منتديات تيرا الحب - عرض مشاركة واحدة

11-16-2012, 12:50 AM

اول شي تحية الك اختي يارا ولاسلوبك بالرد

وعجبني كتير تمسكك بعاداتك والقيم العربية الي تربينا عليها والحفاظ عليا ببيئة مو بيئتنا

هالشي صعب كتير وبسبب مشاكل كتير

بس المبدأ مبدأ والدين دين ومافينا نلعب فين

بارك الله فيكي اختي والله يثبتك على فعل الصواب

.............

ملاحظتي على كلامك وقت قلتي انو العرب في ئلفة وفي علاقات ود بيناتن

بجوز لانك عايشة هنيك اخدة فكرة حلوة ووردية عن مجتمعنا

صح نحنا عنا خلطة اكتر وعلاقات اكتر بس مافي حنية او الفة

والحسد والغيرة عامية قلوب مجتمعنا

فلو جيتي على هيك بيئة اخدة فكرتك الحلوة عنا وتفاجئتي بالي عم قولو انا

رح ترجعي تعيشي بالغربة ولا رح تقبلي مجتمعنا على الحلوة والمرة

..........

عقلنا مابيفرق عن عقلن اطلاقا بالعكس اذا شغلناه نحنا افضل

يارتى ليش هنن متقدمين علينا ونحنا بالفعل متخلفين

السبب العقل او العقلية ولا في شي نحنا مامنعرفو

................

عند الغرب انو يحطو حدى بالقلاية شبه معدومة لانو ماعندن اسس للترابط

نحنا العيل مشربكة ببعض والكل بيقرب بعض ومحسوب على بعض

وكل مرة عنا جريدة انباء

وكل زلمة لسانو سبع شطلات

ياترى نحكي ونلعي احسن ولا نتجنب بعض وقصص الناس احسن

..............

هلاء بشوف اذا برجع بسئل او لاء لشوفك تعبتي اول ولا شو صار فيكي هههه