08-13-2011, 09:51 AM
|
#5
|
|
الله يسلمك اخي
الحمد لله بخير انا
كنا مشردين وطلعنا من بيوتنا كرمال اصلاحات قليل الشرف وعديم الدين
الله ينتقم منو ومن عصابتو
القناصين بكل مكان
والدبابت قدام بيوتنا
اليوم رجعنا وياريت مارجعنا
شي بيقطع القلب
الدير صارت خربة
وشكلها متل مدينة الاشباح
مافي حدا بالشوارع غير كلاب بشار السعرانة
المحلات مغلقة والناس طفشانة من بيوتها
طلعت عالبلكون عم طلع
والا منظر قطع قلبي وخلى دموعي على خدي سيل
ماذنة جامع العثمان
الي مقابل بيتنا مدمرة
بالاول حاصروا الجامع ومنعوا الصلاة فيه
وبعدين سكروا وكتبوا مغلق للصيانة
بس الناس صارت تجي قدام الجامع وتصلي بالشارع
واخر شي طلع معهم
قصفوه لانو صار يكبر
ياناس ايام فضيلة ايام عبادة
والكلاب عم يقتلوا شبابنا
بدون ذنب
بنت طلعت مع امها ليجيبوا كم غرض من البقال تجيها
رصاصة من قناص تقتلها وهيه بعدها ما بلغت عمر 18 سنة
الله ينتقم منك يابشار
ومن كل حاشيتك وعصابتك الي بلا ذمة وبلا ضمير
ورح اترككم تشوفوا بعيونكم كيف قصفوا ماذنة الجامع
الله يقصف اروحهم
|
|
|
LORD
🌷🌷🌷🌷
|