09-19-2011, 10:07 PM
|
#4
|
|
هلئ بالنسبة لهاد الموضوع
انا بتوقع انو هالشي ما سببو انو نحنا منحب نجرح حالنا
يعني ماحدا بيتمنى لحالو العذاب
بس انا من وجهة نظري
بشوف انو نحنا بنعيش تجارب حب ما بنعرف مصيرها
بتكون مجهولة وممكن تسببلنا جرح كبير بحياتنا
ومنكون بالفعل نحنا اي رحنا لهي العلاقة بدون وعي
في ناس كتير بتهرب لهيك حب منشان تنسى
وناس بتكون ئلوبها مكسورة وبترميها الايام بطريق هيك حب
يعني انا ما بعرف بس بحكي عن تجربة مرت معي وما بدي احكي فيها
كرمال فترة بحياتي صار معي صدمة نفسية
بس قدرت ع حالي وعديت منها طبعا بعد الالام كتيرة
ولاني حاطة رب العالمين وحسابه قبل اي خطوة امشيها
بس بعتقد انو 80% لو مروا بالشي الي مريت فيه كانو وقعو بهيك حب
حتى لازم مانسميه حب لانه بيكون استغلالي
حدا منهار وتعبان ومكسر عالاخر بيدور ع حضن دافي وئلب كبير
بس للاسف بفيق على كابوس وبيلاقي جراحو زاذت
وممكن ينتهي فيه الحال فيه لصدمة كبيرة ما بيوعى منها
لهيك بتمنى لاي حدا بيمر بازمة عاطفية او نفسية
يحاول يتانى وما يعمل شي يندم عليه
هي بالنسبة للحب
اما قصة الصداقة فهي لا تحكي فيها
انا تعرضت بحياتي كتيررررررررر لخيانة الاصدقاء
والسبب كمان مني بس من غير قصد
طيبة ئلبي تعبتني وكنت بعدي مواقف كتير
لاصدقاء او من يزعموا انهم اصدقاء
بس لما صار الجد مالقيت حدا منهم
يعني يمكن ما بتسدئ لو ئلتلك انو ما عندي ولا رفيقة
بعالم الواقع
اصدقائي كلهم بعالم النت
والناس الي عاشرتهم هون حسيت بينهم بانو فعلا في ناس صادقين
يعني بحسوا فيي ويزعلوا على زعلي
وانا ببادلهم نفس الشعور
يعني لو جينا للخلاصة
رح نكون نحنا السبب لخوضنا علاقات حب عنيفة نكون نحن ضحيتها
لاننا رحنالها بعز جراحنا وتعبنا
والاصدقاء كمان نفس الشي نحنا الي بنجيبهم لحالنا
ربي يحمي الجميع ويهدي سرهم
ويطعمهم احبة واصدقاء صادقين
يصوننهم ويعيشوا بخير وهنا معهم
اسفة كتير للاطالة اخي
وبتشكرك مرة تانية
احترامي
|
|
🌷🌷🌷🌷
التعديل الأخير تم بواسطة أبتسامة أمل ; 09-20-2011 الساعة 06:43 PM
|