص الكل بستنا يوئع هالوئعه ع احر من الجمر هههههههه شخص تعرفنا عليه وانظم لعيلتنا ب 09-04-2013 دخلت الفرحه لقلوب الكثير هون ... كانت شخص مميز بردودو ومواضيعو .... معروفه باسم quiet rose او كوايت نرحب بكي في داخل هذه القاعه المظلمه وع هالكرسي اللطيف ... ولو كانت اجابتك كلها شفافيه وصدق وعدم التلاعب والمهرب من الاجابه .... هنالك بعض الجوائز من الاداره .... ونبدء باسئله التعريف ... الاسم ؟ العمر ؟ الجنسيه ؟ المهنه ؟ الاقامه ؟ انطلقو .....

يعطيك العافية خيو
زمان عن كرسي الاعتراف
يمكن اكتر موضوع كنت حبو هو كرسي الاعتراف
وكنت حب طريقة تقديم المجرم

قصدي الضيف الي بدو يتعذب قصدي يتدلل بفترة الاقامة الجبرية فيه

بس شكلك خربطت بالكرسي هاد للشباب
اما الصبايا بدن كرسي من ورد يتطابق مع نعومتهن وكونهن جنس لطيف

اما بالنسبة لغاليتي quite rose 🌹
اهلا وسهلا فيكي
فرصة حلوة لنتعرف عليكي اكتر
رح اطرح كم سؤال باول مرحلة ولي عودة للمتابعة

1_ اول شي حابة اعرف ليش اخترتي هالاسم لتشاركي فيه بالمنتدى وبما انك صرلك من 2013 بالمنتدى شو بيعنيلك هالشي وبالحياة الواقعية بتعتبري المنتدى مكان للهروب من هاد الواقع او هو جزء من واقعك ولما تذكري المنتدى مين اول شخص يخطر عبالك؟

2_ مين اكتر شخص ممكن ياثر فيكي وبقراراتك وشي مرة اخدتي قرار وندمتي عليه ولو استشرتي حدا لاتخاذ قرار ما وبعد ماسمعتي نصيحتو طلع هالقرار غير موفق وسببلك مشكلة
شو رح يكون موقفك ممكن تحطي الحق ع صاحب النصيحة او
تتقبلي هالشي شو ماكان؟

3_ اليوم مع تعدد وسائل التواصل الاجتماعي هل تعتبري انو دخولك للمنتدى وتواصلك مع اعضاء المنتدى عن طريق المواضيع المطروحة فيه واحدة من هالوسائل ام تعتبري انو لازم هالتواصل يتم عن طريق الواتس او الفيس او الانستا اوالتويتر والسناب هو الافضل وشو السبب؟

حالياً رح اكتفي بهدول ولي عودة لطرح المزيد
بانتظار اجوبتك
موفقة حبيبتي
ودي💜💜