منتديات تيرا الحب - عرض مشاركة واحدة

03-21-2019, 06:21 PM

ماما اشتئتلك جاية اشرب عندك فنجان قهوة استنيني

ماما في حدى تغالز عليي جاي احكيلك شو صار

ماما نزلت عالسوق جبت فستان جاية ورجيكي اياه قبل ما ارجع عالبيت

ماما عندي مناسبة تعالي انزلي معي عالسوق انتي اكتر وحدة بتعرفي

شو بيلبقلي

ماما انا مخنوقة وتعباني بدي فشلك قلبي جاية اقعد معك

ماما داق خلقي كتير جاي اخدك ونروح شي مشوار

ماما وينك ؟؟؟ ماما وين حسك وين ضحكتك وين صوتك

ماما ماما عم اندهلك ليش ماعم تردي ؟؟؟

ماما قلبي محروق محروق عليكي ومحروق من وجود ناس اشرار بهالحياة

ناس بتكره تشوف حدى مبسوط وفرحان

ماما صباح الخير ومسا الخير وكل اوقاتك ترجع خير

ماما قلبك الكبير اللي ماعرفته غير بيوزع الحب عالكل وبيضم الكل جواته

هو حضني الدافي

فداكي الروح يا أمي

فداكي عمرنا كله

تعيشي يا امي تعيشي يا امي

ياللي دعاءك نور لقلبي

ووجودك سر افراحي

وقلبك قصري

من غيرك يا امي انا بغرق

ربي يديمك نعمة بحياتي ويبعد عنك كل شر

كل عام وانتي بالف خير ياقطعة السكر

فضلا وليس امرا من مر من هنا يترك دعوة من قلبه لسحابة صيف